去到跑馬地超級多人呀,好似好耐無試過拜山遇到咁多人,而且天氣悶熱,都唔係咁好受!!去到目的地,竟然遇到另外有人拜同一個墳,我諗係我由細到大每年兩次拜山第一次遇到有其他人同我o地拜同一個親友,我爸同佢o地打招呼,先知原來係我爸細個時o既鄰居之類,不過我爸都唔太認得對方lu,不過都多謝佢o地咁有心!!!
拜完山去o左客家好棧飲茶,其實平時我o地過海都會去我爸公司度飲茶,但今年唔知點解好旺,早兩日都book唔到位,所以試食新o野!!!我o地叫o左超多o野食,食到好飽呢!!!!再之後就去shopping,因為我屋企好少過海,雖然有少少支力,但都行o左陣,我睇中o左對涼鞋,不過唔係船底...所以最終忍o左手,而家先四月初,夏天流流長,都係唔好咁急買住,嘻!!!
番到屋企附近約o左我Honey,終於買o左我前兩星期睇中o個條長頸鍊,今年興呢,而且觀察咁耐,都係呢條比較清雅,無其他又粗又大咁'leung'同重,所以決定買!!問間舖幾錢,佢開價$99,但我上兩星期問過,明明係$89,於是我臨俾錢前叫佢平d,佢即刻話$80賣俾我...嘩,我都無諗住佢會忽然平咁多,真驚喜,不過...佢亂開價咁,令我硬係覺得我仲係俾多o左佢咁呢...anyway,已經據為己有啦,都係唔好計咁多好lu!!!!!
沒有留言:
張貼留言