帥呆

夜晚睇東張西望有小豬呀,似乎佢出道十年後終於有機會加強係香港o既宣傳...嘻,咁咪即係以後可以多d係香港見到佢囉...哈哈,雖然呢一兩年佢o係我心目中o既地位被비搶o左,不過我都仲幾鍾意Show o架...嘻,不過佢o係節目中o既廣東話真係不敢恭維...都係講番普通話型d,haha!!!

嘩,賣廣告忽然見到Kimura San,雖然我一向唔覺佢靚仔,但果然係日本最紅大明星,個廣告的確好搶眼,曲髮造型嬌媚得o黎又有d型仔味,一d都唔突兀,真係唔係個個男仔carry到!!!另外止汗劑o個段又拍得好sexy,唔知有邊個香港男明星可以好似佢咁,有一種攝人魅力呢???

========================================

再另外,睇報紙原來日本將"相聚一刻"拍成劇集呀,我個人覺得由伊東美咲做響子小姐好襯,報紙入面個朱美小姐都好似,著住吊帶睡衣四圍走,哈哈!!!

仲有裕作、四谷先生、一刻館...所有名都好熟悉,話晒呢套卡通都算陪住我成長o架,好有興趣睇呢套日劇,但近排好忙,手頭上仲有好多劇未清...努力!!!!

相聚一刻日本官網:

http://www.tv-asahi.co.jp/ikkokukan/

B

今晚放工去探BB,所以成team人六點鐘就齊齊放工,真係前所未有!!!!

我o地先去老細屋企探佢千金,一入屋就見到B媽媽幫B女掃風,B媽問我o地抱唔抱,但BB真係好細粒,身體軟軟,所以大家都唔敢抱呀!!!大家邊吹水o既同時我就邊摸BB手仔腳仔,好軟滑呀,d腳指仔仲好似玩具咁,哈哈!!!

一個鐘後,我o地就去火炭探孖仔,孖仔大過B女十幾日咋,但一望明顯大隻好多,摸落手腳都好硬淨結實,其實我敢抱o架,但大細孖正要開餐,所以唔得閒俾人抱,哈哈!!!呢對大細孖唔係identical twins,個樣好易分,最搞笑仲係大孖竟然明顯細粒過細孖,雖然我o地見BB時間短,但都明顯覺得佢o地唔同性格,大孖一句聲都無出,個樣成日好似o係度沉思咁,而細孖就成日依依哦哦,好似好多咀好想講o野,好得意呢!!!

是晚o係孖仔屋企食住家飯,伯母煮o左八味食送,好犀利呀!!

火辣辣

好熱呀,今日天氣好晴朗,藍天白雲又無煙霞,望出office窗望到好遠好清楚,好似自己視力好好咁,哈哈,肯定近視無加深可以做激光啦,哈哈!!!

陽光普照下,唔知大家有無留意近排鳳凰木已經好滿鮮艷奪目o既橙紅色鮮花、木棉o既棉花已經飄下舖滿一地、仲有白蘭花已經優雅地為炎熱散發出陣陣清香呢?無錯,火紅o既花正係要向大家宣佈: 夏天到喇~!!

(哎唷,收到喇,夏天到,要食少d呀嘛!!)

P.S. 我家樓下有一棵白蘭樣,開滿白花,好靚,而且好香,日日放工都聞到o架,我仲見到有婆婆將花插係耳邊,別有一番味道!!!

 

常在我心

哎也,睇溏心風暴,Alfred死得好慘呀!!!

雖則我覺得佢衝咁多次燈死係遲早o既事...某程度上係唔抵可憐,但難得常在心o係兩年幾後原諒番佢呀...

忽然諗起我細個時有套電視劇都有個好慘o既死人場面,不過劇名唔記得喇,只知男女主角係伊麵同松松姐姐,死o個個好似係松松姐姐...雖然我印像模糊,但我幾肯定o個場戲係好淒涼o架...唔知係咩劇集呢???

照顧金魚的起居飲食

(27/05/2007)爸爸上班,妹妹跳舞,細佬玩小型賽車(最後因天雨玩唔成!),honey打war game...結果呢個周日又成為我同我媽shopping o既日子,雖然只係o係每個星期都行o既商場shopping,但竟然由十二點行到三點半先番屋企,都幾勁!!!至於收獲呢,就係靚袋一個!!!

===========================================

夜晚爸爸為我進行'換水'特訓,皆因佢o地將會去歐洲旅行十天,其間我爸缸金魚o既生死存亡,就要交托在我手上!!!

講到'生死存亡'咁嚴重?無錯,因為我家曾經發生過兩次金魚兇案,兩次都係o係旅行其間發生!!!

第一之我仲好細,去完旅行番o黎缸中最老一條紅運當頭唔見o左,細看魚缸,發現細細o既半透明白色魚骨,原來條大魚(條魚都算養得耐,所以係缸中最老最大條!)已經慘成其他金魚七日o黎o既食糧,食剩白骨,十分嚇人!!!

至於第二次,諗住餵定金魚唔關魚缸氣泵應該捱到五日吧,點知落機番到屋企門口,o係走廊位置已經聞到陣陣臭味,仲以為係鄰居d垃圾臭,點知一開屋企門,不得了,惡臭難擋,向屋內一望,發現魚缸已成一缸混濁血水,氣泵停o左,懷疑係旅行其間大廈停電所致(閃電o卦!),結果成缸魚缺氧而氣絕身亡!!!如果我o地再去多幾日旅行,想信魚屍o既腐臭味一定會令鄰居以為發生兇案去報警,結果當晚我爸同細佬旅行歸家都無得休息,要漏夜清理...直到而家,o個陣腐臭味同混濁血水仲深印我腦海呢!!!

所以去幾耐旅行都好,我爸必需先諗定點樣安置d金魚,今次我唔去旅行,重任自然交到我手啦!!!

其實自我出世有記憶後,我家便放著一缸金魚,細個時都會望o下o係水中游o黎游去o既佢o地o架,認得邊條打邊條之餘仲同細佬妹爭住要爸爸俾我餵魚糧,但人漸漸長大,不知不覺間竟然對小生命o既存在失去了感覺,再無站在魚缸前駐足賞魚o既閒情,我而家連缸中有幾多條金魚都講唔出,更莫講話要我照顧佢o地十天o既飲食住宿啦,所以'換水'呢個任務,對我o黎講都真係幾有挑戰性o架!!!

o係爸爸指導下,終於第一次幫魚缸換水,咪以為換水好易呀,其實都有d學問o架,只係簡單令缸水從喉中流出去水位已經係一門物理學問(水壓及空氣壓力!!)!!!另外,仲有好多o野要注意o架,好似換水唔快得啦,一次過唔可以換太多水啦(最好唔好換多過一半水!),仲要記得熄泵同留意水喉唔好吸親d魚又或者唔好跌出缸,如果唔係,d魚一唔適應水溫就好易病同死o架喇!!如果換水其間分心唔記得留意水位,水滿瀉除o左會令成屋水浸有排清理外,仲可能會整濕魚缸用o既電掣,屋企跳fuse事少,電親自己事大呀!!...好彩,自少見得我爸換水換得多,大約步驟都知,不過想信我要o係佢o地去旅行前實習多幾次先可以令我爸放心將成缸生命交俾我呢!!!哈哈!!

劉海

一早去番髮型屋剪番d碎陰,但因為我無帶相去,最終佢剪出o黎o既都唔係我想要o既...(講真,自己又係衰o既,做乜唔帶相去...),但當刻頭髮已經被剪得過短,為免又叫師傅幫我剪劉海咁煩,最終我決定俾我媽幫我操刀!!!!

其實中五之前我都留有劉海,d劉海一長過眼眉我媽就會幫我修短,唔使成日去髮型屋!!!不過自中六開始我就留長o左d陰,就算有劉海都係去髮型屋剪,都好少再有機會叫我媽幫我修剪頭髮,所以今日我叫我媽'出山',佢好唔願意,猛話自己剪得無髮型屋咁靚...結果o係我再三要求下,佢先肯出手!!!!

剪完喇,一望自己,嘩,好似番o左中學時代咁,哈哈,完全係以前個feel呢!!!我都好耐無試過有劉海喇,配埋個曲髮,而家個look即刻新鮮好多,哈哈,好滿意!!!!

Thank you Mum!!!

===========================================

唉,星期六放假,MSN list上所有朋友都係Offline,只有我一個online...點解放假我要孤伶伶一個人係屋企o既???

等呀等,九點終於等到honey放工喇,我o地去o左御八築地食,呢間日本o野好多人排隊,所以都想試好耐o架喇,今日食完都覺得幾好味,d份量算多,而且幾新鮮,食完仲有張九折coupon,等我下星期帶屋企人食先!!

夫妻相

haha,由於想人o地覺得我有整頭髮,所以我今日特登用第二種夾法夾起前面d陰,有好多同事都'感覺'到我唔同o左,但又講唔出係咩,我話我電o左髮,佢o地先'係喎~'咁,之但係呢種'似有還無'o既感覺反而令同事們更加留意呢!!!!...不過anyway,我決定剪番碎d陰,等個look真係唔同d!!!!

  

同事話我似佢一個friend中學o個時個look,仲特登影低俾佢女友睇o下似唔似喎!!

==========================================

今日同事們除研究我個頭外,仲不約而同問我續唔續contract...答案當然係...

==========================================

今日無啦啦又online到,睇到Menu個blog quote o左篇文章講夫妻相,幾得意呢!!!

夫妻相看婚姻

　　 原來夫妻相是有科學根據的!!

我丈夫談不上英俊，我卻喜歡旁人說我倆有夫妻相。原因是研究發現，婚姻生活愈趨美滿，兩人的面貌就愈趨相似。夫妻愈能長時間發展和諧關係，臉部肌肉也會受到影響。
　　 研究面部表情而聞名的心理學家保羅‧艾克曼（Paul Ekman）發現，單是控制臉部的肌肉就有二百條，以微笑為例，笑容就有十八種，涉及十五條臉部肌肉以不同的排列組合形成。並不是每一組肌肉都可以運用意識隨意運動，沒有相關的情緒和意念配合，相應的微笑便不會出現。
　　 兩夫婦若能共同經歷生活中的喜與憂，情緒和思想獲得積極交流，無論眼角眉梢，甚至笑容皺紋也會愈來愈近似。丹尼爾‧高曼（Daniel Goleman）在新作 《社交商》中引述一項研究，當中分析了一批有二十五年婚姻的夫婦照片，發現婚姻美滿的夫妻，相貌不止會愈來愈相似，而且婚姻美滿度與其面貌近似度更成正比。
　　 夫妻生活是否幸福，並不以物質衡量，而是以相處的快樂時光計算。兩性關係專家約翰‧高特曼（John Gottman）指，若夫妻生活的快樂與不和諧時間比例是五比一，他們很容易白頭偕老。當然在逆境時，快樂的時光自然會少些。這時夫妻間相互的支持尤其重要，研究發現，當妻子遇到壓力時，丈夫一個簡單的肌膚接觸，如握緊妻子的手，壓力賀爾蒙就會減低。
　　<頭條日報 22/5/07 - 張慧慈>

唔知大家覺得我同我honey似唔似樣呢!!!哈哈!!!

看我七十二變

今日無節目,所以最終都係去o左整頭髮!!但係o係我怕染髮兩截色,怕電大圈唔"襟"同貪曲髮都係長好睇之下,我個髮型除o左比之前曲少少外,都無乜大分別...好後悔無堅持叫師傅幫我剪陰添...

(左方係新look!)幾舊水整完無乜分別添,好想過兩日補剪番個碎陰!!

 

如果可以好似阿嬌set得個頭咁靚都幾好!!!

番到屋企越諗越覺唔抵,因為真係好貴,但整出o黎竟然乜分別...um...於是夜晚繼續上網搵髮型資料,竟然俾我搵到個幾得意o既website,係個website度我可以upload自己一張相(free account只可以upload一張),然後幫自己換明星髮型化粧配飾,好得意呢,以下係其中幾個造型,好得意!!!

網址: http://www.makeoversolutions.com/makeover/virtualMakeover

我個髮型同Cameron Diaz一樣呢!!

哈哈,好過癮呢,我覺得左上角o個個造型最得意呢!!上方左二o個粧有d Jolin feel,至於右上角個粧其實係來自Paris Hilton,下方左二個髮型係姬拉麗莉o既!!!哈哈!!!你o地覺得邊個造型最襯我呢??

髮

今日放工打波,由於食太飽,打到夠鐘都仲好似未熱好身咁,而且今日個職員勁早鎖門,所以今日大家都好唔夠喉,好似未開始打咁,下次一定要食少d同早少少熱定身!!!

唉...聽日honey要番工呀,放假我又試無節目了...夜晚好勤力打電話約人唱K,因為我大半年無唱K,好'恨'唱呢,可惜我太遲搵人喇,個個都各有各忙添...

May提議我無節目可以去搞o下個頭,都好o既,不過好煩唔知點整...um...

頭都大

由於我公司個account上唔到網,所以我問同事借account等我中午食飯盒時可以上網check o下email,lunch完後我先轉番自己account!!結果,我發現到一個好奇怪o既現像,就係我每次用完同事account後,我自己個account都可以上到一陣網,好古怪,所以我決定今日著住我同事account唔熄機,睇睇聽日我用番自己account係咪可以上到網!!如果真係我用同事account越耐,我個account就上到網越耐就太好喇!!

今日同事唔係位,所以我代佢做o左user support,同其中一個user講o左廿幾分鐘電話,雖然問題最終治標唔治本咁解決o左,但都搞到我一頭霧水同煙...終於明白同事點解咁怕接電話喇!!

可愛

溏心風暴入面,本來之前每次講到鍾嘉欣同林峰我就無心機睇,但自從蒙嘉慧出現,鍾嘉欣發現有第三者後我就覺得呢段都好好睇喇,而且近排鍾嘉欣集集都喊,感覺好自然,加上人又靚,睇得人好舒服!!!而且佢喊時好似BB女,就算我係女仔都會覺得佢我見尤憐,真係好想tum番佢!!!!

今集佢同陳豪o個段都拍得好浪漫,鍾嘉欣笑時好可愛好甜...靚女真係無論喊定笑都咁得人鍾意,忽然好鍾意佢添!!哈哈!!

煩惱絲

唉...今朝又上唔到網喇,好慘呢!!

另外,一朝坐我對面位同事就好嬲,因為佢被內外夾攻,外當然係指女魔頭同手下,內就係一向同佢有過節o既PM,佢仲悔氣咁話自己快要請大家食tea...睇住佢咁嬲我都有少少驚,真係有d唔敢同佢講o野呢...似乎,距離風雲變色的日子越來越近了...

================================================

放工,爸爸又在我耳邊不斷講進修搵工同埋今日報紙寫上年HKU畢業生的平均薪籌...放過我吧,近排我已經有夠煩的了...

煩煩煩...忽然好想修理一下頭頂那一大把又乾又厚的煩惱絲,如果煩惱都可以隨煩惱絲一剪去掉便好了!!!!

私人回應

太好喇,yahoo blog功能提升o左,以後我d私人網誌大家就可以盡情留言,唔使再擔心唔記得click私人回應後段留言會公開o左出o黎,大家可以更加暢所欲語喇!!!!!!!

===============================================

今日落大雨,但都有同屋企人出去食午飯!!吉之島最後一日減價,好多人好迫!!下午四點見honey,周圍行o下!!!今日好似無乜特別呢!!!

夜晚睇雜誌講今年興tube dress,不過好性感呀,明星先敢著吧...um...唔敢買tube dress,不過都可以諗諗halter neck,應該都幾靚,等我留意o下有無又平又靚o既先!!!嘻!!!

 

Equestrian Events Orientation

今日去o左期待以久o既Equestrian Events Orientation,撞番一齊interview o個幾位Volunteer,大家都順利入o左Technology Division!!!!

今日成個orientation都係'聽書',主要係向全場大約六百位2nd batch volunteer介紹8個division o既工作,有d presentation都幾有趣,不過聽到後來我都忍唔住遊o左魂,聽足三個鐘的確幾眼訓呢...!!!!

最後一個鐘係自己division o既section,由於我個division成八十人,所以分o左四小組,因為我有帶相機,所以就變o左做group leader...哈哈...皆因我可以影相認人呢!!!希望下次見面時我認到大家啦!!

  

'Yes! I can!' (老實說,好老土呢!)                 可愛o既騎馬歡歡(我都係今日先知佢叫歡歡,哈哈!)

=========================================

唔記講添,我仲撞番個好耐無見o既中學同學Polly呀,佢瘦過以前好多呢,好開心見到熟人,仲即時交換MSN添!!!

我真係覺得你好無辜...

Lunch之前有同事走埋o黎同我傾o左兩句,佢問我'諗住點算?'!!!我碌大眼,咩意思呀??原來佢意思係指,近排d政治o野,遲d大魔頭同佢手下會入主我條team,仲要坐埋過o黎同一個office,搞到我條team好幾個senior staff都灰晒,分分鐘集體走都唔奇,所以問我有乜打算!!!

其實我可以點打算喎,technique唔夠,而家轉工咪即係又要重頭開始,我本身已經比其他同學遲起步,我唔想再遲上加遲...而且我半筒水,我無信心係出面搵到同類工作...

同事話無乜話半唔半筒水o既,出面好多consultant公司都有請junior consultant...最後,佢講o左一句"我真係覺得你好無辜"...

咪係!!成條team,我經驗最淺最嫩,仲係BB仔咁,若果人事變動,其他人就話可以出去闖,但係我呢????除o左被包火影響而慘變炮灰外,我自問真係未夠料出去闖呀...唉...我仲以為我可以o係呢場高層o既政治遊戲中置身事外,但似乎我都可能會變炮灰喇...真係唔敢想像同事們離我而去呀,佢o地個個都好好人,都算好照顧我o架,我唔想被遺棄呢...只怪我一路太樂觀喇,無諗過無同事照住o既話會點...睇怕我要認真作定最懷打算...唉...

...早知o個日我都join埋五位男同事一齊為自己做番d o野啦...

求求上天,地震都唔好震散我呢條team呀!!!!!

=============================================

番到屋企我爸話佢公司有個o靚妹last day,個o靚妹唔捨得所以喊...我即刻諗,如果我條team真係震散o左,我都會喊...

 

(請以私人留言留言呀!)

終於上得網喇!!!

一朝番到公司,奧賣葛,闖禍了,早前完成的program上到production後才發現有錯處,後果應該不太嚴重,之不果呢個project遇到好多阻滯,錯處改好後卻唔可以publish出去,成份o野hold住o左...雖然我只係小小薯仔,但都覺得好煩呢!!!

唉...希望影響不大啦...我已經盡我所能了...

==============================================

lunch後竟然有機會同大魔頭手下傾計,從對答中隱約覺得佢想從我口中'套'o下我team同事有無講過佢d咩是非(應該係蝦我妹妹仔易講o野啦!!!),似乎呢個人真係唔係想像中友善,傾計都好似充滿目的咁...呢d人都係少接觸為妙!!!!!(唉,其實都唔知係咪我聽得太多同事講o既o野,先入為主了!)

==============================================

下午,忽然發現我原來可以上網了,既然project被hold住,我暫時都無乜o野o係手整緊,所以得閒上o黎寫o下blog,太好喇!!!

==============================================

後記: 我submit完以上o既blog後個IE又出現'Access Denied (policy_denied)'喇,之後又試上唔到網lu,可能今日下午上到只係好彩...唉...空歡喜一場!!!

==============================================

今晚又打壁球,後來隔離場有個教練教一個肥仔打波,我o地靜靜雞偷師,嘻,之後好似真係有進步,勁呀!!!
 

不好意思

太好喇,晨咁早放工,又有順風車坐,番到屋企六點四十五分,破紀錄,哈哈,仲可以沖埋涼先食晚飯,時間即時好用很多!!!

晚飯後媽咪俾我睇佢買俾我o既一對便服鞋(我媽隻腳同我一樣大,所以可以幫我買鞋!),個款好靚呀,可惜...一試上腳太窄太細了,頂住腳尖,跟據自己番工經驗,一定會著到好痛!!!媽媽話佢有幫我試大一個size,但太鬆,加了鞋墊仲係會甩鞋,所以幫我買了細o個對...噢...但我試完又試,都係覺得我無可能著住呢對細鞋走多過十分鐘路呢,所以叫媽媽拎番對鞋去鞋店換,但係,原來呢對鞋係特價貨品,單據上寫明不能更換...噢...點算呀,我睇得出我媽媽好失望呢...如果係鞋款我唔鍾意就話可以扮鍾意tum媽咪開心,但size唔o岩真的不能夾硬著去扮o岩著呀,令媽咪失望好唔好意思呢...我都唔知可以點做好...

Anyway,媽咪聽日應該會拎對鞋去嘗試換,希望佢成功換到啦,我真係好唔想白費我媽的一番心意呀!!!!

再造人

睇八卦雜誌,封面'再造人'呢個term很吊詭,感覺就好似封面上幾個女仔都係人造o既機械人咁,人工化而不真實,只有驅殼而沒有靈魂!!!

既高且瘦的身影、細而修長的四肢、豐滿的胸臀以及纖細o既腰肢,再加高而直的鼻樑、像黑珍珠但會發亮的大眼睛及豐厚性感的雙唇,如機器倒模出來的完美外表,美麗而無瑕疵,但卻少了一份真實感,一份不完美,但令人看得舒服的可愛及自然美感!!!

隨著'再造人工場'不斷製造倒模/翻版美女再造人,看來早已在日韓盛行的整容風氣要襲港了,到時大家番工坐車行街睇戲食飯,身邊都可能會被再造人包圍,舉目到處都是'美'人,因為再造會變得像化粧品一樣普及!!!

慢慢地,'美'便開始變得不特別,亦變得不值稱讚了!!!真真假假,到時要找個像李英愛般令人看上去感覺舒服的氧氣美女真的難上加難,'欣賞'美人再也不是走在街上的一種娛樂了!!!

 

政治冷感

公司內的政治鬥爭正續步升級,成條team o既男士們lunch走去做三姑六婆才會做o既事,我同另一個女同事不知幾想去觀摩一番...連猛男們都頂唔順,可想而知事情o既影響力同嚴重性有幾大!!!而我呢...都係樂於做一個無知o既旁觀者!!

Lunch有飯局,本來以為係政治飯局,但大魔頭今日無出場,搞到我仲係唔知主角究竟係咩樣,可惜可惜!!不過未見主角,我今日卻有機會認識主角的手下,亦即我o地team o既'哎也'teamate,真不知佢係人o地o既扯線公仔還是真小人...

另外,今日我仲有機會同來自中國同台灣o既同事見面,第一次認識外面o既同事咋,雖然我唔係好識social,但識多d人都係好事呢!!!