尋晚發夢爸媽想移民,我同細佬妹都好驚,忽然唔知點算...訓醒後我個心都有少少不安,不過轉頭又好放心,因為我媽係一個連去旅行都唔多識享受,成日覺得屋企最好o既人,做o左廿年師奶,忽然要改變生活環境真係無乜可能,所以都係唔好胡思亂想喇,哈!!!
間中我都會諗自己有朝一日會唔會移民外地,雖然香港真係一個十分方便o既地方,但始終生活壓力異常大,環境又越o黎越差...當然啦,而家我快畢業,事業先算係開始,錢又無,移民呢回事絕對無可能,但移民呢樣o野,我唔敢包將來有無可能發生,因為我唔敢講自己好愛香港呢個地方...因為我時不時都有"香港'唔係人住"o既感覺呢!!哈!!!
去外國生活可以擴闊視野,外國生活和香港分別好大。但有時到了外地就好miss HK,好矛盾! 香港生活太精彩,好多人都認為外國太乏悶。視乎你是否享受和融入.
回覆刪除悶唔悶我唔多擔心呀,哈,因為我本身係一個幾悶o既人...係香港都無乜娛樂o架...
回覆刪除我去o左英國 2 年, 韓國 1 年, 返o左香港半年左右, 頭o個 2-3 個月, 我的確係有呼吸困難o既健康問題, 因為我適應o左英國o既空氣 (我住o既唔係 London, 而係一個 small town, 仲要係後巷, 唔近大馬路, 所以空氣唔錯). 香港o既空氣污染問題, 我覺得o係呢 2-3 年間, 真係嚴重得好緊要. 返到香港, 另一樣唔習慣o既地方, 就係人多車多, 四周都好迫, 生活節奏急速, 呢種壓迫感令香港人長期處於緊張狀態, 加上好多人都將份糧花o係供樓或交租, 捱成世都未必捱到一個安樂窩俾自己安享晚年, work-life balance 似乎係大部份香港人未必可能享受到的. 在英國及韓國生活了一段日子, 或多或少都會吸收o左唔同o既思想及生活習慣, 有部份直至今時今日, 我都未 adjust 番去 Hong Kong mode, 所以, 返來香港之後, 有一樣o野令我感到好唔開心, 就係同屋企人, 仲有舊朋友相處時, 好多時都被誤解, 或者冇人明白我o既感受及想法, 久而久之, 我開始唔會再同佢o地分享我某o的想法或感受, 以免被責罵. 某程度上, 我都幾希望過澳門打工, 即使唔係長工, 都可以暫時同屋企人分開下, 其實我對香港, 又愛又恨, 好矛盾. 不過, 每個城市, 都總有佢可愛 & 可惡o既地方, 唯有隨機應變啦. 有o的o野, 變o左就係變o左, 我變唔返未出國之前o既我, 每個人都有不同o既際遇, 會影響佢o既思維, 觀點, 人生觀, 價值觀, etc. 例如, 某o的 housework, 我o係英國或韓國已經習慣o左自己照顧自己o既起居飲食, 某o的處理方法, 我o係外國人身上學返來, 亦有一o的, 係我自己 adjust 過, 甚至係同 housemate 之間 agree o左o既做法, 所以, 返到香港, 我有時會好自然地, 繼續用我認為最好o既方法, 但屋企人又覺得我做錯, 我都好無奈呢. 所以, 我好明白你阿姨點解唔再適應到香港呢個 ex-home, 因為美國已經慢慢變成佢自己認同, 而且好有歸屬感o既 home 了.
回覆刪除文化差異以至生活習慣o既不同,令人適應上出現困難都唔太難理解,可以睇成你擴闊眼界,比人見得多,所以找到一個少為本地人使用/接受,但個人認為較好o既生活模式而已~最緊要唔好有身份迷失o既感覺就得喇! 不過我呢個土生土長,未去過外國生活o既,當然未能理解你的親身體會啦!!!有時我都覺得自己見得世面太少呢~
回覆刪除