有心思o既結局

火舞黃沙終於做完喇!!個結局幾好睇,睇到我好感動呢!!!!

其實成套劇我一路都有追,中間我估大約miss o左兩三集啦!!!我覺得套劇第一同最後呢集都拍得好好睇,睇得出編劇o既心思,黎姿同林保怡個角色大團圓,好似金枝欲孽延續咁,真係好感動...至於中段呢就普通啦,好多計謀,多到又亂又唔明,miss少少都唔明個角色做緊乜同為乜!!!其實呢套火舞黃沙算唔錯啦,但可能佢放成千萬去拍,d人又有好多expectation,所以先會有比預期差o既感覺吧...

P.S. 原來而家下午有多啦A夢睇,但大雄媽媽把聲唔同o左呢~