劉海

一早去番髮型屋剪番d碎陰,但因為我無帶相去,最終佢剪出o黎o既都唔係我想要o既...(講真,自己又係衰o既,做乜唔帶相去...),但當刻頭髮已經被剪得過短,為免又叫師傅幫我剪劉海咁煩,最終我決定俾我媽幫我操刀!!!!

其實中五之前我都留有劉海,d劉海一長過眼眉我媽就會幫我修短,唔使成日去髮型屋!!!不過自中六開始我就留長o左d陰,就算有劉海都係去髮型屋剪,都好少再有機會叫我媽幫我修剪頭髮,所以今日我叫我媽'出山',佢好唔願意,猛話自己剪得無髮型屋咁靚...結果o係我再三要求下,佢先肯出手!!!!

剪完喇,一望自己,嘩,好似番o左中學時代咁,哈哈,完全係以前個feel呢!!!我都好耐無試過有劉海喇,配埋個曲髮,而家個look即刻新鮮好多,哈哈,好滿意!!!!

Thank you Mum!!!

===========================================

唉,星期六放假,MSN list上所有朋友都係Offline,只有我一個online...點解放假我要孤伶伶一個人係屋企o既???

等呀等,九點終於等到honey放工喇,我o地去o左御八築地食,呢間日本o野好多人排隊,所以都想試好耐o架喇,今日食完都覺得幾好味,d份量算多,而且幾新鮮,食完仲有張九折coupon,等我下星期帶屋企人食先!!