火燒喉嚨

又完成一張BB賀卡喇,今次由於有多d時間做準備,所以比上次靚,我自己就特別鍾意o個條裙仔,仲特登留低試接o個條貼係公司個mon度做紀念,嘻!!!同事們見到張'增了值'o既賀卡都話'唔止值$80'(上次張貴卡!!!)

另外,今朝一早起身就火燒喉嚨咁喇,我真懷疑係咪尋日lunch食薑醋食得太多薑所至...

自己本身今日狀態已經差,下午飲完茶飯氣攻心,再加埋一份簡單,但麻煩o既task...今日簡直係我番工咁耐最辛苦o既一日呀,雙眼簡直想合埋...同事見我咁'可憐'都好好咁盡量話我知邊d'麻煩'唔使做,幫我減輕工作量,但今日實在太唔係狀態,結果今日都做唔到好多o野...唉...

放工去打壁球,之前先同agnes同may食米線,本來好想試小辣,但喉嚨通無法啦,只可以食清清o地!!!之後打波,我同may都病病o地,大家都唔願走去追波,打o左大半個鐘先開始feel到自己熱好身呢!!!不過好彩今日又打到個半鐘,未至於熱好身就無得打咁慘,下次一定要早少少去熱身好d,爭取多d時間走動!!!!

回程...噢...實太在支力喇,希望聽日個喉嚨唔好咁痛啦,好辛苦呢!!!