一朝上blog,睇到一個blog友講usability,忽然好似遇到知音咁,即刻留言請教,好期待我可以係佢身上有所得著!!!
今日難得一家五口又齊人,所以我雖然要趕功課,但都有出去沙田一齊食午飯,本來我爸要去運輸署,點知因為我妹同我遲o左落樓,教到我爸去到時運輸署關門,有少少唔好意思!!!
下午我又忙裡偷閒,同honey行o左陣街,傾o左好多計呀...因為我兩星期以來唔得閒到只可以每晚打個電話講'早抖'呢!!!!
番屋企又要作戰喇...
2006年4月28日 星期五
黑
黑~因為我今朝經曆兩年來首個日出,睇住天黑變天光...六點半先訓...
黑~因為我一直睡唔熟,七點幾,八點幾都醒過,不斷睇鐘,皆因我九點半要起身出去做Project...
黑~因為天陰落大雨我仲要邊擔'庶'邊拎住部好幾磅重o既電腦同相機出發,'庶'住部電腦仲多過'庶'自己!
黑~因為為o左呢個project麻煩到好多人...我相信我已經講o左好多句'唔好意思'同'麻煩晒'!!!阻人咁耐時間(一人平均阻45分鐘...)我自己都唔太好受...加上今日有好多'說話'聽(雖然言者未必有心,但我呢個聽者幾介意...)...唉...總之我都明我阻人咁耐唔係太好啦...
黑~因為今日progress麻麻,被訪者不投入,加上尋日1st interview o左幾位同學後開夜車改善個Prototype,點知可能係無訓呆呆滯滯,今日interview先發現錯漏百出,所以今日個interview似乎係幫我debug多過幫我Improve個Prototype,即係白做...
黑~在Poly工作o既細佬同幫我做interview o既朋友都唔得閒同我食飯,所以無食...
黑~拎住咁多o野番到屋企門口發現無帶鎖匙,好日唔出街的媽媽自己出o左沙田行街,幸好佢話十五至二十分鐘後番到!!!...我咁大個女第二次無帶鎖匙咋...點解偏偏係今日(睇怕都係我無訓覺有關...)
黑~等人開門期間無處容身!!街外落雨,大廈呢幾個月換厠所渠(超大工程),大廈無處不是工人、厠所渠、泥水+雨水+厠所水(?)+灰層...可憐我想係電梯大堂或走廊容身都唔係好得,周圍污漕到我唔可以放底手上o既o野,要拎住手提電腦,手袋同顯透o既雨傘呆站!
無咁黑~企o左十五分鐘,忽然睇到爸爸把聲(就好似救世主咁降臨一樣),原來我爸帶人番o黎了解換渠工程o既o野,所以我俾預期早入到屋!!!
黑~睇報紙時發現自己手震不能自控,只好平放係台面睇,另外成身肌肉痛,特別關節位,似乎係多日坐係度做功課有關!!!...仲有,手臂同膝頭出面不散瘀痕,似乎係新陳代謝減慢,長時間坐住血液唔遁環有關!!!!
黑~精神崩潰下我忍唔住喊,但又唔可以喊太耐,因為要做功課,連傷心o既時間都無,黑!!
黑~我仲有一個星期要同呢份功課死過!!!!
無咁黑~希望辛苦過後可以瘦多幾磅...纖體o既代價真大...唉...
2006年4月26日 星期三
累與慮
已經成個星期每朝8am to 3am,黑眼圈話咁快深過隻熊貓,仲瘦o左兩磅(呢樣可能係唯一好事!!!),尋日朝早開始腳痛,唔知點解大脾後方好支力,就好似做完運動o個仲支力,令我坐唔好,以驚係我連續坐得太耐,成兩星期不斷坐,搞到壓住d血管...所以今日都有特別拉o下筋,郁動o下...希望唔好太遲啦....
由於個prototype差唔多完成,所以深夜特登麻煩Vivi幫我約人,但因為學期尾,我忙時大家都忙於溫習考試,campus唔會有太多人,真係好擔心份功課去到呢個地步會做唔落去....所以Vivi都係好辛苦先幫我約到一兩個人幫我做test...其實我都知我衰喇,唔早講,但係我個prototype都係o岩o岩ready,所以無法子呢...唉,今次麻煩到咁多人,令我好唔好意思,不過我一定會好好報答佢o地!!!!!!!!!!
2006年4月22日 星期六
2006年4月20日 星期四
移民
尋晚發夢爸媽想移民,我同細佬妹都好驚,忽然唔知點算...訓醒後我個心都有少少不安,不過轉頭又好放心,因為我媽係一個連去旅行都唔多識享受,成日覺得屋企最好o既人,做o左廿年師奶,忽然要改變生活環境真係無乜可能,所以都係唔好胡思亂想喇,哈!!!
間中我都會諗自己有朝一日會唔會移民外地,雖然香港真係一個十分方便o既地方,但始終生活壓力異常大,環境又越o黎越差...當然啦,而家我快畢業,事業先算係開始,錢又無,移民呢回事絕對無可能,但移民呢樣o野,我唔敢包將來有無可能發生,因為我唔敢講自己好愛香港呢個地方...因為我時不時都有"香港'唔係人住"o既感覺呢!!哈!!!
2006年4月19日 星期三
手記MV
早前都提過呢幾日비 o既首支中文MV會發佈,今日終於睇o左喇,不過無我想像中咁正,反而覺得之前網友係MV拍攝花絮剪輯而成o既MV(我homepage有得睇!)仲好睇呢!!!另外,一直唔肯定o既歌詞終於有官方版喇,原來之前網友無聽錯,歌詞真係有'饅頭'同'pantech'呢兩個term,真係奇怪又hard sell...
Pantech個網度除o左有得睇MV,仲有好多비o既訪問片段,手記舞蹈教學視頻(我一定要學識佢!!)同靚靚wallpaper同gif圖呀,好正,唔好錯過呀: http://cn.pantech.com/RainMV-CN/swf/index.html
手記
JYP JYP
放開手 放開手 放開手
rain rain
還你自由 還你自由 還你自由
眼看我們慢慢放開雙手 舍不得
多年感情面臨生死關頭
多年相處片段淨靚心頭 好難受
要看著你走
曾經的溫柔 曾分享的饅頭
是時候 留在我的掌紋中漫游
曾經的哀愁 曾飛揚到眉頭
是時候 點滴成不朽
我們和平分手 我要還你自由
請你記住 我的Pantech 在你手
在你難過時候 在你失意時候
請你記住它依然在你左右 做你的朋友
眼看你站在我視線的背後 捨不到
我怕看到你的背影顫抖
我怕你也忍不著要回頭 好難受
比賽誰首先淚流
曾經的溫柔 曾分享的饅頭
是時候 留著我的掌紋中漫遊
曾經的哀愁 曾飛揚到眉頭
是時候 點滴成不朽
我們和平分手 我要還你自由
請你記住 我的Pantech 在你手 oh baby
在你難過時候 在你失意時候
請你記住它依然在你左右 做你的朋友
曾經的哀愁 曾飛揚到眉頭
是時候 點滴成不朽
我們和平分手 我要還你自由
請你記住 我的Pantech 在你手 oh baby
在你難過時候 在你失意時候
請你記住它依然在你左右 做你的朋友
我們和平分手 我要還你自由
請你記住 我的泛泰 在你手 (在你手 喔~)
在你難過時候 在你失意時候
請你記住 它依然你左右 做你的朋友
我 即將硬著心賜 不回頭
找不到留下的理由 你需要我揮手
我 即將望穿秋水也不夠
相信你永遠的微笑 也不夠 oh yeah~ (oh yeah!)
我們和平分手 我要還你自由
請你記住 我的泛泰 在你手
在你難過時候 在你失意時候
請你記住 它依然你左右 做你的朋友
有趣的presentation
2006年4月18日 星期二
不負責任
成份project佢根本無參與,email唔check唔覆,唯一一個email竟然係話自己有病唔開會,最令人不恥係佢唔做o野但'扮'想做o野!!!!!!!!!!!!問人有乜可以幫手,好啦,交低o左有乜俾佢做,由於佢唔覆email,咁我咪親自打俾佢追問進度,但次次都係'未做好'!!!好喇,尋晚佢應承話今日搞掂,今日下午又打o黎問佢想整首demo歌好唔好...但其實我o地組另一位組員已經整好一首啦嘛,所以根本唔需要佢整!!!!好喇,到今晚開會,我一見佢梗係問樣o野整好未啦,點知答案依然係'未',佢仲話連佢本來話想整o個首demo歌都整唔切!!!分明就係以'整demo歌'作大話,扮自己有做o野!!!!!!听日present 喇,今晚傾project期間我o地分工,但呢個人又唔mark 底我o地討論o既points,明顯佢對於佢自己負責o既部分一d都唔上心!!!
而家我同另一個組mate都覺得佢信唔過,交底佢做o既o野睇怕佢聽日都未必交得出...唉...唯有我同呢位組mate幫佢做定...好無奈又氣憤!!!!我學業生捱咁長,呢個人都算係係我遇到中最不負責任o架喇,枉佢仲係大學生,實在太過份喇!!!
2006年4月17日 星期一
感動
呢份應該係我學業生捱最後一份功課喇,但我真係好擔心,我怕呢份成為我學業生捱中唯一一份要遲交o既功課,甚至怕會係唔合格o既一份...死喇...唔合格咪即係畢唔到業,點算...
係嚴重低落o既心情下,好多謝honey o既一杯雪榚...呢杯雪榚令我破涕為笑,再笑變為眼泛淚光...總之好感動啦,多謝honey!!!!!
==================================
夜晚打俾supervisor'自首',好彩佢只係問幾句進度...佢仲問我有無需要extend多一個星期...係就好喇...
2006年4月16日 星期日
辛苦
陪屋企人出去食o野買食送,番到屋企四點,一開電腦check email,嘩,十五個未開電郵,其中十個都係關於今個星期三份present,其中一個仲大獲,竟然係我final project個supervisor send o黎,問我點解咁耐無消息,份功課做成點...我都知衰喇,兩個星期仲有咁多o野未做,佢仲話想面對面同佢交代(以往都係online meeting o架咋!)...大獲喇...個人已經唔夠精神,而家仲有一連串o既'考驗'...噢賣葛喇!!!!
2006年4月15日 星期六
'老'朋友
差唔多七點,本來諗係草地燒o野食,點知收到消息話附近已經行雷閃電落大雨,所以我o地改係有遮陰o既地方燒,唔使濕身,都算好彩!!!!除o左英國番o黎o既老朋友外,其實其他人都無乜點變,可能係因為上次見面只係大半年前吧!!!燒完o野食我o地就去o左彩虹食糖水,本來都想搵個地方再傾計,但因為太凍又真係無地方可去,所以大家只好唔捨得咁散呢!!!我交完功課後,襯老朋友未番英國前一定要努力再搞多次re-u先得!!!!
今晚其實有少少'怪'感覺,可能大家都係小學同學啦,畢業後生活環境各有不同,同話題自然唔太多,加上其中一位持別會'搞氣氛'o既老朋友無o黎,所以今晚間中有'dead air'呢!!!!!
(P.S. 由於小學同學大家都係互叫全名,所以我上面都唔想寫人名喇,費事寫人全名唔太好,哈!!!)
2006年4月14日 星期五
深圳一日遊
好不容易過o左關,我o地於是拎起介紹深圳食店o既雜誌研究研究,結果我同honey都對'巴蜀風月'呢間川菜館很有興趣,雖然o個度都幾遠,但為o左大飽口福,幾遠都去!!!去到了,餐廳周圍其實好荒蕪,無乜香港人,都有少少膽心,不過入到餐廳都見到好多人,即刻放心晒!!!我o地叫o左書上介紹o既'晾衣白肉'、'原隻南瓜粉蒸肉'、'香酥糯米鴨'同'龍抄手',食頭幾啖時都覺得唔錯,但食多幾啖就覺唔對路,因為太肥喇,好'漏',結果自己個肚又滯,又食剩o野,好浪費,下次再有機會去要叫得醒目d!!!
好滯o既晚餐 同樣豐富,但無咁滯肚o既午餐
由於無諗過尋日三十度,今日得番十幾度,所以我著o左涼鞋同中袖衫,結果好凍,最衰係對涼鞋仲要爛埋,我只能靠橡筋暫時'coo'住先行到路,好狼狽!!!!!
夜晚整布甸,點知呢度o既吉之島係無羅拔臣賣,所以買o左隻雞蛋布甸頂檔!!!!可惜最後食入口時發現雞蛋布甸同新鮮芒果配埋一齊食係唔得o架,最後我o地都無食到,要倒晒佢,好浪費!!!!
2006年4月12日 星期三
哈韓
今日無意中係Yahoo Blog搵到個韓迷Blog,入面多圖少字,好多韓片,韓劇,韓國歌手以及韓國明星o既介紹,係唔係韓迷都必定睇得開心,因為實在有好多靚人睇,好似玄彬,鄭麗源,Daniel,孫藝珍,全智賢等等,好正,所以我即刻bookmark o左呢!!!
其實,近排我聽親韓劇OST d歌時都有對住d歌詞跟住唱,而家大約認得8成幾韓字(韓文為拼音字,好似英文咁,認得晒d'字母'就識讀o架喇!!!),唱慢歌大約都跟到8成,快歌就得1成(太快,睇唔切,認唔切),好想快d學識晒呀!!!!
等我完成埋手頭上份Final Project後,我一定會自學韓文o架,當然,日文都要進修o下先得啦(無理由日文到未上岸咁快就學第二樣,兩頭唔到岸!)!!!我諗住用自己做實驗,試o下咩方法學外語比較有效(傳統外語課VS睇劇學外語(or linguaphone??),等日後做人父母時就可以更有效教導小朋友學外語!!!!!
=================================
今日到我個單位整水渠喇,一整就整十幾廿日,好嘈呢!!可惡!!!
2006年4月10日 星期一
2006年4月9日 星期日
死亡
夜晚睇鏗鏘集咁o岩又係講'死亡',講有個社工帶班公公婆婆接觸'死亡之旅',去參觀長生店、火葬場骨灰龕和墳場，並試穿壽衣!!!呢班公公婆婆其實好'潮'好'前衛'呀,能夠坦然面對死亡,事先準備,唔使怕仔女安排得唔合己意,仲可以令自己走得安心!!!仲有,原來好多公公婆婆似乎對死亡都看得好淡,身後事簡單就得,因為塵歸塵,土歸土,靈魂離開後只剩軀體,的確無需過份執著於儀式,生老病死只係人生必經階段,睇開少少,大家又可以認識'死亡'o既另一面!!!!
希望將來我老o左,都可以學呢班公公婆婆咁前衛,坦然面對'死亡'就好喇!!!
另外,拜完山後我o地就地處置埋d食物~野餐!!其間我最細o既舅父講番起佢兒時o既往事,話說當年地鐵通車,我大舅父就帶佢去坐啦,點知佢坐地鐵都會暈浪,於是大舅父只好帶住佢由觀塘行番長沙灣(!!!!!!),而小舅父由於太細個,所以後尾要我大舅父背住佢行去長沙灣!!!聽完之後除o左覺得好笑外,其實我都有少少感動!!!!上一代雖然物質唔豐富,兄弟姊妹又多,但佢o地可以相親相愛,感情要好,而我呢...同細佬妹感情淡如水咋...!!!!再之後回程喇,由於我大舅從事一個同警察有密切關係o既行業,所以佢順道上去浩園致敬,其實我都有少少想去睇o下,不過自問可能係出於八卦,未必真係有心,屋企人又無諗住去,所以都係無去到lu!!!
2006年4月8日 星期六
2006年4月7日 星期五
手記
首歌旅律都幾溫柔,唔錯,未睇歌詞之前聽o左一次,비 d普通話認真...可愛,好明顯咬字唔正,所以我諗我都係聽得明少少咋...再搵歌詞,由於首歌未正式發佈,所以大部份人都係聽寫出o黎,有好多版本,其中我搵到個版本勁好少,又'饅頭'又'食神'又'球鞋',一路睇一路聽真係聽到呢d字,勁好笑,大家不防試o下(去我Homepage有得聽),包你笑彎肚皮!!!!
Pantach官網預告4月15日會發佈비首個中文MV喇,好期待呀!!!不過我係網上都搵到首MV(係我homepage入面 f favourite/f rain),唔知係咪d歌迷由製作特輯中剪輯而成,係MV中비教孫儷跳舞,仲可以點住비一齊跳,超羡慕!!另外中段有비o既solo break dance,o係MV導演o既訪問中,導演話佢覺得呢段令佢好難忘,因為비跳得實在太好,令佢好震憾呢!!睇完後我都覺好正,舞台上o既비真係無時無刻都咁型!!!!一定要留意!!!!
| 正經版歌詞 | 搞笑版歌詞 |
| JYP JYP 放開手 放開手 放開手 rain rain 還你自由 還你自由 還你自由 眼看我們慢慢放開雙手 想不透 對你愛情面臨生死關頭 多年相處片段浮現心頭 好難受 讓我看著你走 Yeah Yeah 曾經多溫柔 就浮現到滿頭 是時候 留著我的掌握就漫遊 曾經的哀愁 就飛揚到眉頭 是時候 對你唱不休 ＃ 我們和平分手 我要還你自由 請你記住我的Pantech 在你手 Oh Yeah 在你難過時候 在你失意時候 請你記住他仍在你左右 做你的朋友 眼看你站在我失神的背後 想不透 我怕看到你的背影顫抖 我怕你也忍不到要回頭 好難受 比賽誰先誰淚流 Oh Yeah 曾經多溫柔 就浮現到滿頭 是時候 留著我的掌握就漫遊 曾經的哀愁 就飛揚到眉頭 是時候 對你唱不休 我 真想硬著心腸不回頭 找不到雨下的理由 你需要我回首 我 就算望穿秋水也不夠 想信你永遠的微笑也不夠 Oh Yeah | JYP JYP 放開 yo~ 放開 yo~ 放開 yo~ Rain~ Rain~（放你自由 放你自由） 眼看我們慢慢放開雙手（兇手？XD） 找不到（捨不得？） 對妳感情面臨生死關頭~ 多年相處片段浮現心頭 好難受 要看著你走 爺爺～ 從今後溫柔 窮發酵的饅頭 是時候 XOXOXOXO溫柔 從今後哀愁 從飛揚的眉頭（？） 是時候 ＯＸＯＸＯ ＃ 我們和平分手 我要還你自由 請妳記著我的ＯＸＯＸＯ 在妳難過時候 在妳失意時候 請妳記著它仍在妳左右 做妳的朋友 眼看妳站在我食神的背後 找不到 我還看到妳的背影顫抖 我怕妳也忍不到要回頭 好難受 比賽誰先誰淚流 喔爺 從今後溫柔 窮發酵的饅頭 是時候 XOXOXOXO溫柔 從今後哀愁 從飛揚的眉頭（？） 是時候 ＯＸＯＸＯ 我 只能硬著心腸不回頭 找不到雨下的理由 妳的心要我回首 我 抵抗頑強球鞋也不夠 想著妳永遠的微笑也不夠 （Break Down） |
2006年4月5日 星期三
見工
呢份工我覺得似乎幾ok,不過同我study background甚至之前兩份工都好唔同,未必可以學以至用,佢臨尾都有話佢考慮要唔要我o既同時都希望可以諗清楚呢份工適唔適合自己呢!!!!其實,對於我呢個目標不清淅o既人o黎講,我反而覺得無乜所謂,因為我不嬲深信'行行出狀元',既然我本身study background咁冷門,社會又唔保證我一定搵到相類o既工作,咁我倒不如試多幾樣,擴闊自己眼界仲好,所以如果呢份成功,我也應該不用想太多吧!!!!
自己還後生,還有本錢冒險呢!!!加油!!!Aza Aza Fighting!!!!!
清明
去到跑馬地超級多人呀,好似好耐無試過拜山遇到咁多人,而且天氣悶熱,都唔係咁好受!!去到目的地,竟然遇到另外有人拜同一個墳,我諗係我由細到大每年兩次拜山第一次遇到有其他人同我o地拜同一個親友,我爸同佢o地打招呼,先知原來係我爸細個時o既鄰居之類,不過我爸都唔太認得對方lu,不過都多謝佢o地咁有心!!!
拜完山去o左客家好棧飲茶,其實平時我o地過海都會去我爸公司度飲茶,但今年唔知點解好旺,早兩日都book唔到位,所以試食新o野!!!我o地叫o左超多o野食,食到好飽呢!!!!再之後就去shopping,因為我屋企好少過海,雖然有少少支力,但都行o左陣,我睇中o左對涼鞋,不過唔係船底...所以最終忍o左手,而家先四月初,夏天流流長,都係唔好咁急買住,嘻!!!
番到屋企附近約o左我Honey,終於買o左我前兩星期睇中o個條長頸鍊,今年興呢,而且觀察咁耐,都係呢條比較清雅,無其他又粗又大咁'leung'同重,所以決定買!!問間舖幾錢,佢開價$99,但我上兩星期問過,明明係$89,於是我臨俾錢前叫佢平d,佢即刻話$80賣俾我...嘩,我都無諗住佢會忽然平咁多,真驚喜,不過...佢亂開價咁,令我硬係覺得我仲係俾多o左佢咁呢...anyway,已經據為己有啦,都係唔好計咁多好lu!!!!!
2006年4月4日 星期二
行街
夜晚約o左Honey去街巿食晚飯,去到好多人呀,等o左好耐先有得食,不過我覺得d食物普通啦!!!
訂閱：
文章 (Atom)