Our 10 Years mini-photobook!

由於簽名布事件令我對o係大陸造相簿o既信心受到打擊,但相簿design又已經根據大陸公司設定要求而設計好,仲要因為佢平而貪心地design o左十六誇頁,為免自己要由頭再design同唔想因為咁而要source加頁唔使百幾二百蚊o既香港公司(呢個可能係mission impossible...),我決定用一百蚊o係大陸相簿公司造一本迷你相簿,睇睇相簿出o黎d色偏差如何,質素如何,信得過先再send design好o既誇頁俾佢造大相簿!!

由於唔想細相簿重覆大相簿o既內容,我決定再design十個誇頁造細相簿,當然,今次design比上次輕鬆,大約用o左唔使一個星期就design o左三分二!!

由於一本standard相簿包十跨頁,咁o岩我同honey又拍拖十年,一於每一誇頁代表一年,質素好仲可以放埋o係reception俾人睇,yeah!!

搵番d舊相,由於1999-2002年仲未流行數碼相機,所以只有hard copy,不過問題亦出現,因為d相係無日期o架,我同honey睇番都諗唔起係邊年影,咁點分番d相???好彩,幸運o既事發生,就係我搵番其中兩筒菲林o既曬相index,原來index上面有曬相日期喎,真係幫我o地唔少,不過都仲有好多相係認唔番幾時影,2001-2002 o個年仲好似一張合照都無咁...唔通大學生活太busy??估唔到我o地咁失敗,唔記得晒從前o既事...哈!!!

睇番以前d相,honey好瘦o架,同埋以前d頭髮好長,好肉酸,而家靚仔好多,哈哈!!至於我呢,十年前喎,當然青春好多啦,自問都唔算肥o左好多,只係多o左一大黑眼圈...老喇!!!

由2003至而家全部都係數碼相,我一路都有分番folder,所以易睇好多,好多都好易搵到相放落相簿仔,不過當中亦有d年份少靚相,有d就多得滯,一跨頁入面都唔知放得d咩入去可!!最後就係第十年喇,雖然呢個第十年過得幾個月,暫時只有o係honey生日同我生日影過合照(我今年應該係影食物同地磚傢俬多過影人...),咁少相點好?無理由等到出年臨結婚前先整嘛,唯有算啦,加番幾張香港婚照代表第十年會結婚算(但係影婚照實際上係第九年...)!!!

仲差1999-2002未整好,因為要scan相,好煩!!而家俾住最新鮮熱辣o既第十年跨頁俾大家欣賞先!!!

第十年真係好少相!!!