深圳一日遊

一連四日的公眾假期,雖然好忙,但又唔好意思掃我honey難得放假o既興致,所以我o地今日一齊上深圳一日遊!!!!由於係第一日假期,所以羅湖關口勁多人,歷時個多小時o既人迫人過程中,除o左焗到透唔到氣外,都可謂見識到各種人生百態,其中特別以一某'惡霸嬸嬸'最勵害,相信'阻佢前路'的人無一能幸勉,統統被佢破口大罵...!!!!

好不容易過o左關,我o地於是拎起介紹深圳食店o既雜誌研究研究,結果我同honey都對'巴蜀風月'呢間川菜館很有興趣,雖然o個度都幾遠,但為o左大飽口福,幾遠都去!!!去到了,餐廳周圍其實好荒蕪,無乜香港人,都有少少膽心,不過入到餐廳都見到好多人,即刻放心晒!!!我o地叫o左書上介紹o既'晾衣白肉'、'原隻南瓜粉蒸肉'、'香酥糯米鴨'同'龍抄手',食頭幾啖時都覺得唔錯,但食多幾啖就覺唔對路,因為太肥喇,好'漏',結果自己個肚又滯,又食剩o野,好浪費,下次再有機會去要叫得醒目d!!!

   

                                好滯o既晚餐                                            同樣豐富,但無咁滯肚o既午餐

由於無諗過尋日三十度,今日得番十幾度,所以我著o左涼鞋同中袖衫,結果好凍,最衰係對涼鞋仲要爛埋,我只能靠橡筋暫時'coo'住先行到路,好狼狽!!!!!

夜晚整布甸,點知呢度o既吉之島係無羅拔臣賣,所以買o左隻雞蛋布甸頂檔!!!!可惜最後食入口時發現雞蛋布甸同新鮮芒果配埋一齊食係唔得o架,最後我o地都無食到,要倒晒佢,好浪費!!!!