'老'朋友

闊別香港四年半o既'老'朋友由英國番o左o黎呀,所以今日一聚相識快十八載o既小學同學相約出去BBQ!!由於臨時改變主意,我o地決定唔自己買食物(因為重之餘,今日仲係無膠袋日,去BBQ真係唔多方便!),所以我o地四點就出發入大尾篤!!由於有三人要遲到,所以我o地太早入到大尾篤無o野做,只好無所事事散步傾計,好'浪漫'...!!!

差唔多七點,本來諗係草地燒o野食,點知收到消息話附近已經行雷閃電落大雨,所以我o地改係有遮陰o既地方燒,唔使濕身,都算好彩!!!!除o左英國番o黎o既老朋友外,其實其他人都無乜點變,可能係因為上次見面只係大半年前吧!!!燒完o野食我o地就去o左彩虹食糖水,本來都想搵個地方再傾計,但因為太凍又真係無地方可去,所以大家只好唔捨得咁散呢!!!我交完功課後,襯老朋友未番英國前一定要努力再搞多次re-u先得!!!!

今晚其實有少少'怪'感覺,可能大家都係小學同學啦,畢業後生活環境各有不同,同話題自然唔太多,加上其中一位持別會'搞氣氛'o既老朋友無o黎,所以今晚間中有'dead air'呢!!!!!

(P.S. 由於小學同學大家都係互叫全名,所以我上面都唔想寫人名喇,費事寫人全名唔太好,哈!!!)