深情密碼

我終於以三個月時間睇完'深情密碼'喇...老實講,若果唔係同事再三推介並主動借DVD俾我,我真係唔會睇呢套台劇,特別係主角之一有我零好感o既許志安呢!!

至於睇完之後...當然唔覺得好似同事講到咁感動啦,不過,都比相像中好睇,感動位係有o既,不過節奏太慢,特別係開頭,由於成個人都未投入到去睇套劇,所以完全無'追'睇o既興趣,簡直係'捱',唔係睇在同事盛意推介,應該一早放棄o左!!!

至於個故事,都幾感人,對於患有絕證o既主角o黎講,絕對係'大團圓'結局,因為佢係自己生命最後階段能夠盡情去愛,的確算係一種幸福!!!

角色方面,成個劇入面我覺得演仔仔阿媽o個位女士做得最好,中段演'明戀'總經理o既'美女至玲'都好搞笑,令劇集生息不少!!至於女主角韓星朴恩惠都唔錯,言語不通下都可以拍到都幾難呢!!不過呢,每次拍佢近鏡,我都會不自覺咁去研究佢個樣,因為我睇o黎睇去都唔知define佢做靚定唔靚好,話靚咩?又好似唔係(我細佬曾經話覺得佢似男人!)!話唔靚咩?又唔係喎,因為佢好似散發住一種好特別o既氣質,令我不自覺不斷望住佢個樣呢!!至於仔仔,都係一貫o既憂鬱靚仔型像,OK啦,而許志安呢...我有偏見,俾唔到客觀評語喎,哈哈!!!!