行街

今日同媽咪一早就出o左沙田,去完寶褔山拜山後就會合我爸食lunch,今日去o左越棧,我o地一家人都好鍾就幾好味,特別係沙田d o野食好少好似呢度咁平,所以我o地成日食,最抵食就係個小食拼盤!!!!食完o野後我o地陪o左爸爸去試西裝褲,再之後我就同媽媽行街!!!本來我睇中o左副太陽眼鏡,不過最後都無買,夏天仲未正式到,都係睇定d先啦!!!行到差唔多兩點,正行番去火車站期間,我媽提醒我,話我條裙扭轉o左少少,之後o係我隔離有個伯伯忽然插咀'你條裙好靚呀',真係嚇o左一跳,之後佢仲讚o左幾句條裙靚,仲話好襯我件衫,又話佢自己著衫都唔係好講究,自己條褲都係好普通但求舒服云云,我同我媽都俾呢個伯伯搞到莫明其妙,但佢笑容親切,又唔係語無倫次,所以都唔太驚,只係覺得佢忽然答咀有d怪o者...!!!!臨走去美心買聽朝食o既早餐,見到新出o左三個包,有南瓜包,芝士蟹柳包同栗子紅豆黑芝麻包,只係聽個名都覺得好似好正,忍唔住買晒呢,哈哈!!!!

夜晚約o左Honey去街巿食晚飯,去到好多人呀,等o左好耐先有得食,不過我覺得d食物普通啦!!!