我o地先去老細屋企探佢千金,一入屋就見到B媽媽幫B女掃風,B媽問我o地抱唔抱,但BB真係好細粒,身體軟軟,所以大家都唔敢抱呀!!!大家邊吹水o既同時我就邊摸BB手仔腳仔,好軟滑呀,d腳指仔仲好似玩具咁,哈哈!!!
一個鐘後,我o地就去火炭探孖仔,孖仔大過B女十幾日咋,但一望明顯大隻好多,摸落手腳都好硬淨結實,其實我敢抱o架,但大細孖正要開餐,所以唔得閒俾人抱,哈哈!!!呢對大細孖唔係identical twins,個樣好易分,最搞笑仲係大孖竟然明顯細粒過細孖,雖然我o地見BB時間短,但都明顯覺得佢o地唔同性格,大孖一句聲都無出,個樣成日好似o係度沉思咁,而細孖就成日依依哦哦,好似好多咀好想講o野,好得意呢!!!
是晚o係孖仔屋企食住家飯,伯母煮o左八味食送,好犀利呀!!
一個月大的初生BB，頸部很脆弱，所以抱的時候，要用手掌托住頸和頭，另一隻手要托住BB的patpat
回覆刪除咦?你好似好有經驗咁o既??? 我o個日都見BB媽咪成日都有托住BB頭頸呀,d BB爸爸都猛話BB太軟,所以都唔敢同佢o地沖涼呀!!!! 唉也,今日又唔記得o係公司copy d BB相番o黎post喇,大家唯有再等o下先啦!!
回覆刪除好得意喎. 我同事屋企都有對孖仔 (已經10歲), 但細孖高大孖成個頭咁多!!
回覆刪除feonko姐：我的工作性質讓我可以抱很多bb，有孕婦、有bb、有小孩、有兒童.....好熱鬧的。 而且我喜歡bb ma.... 哈~~我讀心理學都係因為我想了解一個bb成長至成人階段的心理變化。 所以原先想讀兒童心理學，但入學時轉左...
回覆刪除