幸會加莉

早幾年開始成日睇到青少年網上亂識朋友闖出禍o既報道,所以從來無諗過自己會o係網上識朋友!!!但今日,我竟然約o左其中一位網友見面呢,而且都幾o岩傾,好開心識到佢!!

如果大家有睇開我日記,都留意到大半年前起,加莉就已經成日探訪我blog,就係咁大家慢慢熟落,從半年間o既留言及日記中,都感受到對方o既人品同性格!!!o係偶然o既機會下,仲發現大家都好想睇草蜢演唱會,所以就相約一齊去!!

為o左睇演唱會前相方更熟落,我o地今日相約出o黎見面食飯,由於我blog 中有相片,所以只有佢認得我,當我企係Sogo門口等佢出現時,都不禁有少少緊張,不斷咁東張西望留意有無咩人望住我!加莉真人又會係咩樣!!!哈,終於開估喇!!!佢比我想像中斯文同成熟,同o係blog 中俾我o既感覺有少少唔同,感覺上o係blog 中o既佢比較細個d,cutie d!!之後我同佢去搵地方食o野,亂打亂撞下竟然入o左間pub,o個度好大陣煙味,相信我同加莉都有後悔入o左去!!!

我o地邊食o野邊傾計,而家我更了解佢工作同興趣,仲傾到網上識朋友呢個話題,其實佢之前都試過約一大班網友見面,但佢放心之處就係從文筆內容中,都覺得yahoo blog 上o既人比較成熟正經,所以先敢見面!!!的確,我諗我都係呢個原因,先會夠膽同加莉見面呢!!

好開心今日認識到你呀加莉!!!幸會,期待一齊睇演唱會o既日子來臨呢!!!