雖然去隻眼好痛,但都無影響我同我媽去旺角shopping o既興志,只係一條短短o既花園街就已經行o左兩個幾鐘三個鐘,認真勵害,哈哈!!!我今日買o左一條裙一件背心同一頂頭'QOO',因為好似話今年興呢,所以$18平平o地買o黎玩o下!!!本來我仲睇中一條短牛仔褲,但無我碼,所以被迫放棄!!!Shopping完我o地番到屋企都成四點半囉,好耐無試過陪我媽shopping咁盡興,大家都有收獲,好happy呢!!!!
======================================
睇報紙見到今年下半年紅館好多show呀,想睇o既有八月尾o既草蜢,九月初o既Jolin,同十二月o既Rain呀,嘩,好忙呀!!!!
=======================================
仲有仲有,今日收到我細路係法國寄o黎o既電郵呀!!
今季真係興頭qoo呢~ 叫你細路寄postcard回家吧
回覆刪除希望你隻眼快d好番啦﹗ shopping 好開心呀﹗
回覆刪除To Menu: 本來我仲想買吊帶工人褲,今年好似好興,但照鏡時覺得好似好細路女咁,最終無買!!!!其實前見日行街都聽到有個幼稚園小朋友同佢試緊工人褲o既媽媽講"我記得我細個時都著過呢種衫",感覺好好笑,似乎呢種工人褲都幾蝦人著!!! To Monchhichi (咦?係咪多o左個h字???): 今朝訓醒好少少喇,無尋日咁腫痛,但隻眼好似睜唔大咁,哈,變細o左...
回覆刪除咁醫生話妳隻眼做咩咁呀!係唔係細菌感染呀! 定還是洗隱影眼鏡既藥水有問題呀!呢排成日發生呢d事! 咁大個女捽眼，真係俾你激死人呀!
回覆刪除醫生話發炎呀,開o左d消炎藥同眼藥水眼藥膏,我估真係我隻手唔乾淨捽眼搞成咁呢!!!!今日我照樣出去陪我媽食lunch,但好怕俾街坊見到我個樣,哈,睇怕聽日都係帶番太陽眼鏡遮一遮好d!!!
回覆刪除我副太陽眼鏡都未用過tim，你隻眼唔舒服，帶太陽眼鏡都好呀，protective d! 叫你細佬寄postcard啦，去到邊寄到邊，好似一個journey record呀!
回覆刪除小心啊, 眼睛你靈魂之窗呢啊, 今日好返D未啊? 記住我哋紅館嘅約會啊!! 點解我日日睇報紙都見唔到呢段新聞嘅!! 妳細佬係法國讀書傢??
回覆刪除To 仙廸: 今日又收到我細佬電郵喇,我覆o左叫佢寄postcard 番o黎呢,哈,細佬去到咁遠用email通訊,感覺好得意呀,睇見佢文法唔o岩o既古怪英文,覺得佢好似可愛o左...哈... To 茄莉: 嘩,好開心你又留言俾我喇,電腦整番好未呀?公司忙唔忙呀???我隻眼今日再好番d喇,無咁紅,不過仲有少少腫,好似俾人打咁,哈...估計聽日父親節應該消腫喇o卦... 我係o係明報睇o架,明報每星期四個娛樂版會有專題,咁o岩o個日佢就講紅館下半年有咩show,仲寫晒出o黎,好似話草蜢大約會由31/8開三場呀,我當然記得約o左你啦!!! 我細佬其實係同佢d畢業同學去歐洲旅行,做電波少年...哈...去一個月零一個星期呀,由於佢出法前乜都唔知乜都理,加上今次係第一次有屋企成員離開屋企咁耐,所以屋企特別膽心,收到佢電郵令爸媽都份外開心囉,哈!!!
回覆刪除