畢業相2(CogSc Friends)

無錯,又影畢業相喇!!!!相信呢幾星期我週六日都會係呢一個活動!!

今日同我一齊影o既係Agnes同May,我o地三點殺入中大,影相路線由新亞、孔子像、天人合一、U Lib、迷宮、荷花池、獅子亭!!!途中仲撞到同我同樓o既小學&CogSc師姐Corine同埋我第一份工時識o既BU Part-time同事Judy呢!!

影完相之後Agnes,May同我出o左沙田食飯,我介紹o左佢o地去我屋企好鍾意o既一間泰國o野度食,食o左香芋肉碎煲仔飯、飛天通菜、豬頸肉沙律同埋鮮蝦簿餅,Agnes同May都話好介紹呢!!!

食完飯shopping,我同Agnes都想買波鞋,結果RSH無我想要那款,而Agnes就有收獲,若果RSH真係無我想要那款,Agnes買o個款都係唔錯o既選擇!!!至於May就買o左件褸,都幾靚呢!!唔知係咪商場o既聖誕音樂作怪(印像中好似真係有相關o既psycho test!),我發現自己近日購物欲的確旺盛o左...電話、短褲、Boot、Color Con...今個聖誕我會唔會破產呢...!?

P.S. 特別鳴謝Agnes借出兩隻同我袍邊一樣青BB o既畢業公仔陪我影靚相呀!