帶飯

尋日開始又帶番飯番工喇,雖然呢個月同同事食lunch有傾有講的確幾開心,但其實我都係比較enjoy一個人食完飯上o下網回email回blog留言或處理一d私人事務再趴係度訓到手都痺多d(簡單講係玩自閉),所以我特登買o左個暖woo,唔使落canteen叮!!

點知尋日第一次食暖woo帶o既飯,咦...凍o既???雖然仲有微溫,但打開後我未食完已經完全凍晒!!個暖woo寫住可以保溫5-6個鐘,由朝早七點半到我食lunch剛好5個鐘,又真係幾準...但要知道而家天氣仲暖,食凍o野都仲勉強可以,但冬天真係唔知點算!!

同媽咪講番個暖woo唔夠保溫,我媽再問人先知原來要直接放飯落去,唔係woo入面再有一個兜o個種先暖喎,噢...睇怕又要再買過喇!!!