驚魂

天朗氣清,心情大靚,今日約o左honey飲茶,然後二人世界去旺角行街shopping拍拖...嘻,等我悉心打扮o下先...um...話時話,我已經好一排無化粧出街喇,等我襯今日拎部相機俾人之前把握機會影番張靚相先!!!!...咔擦!!　

黑白娃娃裝襯埋黑白陰陽背景,我好滿意呢張自家製作品呢!!!

等齊人飲茶,今日氣氛良好,嘻!!!!飲完茶同Honey出旺角,原先都好happy,仲第一次分開行街,皆因honey'好'書局,而我就想去買我訓覺必備o既眼罩,於是決定電聯會合,點知...

我沿住女人街行呀行,咦,點解搵極都唔見我買開眼罩o個間o野o既??於是咪諗住打俾honey叫佢去女人街搵我囉,點知我搵搵搵,差d成個袋反轉都唔見我部手機o既?????我個心登時涼了一截,唔通我俾人偷o左電話??銀包呢,仲係袋無被偷吧??定係我漏低o左部手機係某度??漏o係邊度???第一次同honey分開行街,honey識唔識搵番我??孤伶伶行呀行,好驚呀,差d急到喊...

沿路行番去書局搵honey,忽然諗起我最後用部手機係o係酒樓...um...當時我用完好似就咁放係袋面而無放入袋呢,一定係我走時一企起身跌o左落地喇!!!...越諗越肯定,差唔多六七成肯定電話唔係俾人偷o左,途中見到賣眼罩間舖,我竟然仲有心機買埋眼罩先搵honey呢!!!

戰戰競兢行上書局,好驚上到去見唔到honey,如果honey唔係度一定係去o左搵我,但我沿路都無見到honey呀,要我呢個路痴o係旺角街頭搵Honey,真係談何容易!!!好彩,honey大大個企係書局,我當然即刻撲埋去講佢知我唔見o左手機啦!!Honey一聽大驚,即刻打我電話,但我手機無人聽呀,於是Honey再打去酒樓,然後再打上台打算cut電話,正o係呢個時候酒樓回電,太好喇,原來真係漏低o係酒樓...呼~好彩o者!!!!

我自問記性好有手尾,估唔到我都有老貓燒鬚o既一日...honey當然有瘀我啦,不過佢其實都試過唔見電話,所以都唔笑得我好耐,嘻!!!!不過講真,能夠有機會見到honey o係我慌張o既時候緊張地幫我,我真係覺得好開心o架,而且是次驚魂只係虛驚一場,我仲可以襯機撒o下嬌,嘻...今次經歷都算值得回味o既!!!(當然provided that 我無真係唔見手機啦,如果唔係我一定喊咁口,寧願唔回味honey對我o既緊張喇!!!)

肯定手機去向後,我同Honey繼續開開心心shopping,honey點頭下我又有收獲喇,嘻!!!之後仲撞到karen同肥培,原來佢o地約o左沙煲同athena唱K呀,真係好想去(我半年無唱過K喇!),可惜honey佢唔鍾意唱,所以我都無去,今日honey係我恩人,我又點會咁衰唔陪honey食飯自己走去玩喎!!!

我同honey搵地方食晚飯,難得我猜贏,點知間大牌粉麵店坐滿人,店員連眼尾都無望o下我o地,又唔招呼,於是我o地無奈離去,最後去o左東大門等位,九點半食到十一點,今日先發現呢度除o左d燒烤好味外,原來炸饅頭同腐竹蛋糖水都好正,而且個經理又好人又細心,服務好好呢!!!!

回程,坐亡命小巴番去酒樓拎手機,終於拎番部機o係手,了結o左呢場遺失電話驚魂,'失而復得'o既感覺原來係咁o架!!