晚飯後媽咪俾我睇佢買俾我o既一對便服鞋(我媽隻腳同我一樣大,所以可以幫我買鞋!),個款好靚呀,可惜...一試上腳太窄太細了,頂住腳尖,跟據自己番工經驗,一定會著到好痛!!!媽媽話佢有幫我試大一個size,但太鬆,加了鞋墊仲係會甩鞋,所以幫我買了細o個對...噢...但我試完又試,都係覺得我無可能著住呢對細鞋走多過十分鐘路呢,所以叫媽媽拎番對鞋去鞋店換,但係,原來呢對鞋係特價貨品,單據上寫明不能更換...噢...點算呀,我睇得出我媽媽好失望呢...如果係鞋款我唔鍾意就話可以扮鍾意tum媽咪開心,但size唔o岩真的不能夾硬著去扮o岩著呀,令媽咪失望好唔好意思呢...我都唔知可以點做好...
Anyway,媽咪聽日應該會拎對鞋去嘗試換,希望佢成功換到啦,我真係好唔想白費我媽的一番心意呀!!!!
你或你媽可以得閒時喺屋企著鬆d, 又或如果對鞋既質地可以"掙"到 (eg皮), 可以拎去鞋店有個假腳可以"掙"大少少! 初時避免行遠街, 又或加對絲襪應該好d掛...
回覆刪除可以拎返去鞋舖叫佢用鞋掙...掙鬆d對鞋架~~ (but唔係間間shop都會有鞋掙係度~ 同埋最旺既時間去, 佢地都唔會點幫你整~~ 所以我諗係非繁忙時間去會好d!)
回覆刪除auntie 真係好好呀 簡直無微不至 我阿媽唔敢買野畀我架 因為佢知我多數會唔鍾意~~
回覆刪除我媽都唔會幫我買野架......買親我都唔太like
回覆刪除太好喇,多謝大家關心呀,我媽終於換到大一個size喇,著落後踭雖然有鬆脫o既危機,但總好過頂趾呢!!!!! 哈哈,係呀,我媽成日都會忍唔住幫我買衫o架,但係鞋就係第一次呢!!!!!嘻,因為我媽好update o架,反而會成日話我d taste 師奶添呀,所以我好信我媽眼光o架!!!!!
回覆刪除