同honey一家去食小肥羊下午茶自助餐!!

今日約o左未來99成家人去食小肥羊下午茶自助餐,其實呢餐約o左好耐o架喇,目的係慶祝honey考到牌!!

自助餐食o左兩個鐘!!坦白講,一d都唔好食,其實點心o既味道唔係難食,都係一搬酒樓食到o既,但最大問題係o個度冷氣好凍,放上台o既o野食一陣就凍晒,本身都已經唔係咩好味o野,凍埋就更加難入口!!!唯一好少少係o個d糖水,唔知係咪坐得太凍,最後食糖水時覺得成個人都暖晒!!!但overall,我覺得小肥羊呢個自助餐做得好無誠意,所以我估我一定唔會再幫襯香港小肥羊!!

食完o野陪未來99睇磚,無錯,係睇磚!!!因為我未來99唔知我o地買o左磚!!!由於我'唔小心'俾未來99參與o左睇磚呢個項目,o係佢未親自睇晒'所有'磚前,我真係唔敢通知佢我已經買o左,所以今日唯有再睇磚,滿足一下老人家!!

睇完磚上o左新世紀,本來係諗住一次過睇金方便,點知...原來o個度多o既係鑽石唔係金!!!!白行一趟!!!最後大家落番Nathan Road再睇!!大型o既金行都行過喇,對比下,大家都覺得上次o係周生生睇o個對最靚,至於上之我話'叮'一聲o個條金鏈真係搵唔番,唔通真係就咁就無o左???...嗚...希望遲d遇得番另一條'叮'一聲o既金鏈啦!!!