新同事

今日有新同事join 我o地條team,而呢位同事係我o係AIA時識o架喇,世界就係咁細!!不過其實我唔係好想見到呢個人,因為係AIA時聽得同team人講佢壞話太多,所以對佢印像麻麻...當然,我其實無咩接觸過呢個人,所以我都知我呢d係偏見!!

Lunch食welcome lunch,同事話我知原來我阿姐同我呢個AIA舊同事係兩公婆!!!!嘩,唔係o卦,真係估佢唔到!!雖然我番o左只係一個月工,但我好肯定我姐係一個性格爽快,頭腦果斷,好smart好叻o既人,但據AIA舊同事o既流言,佢老公係一個優悠gwa斷,唔識扮識,靠擦鞋先可以無o野做逗高人工o既人...

總之,就算只睇樣,我都覺得我係唔會覺得呢個人係好人o既人啦!!所以,當我知道佢o地係兩公婆時真係好驚雅,點解兩公婆可以咁唔同?唔通真係我成見太深,佢老公可能同我想像唔同??不過,佢老公入得o黎呢條team,睇怕都係靠關係多...anyway,日久見人心,相信呢個人係好定壞一定睇得出!!

P.S. 餐welcome lunch每人$60, 我都係收錢時先知要夾,我仲以為大公司呢d飯局一定係公數o既添~~!!

再P.S. 呢兩日天氣凍o左好多,同事們好遲先番到公司,而我...依然keep住8點9番到,其實早番就可以大條道理早放係咪只係我個人一箱情願o既諗法??