母親大人快樂!!

尋晚同honey傾電話到三點先訓呀,好耐未試過咁夜喇!!!今朝十點幾起身,中午一家人出去沙田會合親友食飯,慶祝母親節,我細佬仲特登帶o左佢尋日買o既NDS出去,諗住同表弟玩,點知表弟無o黎,唯有下次再玩啦!!!

今日我坐婆婆隔離,所以我肩負夾o野食俾婆婆o既重任,嘻,婆婆原來好鍾意食茄子o架,我而家先知呢!!!食完飯舅父仲講o左好多佢釣魚同埋細個做暑期工o既事,好搞笑!!!

食完飯捉住媽咪行沙田,但原來佢同我細佬尋日先行完喎,我都唔知添!!係咁2行o左陣鞋舖,臨走去買蛋榚,嘩,今日母親節真係好旺場,頭先仲有o既蛋榚眨o下眼賣o左兩三個,好彩我o地鍾意o個款仲有一個o者,拿拿聲買!!!

夜晚母親大人放假,所以買外賣,M記+大家樂+脆米蛋榚+冬甩,配撘好奇怪呢,但無法啦,今晚可能個個母親都請o左假,所以我o地想叫pizza外賣竟然打o左十五分鐘都唔通...唯有叫細佬買最近屋企o既快餐,哈哈,今日最緊要就係媽媽可以休息嘛,哈哈!!!

祝天下母親日日都快快樂樂,仔女聽話孝順!!!母親節快樂!!!!

==================================================

夜晚同我妹連線賽車,估唔到佢咁勁,以前全家打機最差係佢嘛...我呢個家姐今次失威添!!!...哈哈,夜晚掛住打機睇蜘蛛俠打日記,雙眼又好乾好支力了!!