畢業相3~一家五口

今日(12月8日)係我畢業禮o既大日子!!!除o左我之外,我爸都特登請假出席呢!!!

朝早十二點我o地去o左飲茶,之後就幹去中大,幸好中大離我家不遠,去到時間o岩o岩好進入會場,可能我太耐無見d同學仔,再加上我熟落的只有好幾個,當我搵到自己座位後,我發現我唔記得好多同學個名...似乎我今日都係唔好叫人,費事失禮!!

由於是次畢業禮只有社會科學院及醫學院碩士生出席,所以比我兩年前HKU的畢業禮來得簡單!!坐o左成個鐘,終於到我喇,匆匆上台、匆匆同Dean of Graduate School握手、匆匆轉頭望向台下的大會攝影師、匆匆下台...就係咁匆匆匆匆...我畢業帽的絮(唔知點叫...吊落o黎o個條鬚...)竟然'kick'o左係我眼睫毛度...於是不論係攝錄機或攝影機,都應該只影到我呢個被遮了半邊眼o既衰樣...估唔到我竟然會以呢個look匆匆咁係中大留下最後o既回憶...!!!!!

畢業禮完o左,匆匆咁一大班同Professor 大合照及同較熟的同學仔影相後,我就同爸媽上新亞影相,我細佬妹無耐後都到達,於是又再一次行經新亞書院、孔子像、天人合一、本部圖書館、迷宮同某Building天台,影院剛好日落,成家人都支力到飛起呢!!!!

上圖內我同我細佬妹o個三張相可以話係我今次影畢業相中最喜歡o既,好有動感同平衡感,並非悶企,不平凡得o黎又唔奇離,真係好喜歡!!!其中右下角一張,另一批人見我o地擺呢個姿勢靚,之後都'抄'我o地呢!!!!!

畢業證書