尋日用新手機影底o既半晴半雨天氣!!
今朝miss o左個無來電顯示o既電話,搞到我日思夜想係咪interview電話,好驚佢唔會再打o黎,我已經成三個多星期無in咁滯(前幾日係朋友幫手安排所以唔計!),連朋友們都為我著緊,仲幫我睇resume同cover letter有無唔妥,無理由會無電話...!!!可能係暑假,好多job被暑期工取代吧...唯有咁樣安慰自己啦!!...好彩,皇天不負有心人,心掛掛o左成朝後我係下三點幾又收到個無來電顯示o既電話,原來真係約我interview呀,實在謝天謝地,不過我聽朝要一早出門口呢,由新界北走到香港南區到黃竹坑,好遠呀!!!!!!希望明天順利!!!
另外,今日繼續係屋企玩電話,裝o左好多o野,仲為呢部醜小鴨貼花花裝飾扮靚靚,哈!!
我同你情況一樣, 接近一個月冇見工了, 幾日前返o左 2 日散工, 去會展珠寶展幫一個來自日本o既參展商翻譯 (老闆係印度人, 客戶係大陸人), 簡直係大打雜, 體力勞動, sell o野, 清潔, 乜都要做. 仲有因為大陸客及印度老闆都喜歡食煙, 所以我都吸入唔少二手煙, 唔知點解, 一見到人食煙, 我都好怕自己個肺都變黑色, 極需要進行 "內部清理大工程". 而家我日日飲菊花杞子茶調理身體, 似乎排毒效果唔錯, 利尿 & 排宿便.
回覆刪除不過所謂 sell o野, 我都甚少參與, 因為我始終冇o個種性格, 明明o的 product 有問題 (好易一眼見晒), 要掩蓋良心的話, 我真係講唔出口呢, 所以老闆 & 老闆娘成日都鬧我!
回覆刪除短期工當見識o下,哈!!我自己都有去會展sell o野o既經驗,不過好彩有promotor,自己唔使點sell!! 我都唔知點解會無interview,連朋友都替我肉緊!!佢仲俾o左唔少comment我,著我改改我resume,因為佢覺得我resume一味多資料,但其實當中唔係樣樣有用,亦令我某些優勝條件無法突出...最搞笑係佢認為最最最最最大問題係我resume上的相片,佢話我張相太baby fat,好似好細路女,俾唔到人獨立成熟感覺,叫我搵張好d o既!!!哈!!!希望我改o左resume 後對我搵工有幫助啦!!!
回覆刪除