Happy New Year!

本來今日同同事燒o野食,但後尾去唔到,於是下午同honey出o左街shopping,目標係行勻尖沙咀旺角!!!

由於怕迫,所以先去o左尖沙咀,食o左好幾年前去日本時,導遊介紹佢認為香港唯一一間有日本風味o既拉麵店,一試果然好味(可惜我honey傷風,口淡淡話食咩都無味!!),價錢合理又唔收加一,唯一只係要等好耐位同地點偏僻,不過我諗我一定會再o黎!!!Yummy!!

係Parklane同Mirama Shop完之後經九龍公園行向海運,好耐無去過九龍公園喇,睇到好多雀鳥,其中d大小紅鸛粉紅色真係好靚,我仲好似d一家大細咁影相,嘻...雖然有d無聊,但間中行o下公園都真係幾happy!!

再之後行去海運,忽然聽到草蜢唱歌o既聲,仲係live o既,我成個心都跳出o黎喇,於是即刻去追尋聲音來源,原來係Nokia New Year Eve 個show o既彩排聲呀,若果我早d知有呢個show,可能問o下舊同事會拎到飛都未定o架...本來我都無諗住一月尾再睇草蜢演唱會,但聽到草蜢live o既彩排聲,忽然又令我有d心思思想再睇...

夜晚o係旺角食o左一哥火鍋船,經濟實惠,嘻!!不過shop o左成日比我更想買o野o既honey一d收獲都無,反而我就買o左唔少accessories呢!!...十點幾番到屋企,同honey邊傾電邊睇Nokia個show,係電話一齊倒數...話時話,我o地好似好幾年都係電話倒數,出年同人迫o下都唔錯,因為我未試過去尖咀銅鑼灣呢d旺區倒數呢!!

 

Happy New Year!

再三

首先...尋晚我媽再三問我今晚係唔係屋企食晚飯,因為佢打算煲湯(仔女大,少o左人係屋企食飯,自然少煲湯...)!!!

跟住...我再三問我honey今晚想唔想我去環球嘉年華(我唔玩機動遊戲,興趣唔大又怕唔抵!)!!

之後...Honey再三話'是但啦,唔去都無所謂啦,橫掂你都唔玩!'!!!

於是...我再三話俾我媽知我今晚係屋企食飯!!

點知...Honey今日後悔,下午先話想我都去環球嘉年華!!!

結果...我再三咁話'你唔好再早d...!!!'....

 

...有d唔開心添...原來今日咁多一對二對去,就算我去到唔玩都可以湊熱鬧嘛...而家Honey自己去玩,咁若果我遲d想去環球嘉年華,邊個陪我去...

悶

雖然要番工,但可能想將holiday mood一直延申至新年吧,今日有三個同事請o左病假呢,再加埋唯一係呢三日放連假享受十天大假o既同事,公司得番好少人,水靜河飛,互聯網服務又未恢服,搞到我都無乜心機坐係office...番o左五個月工都未請過病假,見同事請得咁happy,自己都想請埋一份...

塞網

27/12/2006

放完四日假番工,真係想大叫'唔制',甚至想自己今日繼續肚瀉可以拎病假唔使番工...哈...都係幻想o下算吧!!

今日有兩個同事放假,公司變得好靜,再加上地震關係,網上大塞車,搞到我勁悶呢!!...好不容易放工,晚上依然入唔到yahoo...唯有用Notepad寫住日記先,好彩我爸剛買o左個external DVD writer,既然上唔到網,不如backup早前影o既無數畢業相!!!

無得上網,今晚就無得同我Honey傾計喇,所以佢打手提俾我,就係呢個時候,清脆o既'o彭'一聲,兩年前同honey去泰國買o既一條頸鏈鏈咀掉在地上裂開了...雖然唔係咩名貴o野,但那吊咀都算精緻,所以我望住鏈咀上o既裂紋,都真係幾心痛呢...

拆禮物日

拆禮物日!!仲記得小時候好期待今日,因為可以將包住禮物o既包裝紙盡情撕去,正式同禮物見面,感覺永遠都係咁興奮!!!

唔知幾時開始,聖誕禮物得番舅母送的一份...其實我o地越o黎越大,佢送o既o野亦越o黎越貴,真有d唔好意思呢...不過佢今次同我o地講,話我o地大喇,今年係最後一份...哈哈,似乎出年我要自己買禮物俾自己喇!!!

今日係連續四天假o既最後一日,咁o岩成家人都無約,所以我不斷遊說原本唔肯出旺角o既媽出去shopping,結果群眾壓力下佢都肯出去,好開心呢!!!!我o地成家首先去o左食極之好,之後三母女同兩父子分頭去shopping,我買o左對今年好hit o既七分褲,本來仲睇o岩條短褲,但可惜得番大碼...嗚...睇怕今個星期要繼續我o既shopping大計先得!!!

==================================================

今日肚瀉...但奇在呢幾日同我一齊食o野o既人都無事,都唔知我食錯o左d咩呢!!!

聖誕開心!

今日竟然訓到十一點先起身,結果無時間睇埋最後一套戲呢!!!臨番香港前去o左羅湖商業城,因為有friend話四樓有幾間舖d衫都OK,所以特地去睇,d衫的確比較貼近香港,但honey無心機陪我睇,所以好快走o左!!!

另外,我仲以為呢度應該會有平o野買到,點知香港興o既呢度都無,結果乜收獲都無,令我購物慾更為旺盛,最衰聽日honey唔得閒陪我,我好想去旺角血拼呢,哈哈!!!

平安夜

今日同honey上深圳,諗住過一個唔使同人迫,寫意自在,旨在休息煲戲o既聖誕!!!

Honey首先帶o左我去一間叫'老大昌' o既地方食上海o野,叫o左賽旁蟹、草頭同砂鍋雲吞雞,雖然賣相唔多吸引,但味道唔錯,特別係賽旁蟹,好有海鮮呢!!!

之後我o地去買碟睇,順道望望今晚食聖誕餐o既地方,點知去到發現間舖唔見o左,好失望呢,我當然忍唔住'鵝'我honey啦!!!買完碟番o左honey屋企,先睇一套新戲,但因為係戲院版,所以d顏色唔係好得,睇唔到有幾金碧輝煌,可惜!!不過套戲女主角做得好好,成套戲無o左佢應該唔會好睇!!!

睇完戲又出去搵o野食,雖然呢度係深圳,理應無香港咁多人,但我都好驚無地方食o野,所以早d出動!!後尾我o地去o左食一間日本o野,叫o左個套餐,d食物都幾豐富,有魚生(吞拿魚、三文魚同甜蝦)、串燒拼盤、炸雞、煙三文魚魚子醬沙律、鰻魚飯、豬排蛋、每人一份香蕉pancakes甜品,再叫o左兩杯Cocktail,yummy!!!!最開心仲係有間二人房仔,有個私人空間,唔錯!!

食完飯行街,之後番去又再睇第二套戲,呢套戲前排上映已經想睇o架喇!成套戲勁多名牌靚衫,如果做到份工可以奉旨著靚衫都真係幾唔錯,不過...做惡魔o既私人助理真係唔簡單,要話頭醒尾,反應慢d都唔得呢!!! 

灰目

今日去o左拎我對灰色大眼Con喇,急不及待帶住同我媽出沙田shopping,我一帶上眼覺得好誇張o架,有少少後悔揀o左淺灰而唔係深灰,不過後尾睇耐o左,又覺得隻色其實顯眼得o黎都唔算太誇...哈哈,唔知大家又覺得點呢?

Merry Xmas!!

心情大靚,一早就將我尋晚整好o既xmas e-card send俾同事朋友,收到好多reply,其中有個同事仲話個公仔好得意,問我係邊上網搵,我話佢知係我以前自己畫o既,佢好鍾意,聽到真係好開心呢!!!

等我係呢度都post 呢張e-card祝大家有個快樂聖誕!!!

===============================================

現場直擊: 今日lunch同同事去times square附近做冬,俾我o地目擊Times Square聖誕樹著火,我即時影o左著黑煙相同埋救熄後聖誕樹得番支竹o既相!!哈哈,食完飯番到公司即刻send番俾同事睇,我好似做o左同事們o既特派記者咁呢!!!

另外,今日我先第一次同一個月前番工o既新女同事食飯,佢竟然問我team同事入面係咪有個同我幾似樣,曲髮帶眼鏡o既女仔...噢...o個個女仔咪又係我囉,只係我今日帶o左con...!!!!!係呢度番o左幾個月工,佢係第二個人以為'帶眼鏡'同'唔帶眼鏡'o既我係兩個人喇...!!!!另一個同事仲搞笑話,我應該答佢'係呀,帶眼鏡o個個只番星期一至四,星期五我先番!'!....!

===============================================

食完飯番到公司都兩點半Lu,係咁二做o左陣o野就已經心散,同坐我對面位同事吹水吹到放工!!!今日難得平時好忙o既幾位同事都可以準時四點鬆人,咁高興,所以一齊去o左金鐘Dan Ryan's Chicago Grill飲o野,同事們話我係全場最細個呢...佢o地仲怕我唔飲得,話果汁都唔好飲,應該叫益力多...!!!第一次同同事去wet咋,仲見到其中一個同事女朋友呢!!!!

yeah,尋日開始我未放假先興奮,呢幾日聖誕假真要過得開開心心!!!Merry X'mas!!! 

朱古力心情

天朗氣清、老細放假、天氣無咁凍、就放聖誕假、今日仲係我同honey o既特別日子, 所以今日一朝我早心情大靚,好想笑...

近排公司好多零食,尋日同今日都有朱古力,下午仲有朱古力蛋榚添,所以今日我食o左超多朱古力,甜到漏,不過好配合我今日o既心情,哈哈!!!

放假喇,有好多戲想睇,好似滿城盡帶黃金甲、穿Prada的惡魔(我仲未睇呢!)、王的男人、Rain o既再造人沒關係吧...,仲有好多o野想買,好似短褲、窄牛仔褲、帽、Leggings等等,希望過兩日同honey過聖誕時可以滿足我以上願望!!

  

滿足

雖然今日係入冬以o黎最凍,但好彩天朗氣清,有太陽照住又唔多覺凍...不過我可是訓到十一點多先起身,都算破記錄(平時星期六日多數訓到九點幾十點) ,所以搞到lunch同屋企人比平日遲出去食飯,要排隊等位呢!!!

食完飯shopping,雖然今個月o既糧餉已用得七七八八...(無錯,聖誕購物月嘛...月中已所餘無幾...慘!!),但難得終於睇o岩boot,價錢又適中(至少不用過千...),仲要係玻璃鞋(得番最後一對,但試上腳size剛好!),所以好快就買o左!!(滿足!!!)

之後又去o左配color con,其實都兩年無配過喇,近排大眼con又咁hit,所以好想聖誕新年去wet帶o黎玩!!!還記得之前淡紫色con大獲好評,所以今次決定試差唔多feel o既灰色,為免帶o左唔多覺,所以揀o左淺灰,希望唔會太淺啦,太激我怕受唔到呢,哈哈!!!(好滿足!!!)

夜晚出o左梨木樹海霸同親友做冬食晚飯,今次已經係第三次去,因為我o地認識呢度o既其中一名大廚,上次o既黃金蝦同八寶鴨還令人回味無窮,今次估唔到又有咁多新菜式,好似鼓油皇大蝦、拳頭咁大o既脆炸生蠔、醉蟹、巨型海參鮑粒(鮑粒可是3x3立方厘米咁厚咁大呢!)、魚飯等等,每碟用巨型碟上台(每碟分量應足夠2圍x每圍12人食用),我o地成圍十七人個個都食到好飽呢(我好耐未試過feel到個胃頂住個橫膈膜喇...哈...)!!!!(非常滿足!!!)

Rain's World Tour

Rain's World Tour 係12月15號係韓國正式展開,上星期我都收集了唔少資料,因為好想襯비1月12同13來港開concert時去睇,但點知今年d飛比上年貴一倍有多,而場地就o係機場亞洲博覽館,場地太大,相信只有$980同$1280 d飛先可以睇清비 o既靚仔樣...唉...所以我都係放棄喇,唯有等演唱會出DVD先睇啦!!而家就睇住youtube先!!!!

http://www.youtube.com/watch?v=nGFtM-lyrKY

另外,報紙雜誌充斥住徐子淇嫁入豪門o既報道,呢位小妮子青春可人(比我小十幾天),笑容甜美,身材豐滿,冰雪聰明(無記錯好似會考7優,高考1優,仲要經濟碩士畢業),出身小康之家,而家仲要嫁入豪門...好似集所有幸運幸福於一身,睇住佢幸福滿溢、甜到漏o既笑容,真係羡慕死人呢!!

=====================================

另外,今日同honey出o左尖沙咀,因為好想睇boot呢,不過周圍都好多人,我o地又遲出到去,都無乜心機睇呢!

畢業相(最終回) ~ 同事

Yeah!星期五心情特別好,今日著o左條新買o既黑色褲,都幾型幾好睇,可以著平底鞋行步路都輕快d!!!!

由於之前唔係放o左假就係約o左Honey食飯,上星期俾大老細投訴話我難約...今日終於可以一齊食喇,簡直補番晒之前無一齊食o個幾餐添...因為埋單$134...!!!!!另外,今日同三位同事夾份請兩層樓食Tea,好彩四個人夾咋,都無咁肉痛...

食完Tea同事們都得閒,所以同我影畢業相!!!!哈哈,無錯,係公司著袍影畢業相!!!其實我雖然都想同同事影,但真係無諗過主動問同事影唔影呢!!!點知上星期有同事MSN問我幾時同佢o地影相喎,真係正合心意,而且本身都要帶袍番公司等放工可以番中大還,所以係公司影畢業相呢件事忽然變得好順理成章咁呢!!!!雖然係公司無乜景點,但幾個月來第一次同同事影相,都幾開心,Yeah!!!

左上: 我Team同事
左下: 我Team同事 + Office內同我最傾得埋o既女同事
右: Office內同我最傾得埋o既女同事 (佢染o左個綠色Highlight,好激呢!)

夜晚我有得癡爸爸公司車番屋企,點知塞車,番到中大還袍又等車...結果六點離開公司,八點半先番到屋企,兩個半鐘內,我諗有個半鐘都係'等了又等',真係等到我傻!!!

紅娘

放工後去o左旺角,因為約o左舊同事食飯!!!今晚我o地仲不斷向一向恨拍拖結婚o既蛋推介舊公司中一個'正'氣同事...哈哈,場面都幾搞笑!!!!傾o下傾o下十點幾,忽然覺得好眼訓,忍唔住出聲話走,哈,希望唔會太掃興吧!!!

畢業相3 ~ 大姐會 + Honey

今日一早同honey出o左沙田行街shopping,好耐未食過越棧d雜錦小食拼盤,好美味!!!行o左兩個幾鐘,主要睇boot,都有睇o岩款,但半價都要$1400...都係放棄吧!!!!

三點入到中大,Cindy同Karen都好準時到達,之後一齊上o左新亞影相,由於未試過係中大一齊影相,所以我o地都覺得好有新鮮感,如果多d人一定更熱鬧,期待兩年後大姐會一齊同仙廸係中大影畢業相呢!!

今日除o左去我影o左無數次o既新亞牌匾、孔子像、天人合一(其間撞到中學同學來了張大合照!)、本部U Lib同迷宮(其間又撞到碩士同學來了張合照!)之外,仲加入o左太陽花花圃+可愛稻草人、中國研究園鯉魚池同埋Cindy、Karen同我冒住'生命危險'爬到高處影o既靚景!!Karen話要突破重圍o既'唔該借歪'同我o地坐係草地影相時句'我個腹'真係笑到肚痛...我honey事後都同我講,佢沿路一路諗'三個已經係咁,十個仲得了!!'哈哈!!!!

其實除o左Cindy,Karen,今日當然要同我honey影靚相啦!!!今朝一早我上大姐Jenny個blog時,見到佢同佢honey超靚o既黑白照,我都好想今日可以同honey影到d類似o既相,但係我o地部相機只係傻瓜機,影唔到咁靚o既效果,再加上honey搞搞震,搞到我不斷笑,影唔到d咁有情調o既相呢!!!!!不過真係好多謝Cindy同Karen做我o地攝影師呀!!!

由於無專業相機,所以我用photoshop edit o左以上呢張,靚唔靚呀??

平凡的一天

多了一張證書,應該幾年內都唔會再增添任何證書喇,係時候收拾一下自己的文件,一執就係一個早上,又令我諗起先前想數碼化家中所有文件同相片o既念頭,奈何屋企無Scanner...睇見咁多又黃又縐o既紙張,真係不勝其煩...!!!!

由於過去幾星期都去o左影畢業相,事隔成個月,今日終於可以再陪家人於週末食番個午飯,之後仲一齊出去睇'碌碌椅',其實屋企相買成大半年喇,一直就唔o岩時間去睇,今日終於完成任務,好o野!!!

幾星期六日都節目豐富,好耐未試過好似今日咁,可以靜靜係屋企relax o下喇!!!