草蜢演唱會

等o左今日好耐喇,因為今晚約o左草蜢,所以今日心情特別好!!!好不容易放工,其實放工前被d program搞到我好眼訓同無心機,都有少少擔心今晚無mood呢!!!

放工趕過尖咀,因為約o左加莉食完o野一齊去,加莉未到前我去o左美麗華行o左陣,撞到上星期先見完o既中大同學,之後仲見到張柏芝呢!!!佢無上鏡時化咁濃妝,亦似乎唔太高,最多高我少少,但皮膚好白,而且佢唔係想像中咁瘦,狀態好好,好靚女,望到我眼定定!!!佢好快咁係我側邊對頭行過,佢似乎都知我望住佢呢,本來我有帶相機,真想同佢影張相,但佢當刻勁衝忙咁,行得好快,我又唔太敢叫佢,猶疑間佢已經走o左喇!!!

之後會合加莉,我o地飛快咁去o左食一間台灣o野,好彩跟餐杯西瓜汁勁冰涼,因為今日實在熱得太緊要,我同加莉仲要咁趕,都幾辛苦,哈!!!飛快咁入到會場,G閘65段28行88號位,雖然俾相像中高o左d,但原來係正面台,都睇得好清楚,正!!!

八點九,草蜢演唱會開場喇,先o黎part勁歌熱舞熱身,阿細件"神鵰裝"勁創鏡,反而傑仔同阿智帶o左帽搞到我睇唔清楚佢o地個樣呢!!!!之後就一連串慢歌,慢歌中有d歌我唔識,聽加莉講原來係比較早期o既side track歌,搞到我好想聽番!!多首慢歌中以下呢幾首聽完得別有感覺!!!

《失樂園》:傑仔唱得好好聽,到最後一句向住我呢邊送上飛吻!!!o個一刻畫面一定唔會係我腦海中忘記!!!
《怎麼天生不是女人》: 傑仔條大裙擺好靚!!好迷人!!!
《永遠愛著你》: 未唱前,三人各有段獨白,聽完好Lum好感動,令我諗起自己鍾意o左佢o地咁耐,不離不棄,今日終於可以睇佢o地o既演唱會,真係感動到眼濕濕,我會永遠愛著你o地o架!!!

中段《Lonely》開始觀眾就開始high!!之後有一part有一個好靚o既獸籠從天而降,佢o地係籠上爬o黎爬去,同dancer o既hot dance睇到我都有窒息感覺!!!!So Hot!!!最衰係我坐得唔夠近,如果唔係應該仲震憾!!!!再之後再o黎一連串耳熟能詳o既勁歌熱舞,阿細同傑仔身型fit爆!!!!而我亦急不及待就企起身舞動身體,但可能我呢邊位o既人較成熟,所以我諗我係我呢邊area最早企起身的其中一人呢!!!!

跳呀跳,不知不覺又完o左,之後再o黎幾首慢歌,時間過得好快,十點九竟然完場!!!!!但時間實在太早,所以全場都唔信,結果草蜢三子再出場同全場萬二名觀眾互動唱《忘情森巴舞》,今次真係全場企晒起身,我眼見最後一行都企,好掂,氣氛好正,好喜歡投入演唱會,同三子載歌載舞o既感覺!!!可惜我無影底呢一刻,分享唔到俾大家睇!!!

十一點三完場,我同加莉都覺得好唔夠喉,硬係覺得仲有好多歌未唱,真係唔相信完場呢!!!但眼見觀眾都開始離場先不得不離開!!!真係跳得唔夠喉,我相信我仲可以跳半晚!!!

一舊雲

做programming做到我一舊雲,因為好亂,始終未正式warm up...做到個頭好痛呢!!!

放工去o左CWB做Facial,其實我第一次做facial咋,如果今次唔係免費,我都未必做呢!!!原來做facial係會按摸埋肩頸,好舒服,今晚實好好訓!!!

今晚一定要訓好d,因為聽晚我約o左草蜢狂歡,yeah!!!

閒

而家正係上班時間,但我竟然可以寫日記!!!!...唉,我已經連續第三日無o野做喇,快要悶死呢!!!

番新工已經一個月喇,呢個月入面我相信我有一半時間都係上網睇Yahoo News吧~!!其實自我上班開始,同事們都努力趕project中,前日更加要搞training,結果未能抽空安排工作給我,真係坐都坐到發霉,頭頂快生出菇來呢!!!

記得對上幾次工作中我都未試過可以咁得閒(其中一份仲忙到癲!),所以我亦曾經羡慕朋友的悠閒工作,但而家我終於體會太"閒"都未必係樂事喇,因為我感到自己好似無學到o野咁,但我其實好想工作快d上軌道,結果搞到自己個心仲急!!

番工太得閒可以做咩呢??由於我公司針對上網o既管制幾嚴,所有ICQ/MSN同一d Game Page都晒,所以我唯有日日o係Yahoo News同Yahoo Blog遊走,其他網頁都唔敢多去,因為怕公司會有report俾我manager...!!!無無聊聊,尋日我就上網整o左個online questionnarie諗住send俾d中學同學問問大家對Re-U o既意見,因為我想搞大佢,但整完我又唔多敢send出去,怕太'odd'...!!前幾日又帶埋本日文字典番公司,希望可以打發時間,但又唔敢係同事面前睇...哇...我快要無聊死喇!!!

同事們,睇見你o地咁忙我都好想幫手o架,真希望你o地快d忙完,然後放多d時間培訓我呢!!!

 

同honey食午、晚飯

Honey呢兩日都放假,所以今日特登出o黎陪我食lunch!!今日都可以話係我第一次自己行出CWB食飯,因為次次同同事都係打的...!!!我仲諗住我唔怕熱會OK啦,點知有傘擋太陽都無用,因為今日太陽伯伯心情實在太好,搞到我汗流浹背...!!!!

最衰honey無上網搵地方食o野,所以我o地只係求其搵o左間無乜人o既坐低食o野,o個度無人真係不無理由...不次唔好去!!!!食完後honey送我走,但由於我公司係斜波上,honey捱唔住咁熱而無送我番去,所以始終唔知我公司係乜樣!!!

放工同Honey一齊走,巴士去到紅磡時竟然見到好耐無見o既前CogSc同學仔Carol上車喎,真係好開心,除知道佢近況外竟然仲知道佢識得我早幾日撞到o既Kino (我唔知佢改o左名...)同Mango,呢個世界真係細!!!

去到旺角去o左食韓國o野,因為我上網見d人話幾好味,但原來係韓燒,雖然味道唔錯,但食完之後我o地有少少後悔,因為又貴,而且好飽好熱氣,食完都幾辛苦,哈!!!

好開心今日honey出o黎陪我呢!!

遙控刑警

又睇完一齣日劇,由於唔知有乜新劇好睇,所以今次只係睇番深田恭子o既舊作~《遙控刑警》!!!

故仔係講女交通警久留美(深田恭子)被派去脅助光(堂本光一)查案,但光原來受以前一件事影響而終日不出地下室,所以只能用手機遙控久留美查案!!

由於我無耐前先睇過深田恭子近作《富豪刑事》,所以相比之下,呢套無咁好睇,因為呢套少o左d誇張搞笑情節,而堂本光一o既角色亦過於冷酷嚴肅,成日苦瓜咁o既口面,令我覺得佢好似一個"無牙阿嬸"...(我都唔知點解有呢個感覺...!),所以呢套劇我覺得只係中規中矩啦,睇完就算!!

近排想睇o既日劇似乎都俾我睇晒喇...o黎緊都唔知睇咩好!!另外,我諗住Lunch time唔睇片,改為自學日文,因為我d日文幾年o黎停滯不前...要努力學番先得!!

《遙控刑警》官網: http://www.ntv.co.jp/remote/

Move On

暈喇~!呢首歌個MV入面비好型仔,呢隻Single "Move On"九月中就會出喇,上網睇o左個MV,首歌好正,正正同我最鍾意o既"Slowly"一樣好feel,同上次"Freeway"o既可愛風格唔同,總之就正啦!!!!

《Move On》

もう泣かないでくれよ　girl
戻ることない彼を待つ　心閉ざして 　
僕の目はいつでも　君を见てるよ
振り向いてくれる時までずっと

別再為他掉淚了 GIRL
緊閉著心扉，只為了等待不會再回來的那個他
我的目光不管何時都是注視著你的啊
直到妳為我回首那日，永遠永遠

Move on, oh,move on もうやめときな　彼は戻らない
Open your heart, baby　心開いて

Move on, oh,move on 該是放手的時候了…他已經不會再回來了…
OPEN YOUR HEART BABY 打開緊閉的心吧

★Let me be the one to hold you tight ★
Be the one you wait for every night
いつまでもその人の代わりに居てあげる
I will always be right by your side
永久の時を　君に约束するから

★Let me be the one to hold you tight ★
Be the one you wait for every night
不論到什麼時候，我都會代替那個人，一直陪伴在你的身旁
I will always be right by your side
許下對你永久的承諾

胸缔め付けられる気持ち 僕も同じさ
求めあう時夢見て
君の心を今　埋められるのが
自分じゃないのが辛いのさ

這樣揪著心痛的心情 我又何嘗不與你相同
夢想著能和你互相尋求對方
現在佔滿你的心的人並不是我…
這樣想起又感到揪心的難受

Move on, oh,move on
もうやめときな　彼は戻らない
Open your heart, baby　時を越えて

Move on, oh,move on
該是放手的時候了…他…已經不會再回來了
Move on, oh,move on 跨越過這段時光吧

★～★
　
君の心の隙間にそっと 僕を见つけてよ
悲しませることはないさ
君を守るよ
so give me your chance

在你的心裡的空隙裡，悄悄的發現我的存在吧
我會一直守護著你，不再讓你感到悲傷
so give me your chance

★～★
★～★

悶??

早幾日同朋友食飯俾人話我拍拖生活苦悶,而今日,我亦都係同平時一樣,只同honey係屋企附近商場行街,但我o地都唔覺得悶喎,點解會咁o既???

============================================

另外,今日又撞到兩個中學同學仔啦,數o下手指,呢個月我見到o既VC同學仔真係好多呢,有Bely,Solon,Brian,Ching Yi,Super,Mango,Eric,Sze Lun,仲有師妹Bobo...似乎係時候搞個大RE-U先得!!!

被人屈

今朝一早發生o左件幾搞笑o既事,話說朝早番工係紅磡等隧巴,排我前面位女士查o左好濃o既香水,後面跟住我排有個肥女人,佢熱到拎住扇猛潑,之後就自言自語話天氣咁熱,都唔明d人點解仲要濆埋晒d咁臭o既o野,之後仲鬧o左幾句!!!好明顯,佢似乎係講說話俾我聽...俾人'屈'我'臭'(其實隻香水味幾香,只係我前面位女士查得太多!),我於是望一望個肥女人,o個一刻我o係度諗好唔好出聲解釋唔係我...但後尾為免搞到前面同個肥女人尷尬,我只好忍住,唯有自己都扮聞到臭,用雙手潑兩潑同按住個鼻,唔知個肥女人會唔會以為我扮唔係自己...!!!!

好彩今次係俾人'屈'香水,如果俾人'屈'身上發出臭狐,唔知我又會唔會為自己辯護呢...哈哈!!!

今日公司同事都好忙,而我都有幫手準備佢o地下星期training要用o既信封,Name Badge同Powerpoint Notes,忽然令我回憶起以前第一份工做marketing成日都要為event 做埋呢d手作仔...!!!!

好不容易趕完工作趕及坐公司shuttle bus走,因為今晚約o左中大o既同學仔(今個星期真係Re-U Week呢!!!),我o地事前上網見到d食客d評語唔錯,所以就去o左尖咀一間餐廳,叫o左牛仔骨,雞肉意,pizza同兩件chees cake,d食物幾特別,味道都幾好,的確唔錯!!!

 

無心快語

P係我心入面一直佔o左一個特別位置,無奈大家唔係成日聯絡,今日見面,某些說話我聽後竟然有唔舒服o既感覺,或者係多年無溝通,所以唔習慣對方o既說話方式吧!!!其實老實講,P無乜點變,仲係我以前認識o既老模樣,反而我變化仲大!!換著以前,相類似o既說話我可能聽後唔會有感覺,但而家自己變o左,所以先變得敏感同介意...又或者我太重視P,佢那句無心o既說話才會忽然刺痛我,實際上佢未必有咩特別意思吧...

做人阿哥家姐

今朝唔知醒呢!!!我明明有校六點半鬧鐘,但我乜都聽唔到,直到我媽七點三叫我我先起身...趕頭趕命八點十番到公司...好彩都未至於太遲!!!

夜晚約o左好朋友P及B食日本o野!!!成晚我o地呢幾個人o地家姐同阿哥不斷咁訴說自己細佬妹如何不生性,P講到濆血咁滯,點解d細o既硬係要大o既勞氣同擔心!?講o下講o下,我o地成十一點先走呢!!!

幾年前開始P忽然瘦了很多,自此成日病倒,希望佢食番多d o野,健康番,因為我從前認識o既P是很健康的...

小意大利

今晚放工去o左九龍塘,因為約o左CogSc朋友仔Agnes,May同Ginie去小意大利食飯!!由於我記錯時間,所以過早到達,於是入o左屈人寺,我俾個護膚品counter sales麻o左好耐,所以唔覺唔覺就夠鐘,哈哈!!!

呢一餐認真豐富,因為份量超大!!!我o地食o左大蝦意粉,Pizza同露斯瑪利雞,好飽呢!!食完o野大家講o下近況,我o地四個都同其他同班同學"失去聯絡",所以都幾想八卦人o地有咩著落,唔知CogSc同學仔係咪都好似我o地咁"浮浮沉沉"呢!!!

因禍得褔?!

今日成日都唔係太精神,好似好支力同有少少周身骨痛,唔通前日d酒氣而家先發作???本來今日要食Vice President o既生日午飯,但我唔太舒服所以無去,其實咁唔知係咪因禍得褔,因為呢餐要每人百三蚊...(其實我上星期五都食o左餐喇,都未賣單計數,如果我兩餐都食晒,分分鐘要俾二百五...嚇死人!!!)

放工第一次坐公司車出中環然後坐船過尖東再番屋企,因為比平時巴士+火車平三分一,點知代價就係比平時用多一倍時間先番到屋企...除非大把時間,如果唔係都係咪搞!!!　

美女廚房

尋晚雖然夜(早?)訓,但我十點幾就醒o左,好彩又唔覺眼訓喎,估唔到自己仲捱得!!!!夜晚我上演o左一幕美女廚房,著o左煲"青口魚蛋水餃金菇菜冬陰公湯烏冬"同香煎雞翼,honey大讚話味道unexpected地好美喎,睇見佢食得咁開心,我都好開心...雖然...其實係d味精粉惹味...

豪情狂歡

大姐會又大搞生日派對喇,今次九人出席,差Betty就齊人o架喇!!!下次希望可以齊人啦,因為大姐會超過一年未試過十人聚會喇!!!今晚超級好玩,因為今次都可以話係大家投身社會後第一次玩到咁盡興同咁夜呢!!!

今晚去食韓國o野,大姐會多年聚會都未食過韓國食物,生日會PIC Emily真係細心,仲買埋白酒一齊飲添!!!由於我o地有房,所以嘈到拆天都無問題,大家交換近況之餘仲討論o左恐怖o既跳樓同拐帶事件,we嘩鬼叫中亦了解不少社會問題,Cindy o既工作真係好有意義,努力呀!!!之後大家又傾對收入o既睇法,有姊妹o既朋友鑽牛角尖,唉...咁我似乎要搵洞'捐'了...!!!

三個墟傾o下傾o下唔覺就十一點,時間過得真快!!到送禮物時間喇,送俾主角Clok o既係一條Playboy頸鍊,好閃好靚,另外就係大姐會幾年前送o左俾一半人,但忽然無送o既層層疊Poster,睇家圍住張Poster指住d騎尼相嘻嘻哈哈,回味番多年o黎o既精彩相,互相笑對方之前個樣幾咁細路,成個中小學生咁

!!呢張Poster真係帶俾人唔少歡樂!!之後仲有Rebec o既英國同泰國手信,我抽中條頸鍊好襯我件衫,杯墊又好有英國特式,另外仲有我最鍾意o既冬陰公湯,yeah!!

本來食完飯已夠高興,但難得星期六大家聽日都唔使番工,所以可以再去下場,落pub去(Athena話要'劈'呢!)!!間Pub都OK,因為我o地有間大房,同食飯一樣,有個私人空間,又唔使坐出面污煙瘴氣,仲可以睇我製作o既大姐會VCD,於是大家成晚就盡情狂野豪情咁癲!!!今晚我o地玩o左好多Game,其中o個個'三字經'o既遊戲真係超果癮,不過對住Karen呢個相像力超豐富o既對手,我真係頂唔住,笑到我傻呢!!!之後仲玩o左猜partner、'接量詞'同圍枚升級板,仲上演o左茄雲珍妮手瓜大戰同玩到手都痛o既黑白大戰,遊戲有用腦o既又有唔使用o既,估唔到Jenny識咁多呢d Game,掂!!!

大家玩呀玩就四點,自從我兩年無住Hall後,今次都算係玩得最夜o架喇,番到屋企沖埋涼五點半,天都光lu!!但今晚真係超級高興,大姐們,小妹真係要同你o地玩先可以癲成咁,真希望今日Bess同Karen提出o既'大姐村'能出現,哈哈!!!

P.S. 今晚後,我學識o左唔少Game,仲發現自己原來我係'何家猜'同'黑白'高手...

咁o岩o既?!

繼之前巴士奇遇後,今日我同honey又上演一幕偶遇記!!!

今朝,我同平時一樣行路去火車站,正當我快到月台時,忽然覺得有個身影貼近我,回頭一望!咦?竟然係honey喎,認真驚喜萬分!!其實我一早知Honey今日係香港番工,所以尋晚傾電話特登相約夜晚放工食飯,一路我都無意識問佢朝早幾點出門口,番邊道,莫講話識到我可以約佢番工...而家咁都俾我o地撞到(多年o黎都未試過呢...),感覺好得意呢,終於唔使羡慕其他人一雙一對咁番工喇!!哈哈!!!

=====================================

放工後我去o左紅磡拎o野,點知中途電話無電,搞到我同honey失去聯絡,通知唔到叫佢o黎尖咀...結果我又發揮我專長...兜路行o左好耐先番到火車站,再等o左好耐小巴...搞到honey等o左我大半個鐘!!!!!!!!最後我o地去o左食詠黎園,今次大約係我第四/五次食啦,發覺一次不如一次咁,仲好貴,有少少後悔去o左呢度食添!!!!

回程,又可以同Honey坐火車,上下班都有人陪o既感覺真好!!!

惡魔在身邊

又睇完一套劇喇, 今次唔係日劇唔係韓劇,而係台劇《惡魔在身邊》!!!

呢套劇係台灣好似好出名,收視好高,紅o左男主角賀軍翔同女主角楊丞林,特別係後者,佢首《曖昧》唱到街知巷聞,所以我都想睇呢套劇好耐...點知套劇令我好失望!!!

內容方面,一個字講晒: 土!!!!!台劇我唔算睇得多(睇過流星花園1&2,鬥魚1&2,薔薇之戀,王子變青蛙),但呢套都可以話係內容最老土最無新意o既一套!而女主角齊悅o個種少女情懷,自問可能超齡,所以無法理解...!!!雖知台劇好多呢類少女愛情劇,但呢套真係唔掂,王子變青蛙雖然都係呢類劇種,但至少做到騎騎尼尼,搞搞笑笑而又會令你感動,而呢套就賴認真成熟深情,除第一二集男主角做到"惡魔"o既感覺外,整套劇入面一d都唔"惡魔",就連佢d朋友都係外表"流民",內裡"斯文",所以套劇一d都唔"惡魔",簡直係悶悶悶...好彩得十四集o者...

唯一套劇值得睇o既就係男主角個靚仔樣!!!可惜成套戲佢個髮型都遮住個靚樣而且太厚粉,塊面白過女主角咁,如果自然d就好喇!!!

官方網站:http://www.chinatv.com.tw/event/2005/devil/

美麗陷阱

今晚睇《星期二檔案》講女人為靚而引起不堪切想o既後果!!內容由帶con有細菌/變形蟲入眼至盲,到染髮至皮膚敏感頭脹、o係身上亂穿環發炎同著尖頭高跟鞋導致腳掌變形...好恐怖,特別係雙眼,睇完覺得做o左激光一了百了俾帶con安全百倍咁...好想儲錢做LASIK呢!!!

講開錢,今晚六合彩4800萬,搞到我成朝o係公司都發住個發達白日夢呢!!!

閒

老細take補假,大大老細出o左trip,而我又做晒交帶落o既工作,所以今日我好得閒...上網上網and上網...睇見同事們都好忙,自己都有d唔好意思,聽日老細番喇,真想快d有task做呢!!!

Re-U

呢幾日忽然好多Re-U活動咁,好似下星期大姐會生日Party啦,中大同學仔,港大同學仔Re-U,令我都好想積極d約埋小學同學同埋一d好耐無見o既中學同學Re-U呢!!!

===========================================

睇女王的教室,開始明白老師咁嚴勵o既用意了...呢套日劇的確值得俾小朋友睇呢!!!

生日

今日補祝番我honey生日,本來打算去西貢食o野,但唔知做乜鬼又變o左上深圳,成個planning同原本唔同晒...哈哈!!!點幾兩點上到深圳,不浪漫o既我叫honey自己拎份禮物出o黎,哈哈,雖然唔係我親手送,但佢都有驚喜,因為佢一朝見我兩手空空,無諗過有禮物(我係咪好失敗!?)!!!!禮物只係一樣好平價o既o野,我估honey收到都係覺得'有好過無'而已...

...!!!

下午出o左去行街,但行o既地方都係名店,好鬼貴,結果乜都買唔到...又行到腳都支力埋,咩mood都無晒!!!七點幾八點,等埋咁o岩上o左o黎深圳o既中學同學同佢女友一齊去食小肥羊,第一次同honey以外o既人食,叫o既份量o岩o岩好,所以每人都係五十幾,好抵食(唉,我d同事一餐lunch都唔只呢個價...)!!!!回程番到屋企已經十二點喇,出o左十二三個鐘街,好支力,支力到都唔多記得今日係慶祝Honey生日...好似無乜特別,同平日一樣...好彩我honey係男仔,佢唔會介懷生日係咁平淡o既...

手痛

早一星期開始感到自己右手手腕,無名指及尾指開始痛,似乎係我屋企隻滑鼠太細小造成...要快d買番個o岩size o既mouse先得...我唔想好似d報紙所講咁,因為用電腦問題而令隻手痛到唔郁得...

今日星期五,所以同同事食飯,又食到好貴喇,聽聞尋日佢o地食過百蚊一個人呢...雖然貴d,但可以同佢o地傾計打機咁開心,一星期一次都接受到!!!下午開會,雖然我唔知乜頭乜路,但老細都叫埋我去聽,開始feel到做system project係咩一回事,好開心,希望自己快d可以參與!!!開完會,繼續做我尋日苦惱o左好耐o既'功課',雖然同事們都為project趕工中,但都抽空教我,真係好呢!!

一頭霧水

今日成日都混混噩噩,一o黎上o左兩日orientation唔使做o野,所以今日無乜mood,二o黎同事俾o左task我,個task其實應該唔難,但佢o地太忙唔得閒指點我,所以我'磨'o左成日都未做完,開頭仲驚自己慢,但聽佢o地語氣,似乎係特登等我自己慢慢試,因為老細未番,我今日做完聽日就無o野做...所以由得我一頭霧水o左成日,都幾辛苦呢!!!

悶悶的Orientation

今日上公司Orientation,連同其他部門,總共有五十幾位同事一齊上,上o左成日堂,真係眼訓死,辛苦過坐係位做o野多多聲!!!不過,上完成日堂都算初步認識到公司架構同福利...雖然我係contract...都無乜福利可言...就好似尋日咁,公司policy revise o左annual leave,所有permanent staff可以多一日annual leave,即好似我呢d general grading o既staff就有13日...而我,由於唔係permanent,就只有跟contract keep番12日...噢...唔係permanent有都幾可憐!!

祝你生日快樂

祝我壽星honey生日快樂!!快d許番個願啦!

本來我今日打算同honey一齊食飯慶祝,但竟然慘食檸檬,都唔多記得今次係咪第一次生日正日無同honey一齊過...噢,我o地呢兩個懶人又偷懶無花心思去諗節目喇,唯有順延到星期六再補番啦!!

生日快樂!!!

飲茶

今日同屋企人去科學園飲茶,終於滿足o左我歐遊番o黎o既細佬o既願望!!!下午無乜特別,做o左個job application o既online accessment, 不過做得好差,衰梗!!夜晚,Natanata打俾我呢,一傾就傾o左個幾鐘電話,好開心!!