鐵閘壞o左!!!

今日星期五,如常起身刷牙洗面換衫落樓下媽咪度食早餐!!將鎖匙
插入鐵閘一扭,咦,無反應o既??再扭,仲係怪怪咁,之後成個插鎖匙位仲跌o左出o黎,入面o既片仲碎晒出o黎!!!

我爸話鐵閘就係靠呢d片食o岩個位去彈開個lock!!!

之後我再試就咁插條匙入個lone度開,但失敗,亦即係話,我被困係屋企喇!!!!唯有即call媽咪啦,佢就立即叫當時仲未起身o既爸上o黎救我喇!!

我係屋入面無o野做,所以影o左張相,哈哈!!

我爸用佢o既'架生'好努力咁giu,giu到成個匙孔入面爛晒,再用暴力,我終於'途出生天'!!

前前後後我被困o左差唔多廿分鐘,好彩我平時早番工,雖然今日係遲o左,但都仲早過大部份同事番到office,哈哈!!!其實之前一晚我發夢自己番工遲到,最後番極都番唔到公司,唔通就係對今日個鐵閘壞o左o既預感???

===================================================

題外話,阿姐星期三話星期四飛去九寨溝,嘩,做perm真係開心,有平機票話飛就飛,我都希望我有咁o既一日!!