五點就in完,但之後約o左舊同事七點半係旺角,由於太多時間,所以最終都係用錢買番d時間,番o左屋企...點知俾我撞到...
夜晚同Vivian,Alvin同Yolanda去o左食西餐,都幾好味,好飽呢!!!之後我o地即興陪o左好想問姻緣o既Yolanda去廟街睇相,咁大個女我都未見過人睇相o架,雖然今次唔係我睇,不過我都有留心佢講咩,睇o下自己d手掌紋點點點,面相點點點...我發覺佢講o既o野其實都幾概括,唔太具體,而且佢講o個d掌相面相其實好多八卦雜誌同玄學節目都有講,所以唔怕麻煩,買本風水命理書都可能會估到自己大約咩相呢!!!!!睇完相,原來個師父會俾個符你,之後叫你隨心用誠意同善心俾呢個符o既錢(個符佢話送o既,即係唔俾錢都拎得走,不過唔知師父會唔會黑面...)...結果當事人俾o左$50,而睇相錢就$200,佢都幾滿意睇相結果呢!!!
其實我都覺得二百幾聽一次(成十五分鐘都有)都值o既,特別係我未俾人睇過,我都唔知自己咩命...不過我覺得我睇前要預備個錄音機,咁我唔會聽完唔記得,亦唔使再聽第二次,哈哈哈!!!
2/3
你好嗎?
是我啊...幾天沒聽到你的聲音了,尋晚發夢同你傾電話,我仲問你知唔知我打過俾你,係電話入面唱催眠曲俾你聽,暗你訓,你話你知道呀!!!!我好似好耐無發夢見到你喇,可能有,但我醒後唔記得o左吧!!!我們也六年半有多了,可能太穩定啦,連夢見你的頻率也減少了,尋晚忽然夢見你,意味住甚麼呢...該是我還是很在意你,想念你吧!!!!
七年之癢,我一路以為是發生在男方身上,但似乎,現在癢的是我吧!!!
事實上,我也知道我正處於傷害你的位置吧,我的確知道你不喜歡,但我卻為了讓自己無怨無悔,為了自己個心安樂而妄顧你感受!!!看見你這幾天這麼激動的反應,甚麼'毀容','因住','我就是想你無能'之類的說話,事實上,我真的很害怕,我沒想過你愛我的力量會變成這麼俱殺傷力的恨...!!!我早幾天重提此事,原想讓我們冷靜解決問題,相討一個好的方案,令雙方滿意,但我想不到你會被剌得那麼深,傷心到失去理智...對不起,我似乎低估了你對我的感情,高估了你的情緒控制能力了!!!
你說的話,我也細想過了,你說的被人指指點點我其實不大介意的。但連慮身邊人也可能受騷擾這點我確實沒考慮過呢!!!父母,我的朋友...事實上,我並不膽心,我亦相信他們不會介意,亦會尊重我對自己職業有選擇權的權利!!!而你...我並不認為我會紅到連男友也被連慮呢...!!!!!
至於新聞主播興娛樂主播的分別...,我也明白新聞主播應比娛樂台主播簡單,沒那應複雜吧,至少新聞始終是比較正經正面,跟娛樂圈是兩回事,比較起上來本應比較好吧!!!!但我對新聞興趣不太大,要做,我想我也捱不到一年半載吧...!!!再者...我明白自己未必有急材去訪問明星名人,要我去做娛樂主播,真的不是那麼容易,我也未必能應付,新聞主播似乎比較易.....
我也在想,我現在似乎係因為失業,太得閒所以o係度無事生非!!!事實也好像是...因為我正在等候BU出offer的星期內,我也同自己講BU有offer我便甚麼也不去apply了!!!!!!!是真的,我可沒有埋沒良心...雖然,我不否認我可能會間中心思思發主播/明星夢,但我決定了便不會後悔的,對得住自己o既心便行了!!!!所以,現在我'作反',也可能是我生活太無聊,對前境不樂觀的結果吧!!!!
但為何我對前境不樂觀便要去冒著危險去apply這apply那呢??因為我從來只想做一份不用太用腦的工作,從小醉心娛樂行業,現在有機會找到一份能令我重拾信心o既工作,不是很可喜嗎...???
過去兩天跟你夜談...我也不是你想像中冷靜吧,可能隔著MSN,你不知我背後在哭吧!!!我想,沒有一個人想自己是'無能'的...你卻想我是'無能',想我'埋怨一世'也要強迫我屈服,不理我是否心甘情願,硬迫我二揀一...我想...我也是一個有自己思想的人呀,我只是做一份正經工作,亦不是去結識新歡,為何我得不到你的尊重,換來只係'想你無能'...老實講,我接受不了要我'無能'的思想...乞兒也應有骨氣,乞兒也有乞食的能力,我並不想做一個連乞兒都不如的女朋友...!!!!一直以來,你從不鼓勵我做功課,番工也只會不斷叫我quit,現在失業,你也不會鼓勵我積極搵工...好像我一遇困難,你便只會叫我放棄,而不是正面地鼓勵我,姶我勇氣與力量去面對問題,漸漸地,我也覺得自己變得只會途避,變得無用...其實每次我聽到你叫我放棄的時候,我也感到失望同傷心...唉...這你想不到吧...現在我有勇氣追求自己的理想職業,我覺得自己忽然'有用'起來...有重新找到自己o既感覺,這應覺其實很好...但我卻得不到身邊愛人的尊重及認同...本是美好的事,而家卻矇上陰影...
破壞這一切,是你對我太深的愛吧???還是你太強的佔有慾???愛?那愛我的不是應該尊重我對自己職業的選擇權嗎??只少我並沒有於感情上離棄過你,背叛你,我不應得到以'分手','不再愛你'作為報復吧...,只少這絕對 不是對等的事情吧!!!!!
相對地,為何我明知你不喜歡也要做呢??愛你不夠深??不是的,絕對不是,如果我不愛你,我早就做了model了...也不會耐心地討論這許多許多...!!!!那為甚麼呢??因為我以為你愛我會尊重我,我以為我有足夠理由勸服你支持我,正如我上面說的...我沒有預料到事情會發展到現在這般,變成二擇一的局面...!!!!!
我相信我在你心入面已變得不再可愛吧!!!討厭我嗎?恨我嗎??你說我放棄後你會更愛我,可能嗎??真心嗎??我不是不再可愛嗎??你不會膽心被你威迫後不情願地屈服的我會再心思思'背叛'你嗎??
你知的,我對自己的外表及歌喉也有一定信心...可是我沒有感到被'欣賞'...會唔會係因為身邊人唔欣賞,所以我先希望找一些能令更多人'欣賞'我,'肯定'我的工作呢???跟你六年了,你也知我頭腦簡單,思想不太複雜,也易滿足...不知道你能不能'欣賞'我呢????於工作中沒發被認同,生活中,感情中,我也想被認同吧!!!!可是你卻極少'讚美'我...我穿甚麼為你化粧你也看不見,想唱歌你也不想聽...可能真是這樣吧...我需要認同...
不知道你說'會更愛我'是甚麼意思???更加努力工作,上進,搵錢養我,讓我舒舒服服??除了不可以'出鏡'外,甚麼也可以嗎???去唱K,二人燒o野食,做腰部運動,食菜,睇醫生也可以嗎??
唉...思緒頗亂吧,上文似乎雜亂無章了點...東說說西說說,沒有重點似的...希望你能明白我想表達甚麼吧...
期待結局是4,而不是2或3的人上
男主角宋一國唔太靚仔,甚至係睇完都唔多記得佢個樣!!!而孫藝珍就真係超靚女,我Honey話覺得佢靚過宋慧喬!!!!而我都覺得佢著睡衣o個場真係好性感好索,好正,同"夏日香氣"個可憐feel真係好唔同,好似兩個人!!!!不過佢有幾場戲d表情動作同笑聲竟然令我諗起金三順,唔知佢做呢套戲時係咪參考過'我的名字叫金三順'呢?
官網: http://www.sunsoo2005.co.kr/
點解一日間會有180度轉變呢?令我腦入面打晒問號,有d唔識反應同無所適從呢!!!!
由於都好耐耐無見,所以我o地之後去o左傾計,講番公司同同事們o既近況,有d消息都幾令人嘔心,唔敢亦唔想去想像...而其他人就好忙,忙到身體唔舒服,希望佢o地快d有'安樂日子'過,努力!!!
傾完計,腦海中又浮現o係舊公司o既情景...我不禁有'慶幸我走o左'o既感覺...
=========================================
夜晚上堂,個Lecturer話香港樂壇好多悲傷情歌,因為香港年青人好享受失戀o既痛苦,享受o個種淒美,浪漫同瀟灑...
成班同學聽到都縐晒眉頭,覺得難以想像...雖然我平時聽開歌都好少留意歌詞,而且多數鍾意聽中快版歌(我覺得慢歌好悶...),所以我對失戀情歌無乜特別感覺!!不過,話時話,睇劇集時,睇見男女主角失戀,我都會有淒美o既感覺,有時都會諗點解自己現實中試唔到呢d感覺...呢種諗法其實係咪人人內心深處都有,但唔敢公開認而已呢?...有甜蜜o既開心歌唔聽而去聽失戀歌(阿Sir話失戀人一定少過拍拖/結o左婚o既人,所以失戀歌多人有共鳴係講唔通!),呢d係咩心態呢...
=========================================
兩日喇,仲未有電話...
今晚我o地食法國菜,d o野味道唔錯,Service又幾好,所以幾OK!!!我o地仲特登買o左支白酒飲,支酒係賣酒位仁兄介紹,話o岩d無飲開酒o既女仔,因為德國酒易入口d,甜d,飲o左幾啖都覺得唔錯,幾易飲,不過d酒精都幾勁,飲勁少都有'wing wing'o地o既感覺呢!!!!全晚最特別o既就係餐廳特別為我o地做o既梳乎厘生日蛋榚,相信唔係人人都食過,個梳乎厘好大個,入面仲有水果呢,好特別好好味!!!!
食完蛋榚,我o地又試發揮我o地o既想像力,諗繼'白雪蘋果'後,再拍一套片,獅子王真係唔錯o既題材,哈哈!!!!送禮物後我o地就散場喇!!!
http://www.kbs.co.kr/end_program/drama/sangdoo/
睇o左好幾套韓劇(對不起我愛你,這該死的愛,尚道上學去,浪漫滿屋,我的名字叫金三順),其中我都係最鍾意喜劇o既金三順!!!!幾套劇有悲亦有喜,拍攝手法當然各有不同,但我都唔多唔少發現到d共通點:
頭一兩集一定講男女主角點結緣或結怨;
第四集開始男女主角就要有d曖昧,例如是但一方開始發現自己愛上對方,接吻戲亦多係呢集出現;
到第七八集就有事發生,令男女主角無奈分離,由最開心變最失落,通常呢幾集最好睇,之後o既幾集就會慢慢將一d誤會一件一件揭開真相,而男女主角亦同時被命運玩弄,矛盾掙扎,男避開女,女又避開男,如是者來回 好幾次直到最後一集...;
最後一集喜劇o既話當然係大團圓啦,悲劇o既話通常呢集頭半個鐘都會係男女主角最幸福o既時候,係埋一齊,其實好多時係呢個時候結局就會大團圓,但編劇之後就好鍾意係'一年後'加d意外,令男女主角雙雙死去,留番o既就係'無奈'...
除o左相似o既故事結構,我仲留意到除o左三順外,其他幾套o既女主角都比男主角勇敢,套套都係男避開女o既先,女o既好勇敢為愛咩都唔要,只要同男主角一齊就得,但個男o既就一次又一次傷個女o既,最後女o既唯有走,到男o既後悔喇,但好多時已經去到不可收拾o既地步...點解韓劇入面d男人無女人咁勇敢o既?係咪反映韓國大男人主義,男人唔似女人咁'愛情萬歲'??
短期內我決定唔再睇韓劇住喇,要做功課,哈!!!!!"陣間要去Interview喇,應該係final in,雖則話應該要以平常心去in,但我都係好緊張呀...希望一切順利!!!
**********************************************************************
in完喇,我最少見到另外六位candidates呢,而且個interview俾我想像中簡單,令我覺得呢個並唔係final in呢喃!!!!!個interview只係自我介紹同問幾條問題,十五分鐘就完o左,完全無叫我用英文講o野或問一d好難o既問題,我覺得我表現都中規中距,最失敗係當佢o地問我有無問題問番佢o地時,我諗唔到囉,因為我無預備定呢...希望唔太緊要啦!!!由於個interview都幾簡單,加上有咁多candidate,要表現突出都幾困難呢,而家唯有乖乖係屋企等消息啦!!!!
故事講男主角武赫自小被父母拋棄,o係女友婚禮上為救女友而中槍,生命倒數o既同時,o係韓國遇番生活富足o既親生媽媽,為o左報仇,佢決定奪去親生媽媽o既明星愛子'允'o既一切,但偏偏就愛上自小單戀允o既恩彩,令恩彩於武赫的報仇計劃中受盡傷害...最後,正當武赫願意為恩彩放棄仇恨o既同時,武赫的生命也來到盡頭...
官方網頁: http://www.kbs.co.kr/drama/misa/
睇呢套劇前除o左知道佢係韓迷最想睇o既好劇外,仲因為聽聞'這該死的愛'有少少似呢套劇,結果唔係想像中咁似,除o左報仇同男主角o既打扮外,'對不起我愛你'o既故事複雜好多,人物亦較多,令內容更豐富同緊揍!!至於結局都幾出人意表...雖然男女主角都係要死...
睇完呢套劇我鍾意o左個女主角!!佢叫林秀貞,o係套劇入面楚楚可憐好惹人憐愛,上網搵佢d資料先知原來佢就係前排係香港上演o既鬼戲'姊魅情深'o既女主角,上緊o個套'真的愛你'都有佢演出,而前幾日報紙仲話南韓導演朴贊郁即將執導o既《改造人之戀》會用佢做女主角配阿Rain添呀,好期待呢!!!!
下午四點幾同我honey出尖沙咀,我o地尋晚已經諗定出去睇戲同去沙嗲王食飯(用埋D coupon),點知出到去見好似無乜戲好睇,'Monich'又好似太沉重認真,我o地都唔太想睇呢!!!唔睇戲,咁唯有諗食咩啦,我就一心諗住用埋d coupon,但我Honey又想試o下'有骨氣',去到'有骨氣'門口睇佢d價錢,嘩...我諗我'無骨氣'去食喎...就係呢個時候我o地聽到兩公婆同樣見到個價錢就'無骨氣'咁提議去蹈香,我honey一聽都覺得係好提議呢!!!!最後我o地決定差包剪泵決定食咩,我羸就去沙嗲王,Honey羸就'有骨氣',和就番大埔去蹈香打邊爐,結果...哈哈,'和'呢,我Honey好滿意賽果,於是我o地就折返屋企!!!!
哈哈,山長水遠出o左尖沙咀,結果街又無行,戲又無睇,o野又無食,只係期間食o左一串魚蛋,好荒唐哦!!!!!
下午出o左去interview,我上星期講過我有個written test o個度,尋日收到interview時真係幾驚喜,因為我諗住實無!!!!今日去到,原來唔係interview,而係個department head 想同d interviewee 傾計,所以好casual,所以我覺得我並非個Written Test 過到關...!!!!!由於一朝俾我份功課煩住,所以我去in時無乜心情,我甚致覺得等我讀埋個part-time完晒所有功課先番工仲好,所以我係in時有o個句講o個句,講埋自己有乜缺點,無乜目標,樣樣apply...因為我覺得呢份工唔請我我無損失呢!!!!!呢個Department Head好好人,佢知我缺泛方向,所以講o左好多o野俾我聽,教我應該plan好自己條路,唔好咁快無自信...我都係第一次interview in 得咁casual,而且呢個department head真係好好人,我深信佢係一個好老細,能夠跟佢做o野應該唔錯!!!!
最後佢話我知如果我被shortlist,下星期會有個formal interview,要見panel,幾個人一齊in我一個,嘩...好驚,雖然呢一刻我無乜鬥心,不過我都希望下星期會有好消息!!!
夜晚上堂個lecturer今日又講o左d勁好笑o既o野,笑到我眼淚都出埋!!!!!佢話香港呢個商業社會效率真係超快,東京紐約都無得比,佢以大家樂食lunch為例,話香港人食個飯都好似軍隊咁,排隊時諗定食乜,拎定錢,之後就會熟練咁行去水吧,俾飛後就自動跟隨托盤快速移步向前,動作快之餘又能認到那個托盤係自己o既,勁!!!食飯喇,一個口可以邊食o野邊食煙邊傾電話!!!!食個飯都可以咁高效率,香港人都幾勁!!!!諗諗o下都o岩,我自己刷牙都唔會乖乖o地企係度,成日邊刷邊係屋企行o黎行去做其他o野...,呢種咁繁忙o既生活真係唔係個個受到,我阿姨就試過由美國番o黎一個月已經頂唔順...好彩我係香港出世,已經習慣晒咁急o既生活,唔係o既話都幾易發癲呢!!!!
夜晚收到Agnes個email,原來我有個師兄(亦係我yr 1時o既tutor)做o左第一對係HKU辦婚禮o既新人呢!!! http://hk.news.yahoo.com/060213/12/1l72i.html
情人節快樂!!!今日我過o左一個簡單o既情人節!!!!
今日我同媽媽去o左沙田拍拖食飯行街,本來我想順道買d o野送俾我honey,不過睇唔o岩呢,最後我買o左條幾誇張o既頸鏈俾自己做禮物,幾抵呢!!大約五點,買完整布甸o既材料我就出發去搵我honey!!
夜晚我o地打邊爐,之後就邊食我個'芒果'布甸邊睇林海峰個talk show o既影片,但我o地唔記得買芒果...好彩都仲有西米o者!!!!今次係我第一次加西米入布甸,但唔知係咪d西米水問題,今次整個布甸竟然有兩層喎!!!因為無芒果,所以味道差少少,唔夠香,而且d西米一粒粒,令到本來應該滑滑o既布甸有d'鞋'呢,下次一定要整好d!!!!!不過,我honey好似完全唔覺'鞋'口,無芒果但都食得好滋味咁,我都好開心!!!!
另外,今日我今日買o個條鏈我honey話一d都唔靚喎!!噢...!!!!
尋日去o左沙田龍華酒店同我honey d親友們團拜,今次係我第一次正式見我honey d親友(之前撞過兩次),本來都好驚,但佢d親友都幾好人,至少溝通方面舒服少少...
我o地六點幾去到,佢d親友就打麻雀,而我同我honey同佢d表弟們就坐係度等!我honey都幾多表兄弟姊妹呢,而且佢d表姐同醫生表嫂都幾靚女,而且個個都好識得social,同d長輩勁好傾,如果我都可以咁就好喇!!我唯一比較傾到計o既就係佢個表弟,傾得埋o既原因係佢都係讀HKU,所以有共同話題,加上佢又係比較'自閉',唔識同親友們social,所以傾到幾句,相信呢d就叫做'物以類聚'...
今次見完後總算過o左一關,加上逗o左唔少利是,去一去都值o既,希望留到好印像俾佢d親友啦~
今日除o左睇劇外我仲做o左少少功課...當然係做得勁慢啦,話時話,點解劇集入面個個都好似唔使讀書唔使工作,但就有錢談情說愛呢,如果現實係咁就真係好囉!!!!
做完功課上網搵到,見到有份工又係usability planning o既o野,其實我之前做o左一個月份工就係呢d o野,亦即係我而家讀緊o既o野,但因為之前份工實在做得太唔開心太痛苦喇(詳情可以去我Homepage http://hk.geocities.com/feon_ko o既'f live'度睇),所以我勁有陰影,不過話晒第二間公司,忙就應該走唔甩o架喇,但可能氣氛會唔同都未定...唔知apply唔apply好,唉...不過我諗我都會再試,如果我再一次頂唔順呢種'忙'法,咁就證明我真係唔適合呢個工種,而我讀呢個part-time course都係白費喇...
<=就係呢兩隻碟喇,唔知有無人識...
另外,今日上堂講唔同類型o既音樂特性,我而家先知R & B,中式小調流行曲,港式流行曲,台式流行曲係點呢!!!!
