2006年5月31日 星期三
2006年5月30日 星期二
2006年5月29日 星期一
宮궁
睇完24集"宮궁"喇,都幾好睇,我覺得全劇最吸引之處並非男女主角o既愛情,而係宮入面o既皇室鬥爭,當然,呢d鬥爭都係惡毒太后娘娘自作孽搞出o黎,最後都係童話式咁大團圓結局啦!!!!
成套劇我最欣賞係佢o既意念,竟然諗出"現代韓國皇室",想信大家都知現今仲有皇室o既國家中,比較熟o既係英國同日本,韓國而家並無皇室,但此劇就將韓國消失了o既皇宮、皇帝、太子、太子妃、尚宮等等活現人前,充滿清春氣息o既主角們,再加上靚靚o既宮廷景色同傳統服飾同富現代感o既宮廷靚衫,令成套劇都好鮮艷奪目!仲有太子大婚,皇室緋/醜聞,爭權奪位o既情節,好似真係有個受民眾擁戴o既韓國皇室咁!!將英國皇室本地化,結合傳統同現代,展現歷史文化但又能突破古裝劇框框,仲滿足埋現代少女夢想做太子妃o既白日夢(太子娶o既係平民女主角),諗呢個漫畫(此劇改編只漫畫)出o黎o既真係有創意!!!!若果照樣用呢個意念,應用係中國,唔知又會點呢? 內容方面,頭四集我個人覺得比較悶,可能因為主要講平民女角嫁入皇室,要交代好多皇室法規,所以令我睇到想訓o既感覺,但之後男女角開始培養出感情,又有情敵出現,仲導致皇室醜聞,劇情開始緊湊,不過氣氛仍然輕鬆,直到最後幾集醜聞實在太多,皇室o既法規令劇情都沉重晒,令本來患"明朗病"o既女角都灰沉埋!!!!結局係澳門取景,雖然係大團圓,但我覺得隨住女主角思想變得成熟,結局氣氛並無回複番中段輕鬆o既感覺,呢個似乎係少少遺憾呢!!!! 成套劇四位主角都充滿清春活力,特別係女主角尹恩惠(右二),雖然唔靚,但角色討好!而男主角朱智勲(左二)其實都唔多靚仔,但樣夠冷酷,幾似王太子!第二男主角金政勲(右一)反而幾靚仔,特別係故事前半段未染黑頭髮變薯嘜前!而女配角宋和孝(左一)其實戲份唔多,後半段無晒戲份,反而唔及做反派太后,皇上,皇后,太皇太后同尚宮搶眼!!!不過最搶眼應該係呢隻熊仔(見下圖)喇!!!因為每集片尾預告片前呢隻熊仔都會演譯番該集o既重點情節,開頭我都唔覺有乜特別,睇得多都覺得咁榚幾新鮮!!原來韓國人係"熊"的傳人,所以呢隻熊仔演譯番皇室o既事好有代表性,劇集出街後,呢隻熊仔係韓國都紅埋,好好賣呢!!!http://www.imbc.com/broad/tv/drama/gung/
再努力
===========================================
上星期大番間公司轉頭,今日下午收到對方來電回覆話加唔到1K俾我,就係咁,我reject o左個offer喇,咁大個女第一次reject人offer,仲要係一間國際知名o既大公司,我都有懷疑過自己咁做係咪真係好浪費,不過諗真d,既然我apply呢份工時只係抱住見係大公司而姑且一試o既心態,本身其實好清楚知道自己無心係marketing發展,就算俾我入到,只可以話可以生活安定,但想升職睇怕無乜可能,因為我既然唔鍾意做marketing,又點會有心機做好呢?到時又要再轉工其實仲麻煩,對我career development又無幫助,到時就唔係我浪費呢個機會,而係呢個機會浪費我時間!!!!!!
噢,o岩o岩諗住整理自己思想再努力搵工,點知該公司一位職員打o黎(我上星期三interview時遇見的,並好無奈又唔知點推卻咁俾o左我電話對方...)問我點解唔入,仲話我當時唔係決定係唔係都做住先,仲話同佢講好o左(我o地一面之緣,唔好講到我應承你咁喇...)...由於呢位職員係manager grade,佢叫我諗清楚,唔好浪費機會,仲話我想改變主意佢可以幫我同HR兜番...而家又令我思緒混亂番,我似乎又要問多d朋友,吸收多d唔同見解先得喇....Oh...no no no,唔係意見,我似乎係要一d support o既說話,等我可以確定自己決定係正確...
============================================
夜晚約o左舊同事食飯,有V, A同Y,今次B又唔得閒出o黎喇,好耐無見呢!!!!今晚去o左潮樓食潮州食菜,食完後我o地又好似以前咁嘻哈大笑,雖然我同V離開都差唔多一年,但估唔到公司變化不大,我o地依然可以聽到好多熟識o既人同事,話晒都係我第一份工,份外有親切感!!!我都有就自己搵工問題問比較有經驗o既同事A,咁o岩佢識得之刖做我有offer個位o既大公司職員,一問之下先知大公司四月應該已請了人,但對方五月走,而佢o既意見係"未做過大公司就入去見識o下"!!!似乎d意見都唔太正面,終於對今次決定有番d信心喇!!!!
2006年5月28日 星期日
2006年5月27日 星期六
好想剪髮
唱完K後,我會合我honey,本來諗仲出去睇戲,但又落大雨,而且我o地本身無戲特別想睇,所以最後只係行o左陣就各自番屋企lu!!!!其間我Honey勾起我想去深圳剪髮o既念頭,因為佢話上面d飛髮舖會好有心機幫你按頭,我都想試o下唔使俾太貴,都有五星級享受o既剪髮服務!!!!我把頭髮而家應該係我出生以來最長o既時刻呢,好想把心一橫剪短五六吋呢!!!!
2006年5月25日 星期四
賭氣
不過我知道呢個態度其實唔多應該,無理由踏入社會做事仲好似小朋友咁扭計賭氣嘛,只係睇在呢個offer o既重要性不高,加上我認為我唔止佢offer o既價值,所以先賭氣一次咁多,放心,我唔會亂咁拎自己前途o黎賭o既!!!!!
====================================
成個下午都無電話打番o黎喇,算啦,再努力搵工,今次我都係focus搵o岩自己性格/興趣o既好d!!!!Aza Aza Fighting!!另外,今日終於打o左封thank you letter俾我想做o個份間公司,仲attach o左我之前做o既功課俾對方做reference,因為我覺得d功課完全就係呢份job o既工作o既簡單版version,希望佢o地會覺得我更適合佢o地啦!!!!再者,我係email中都有提我有offer,希望佢o地盡快再同我聯絡就好喇!!!!
呢份工無o左...我一定會大嘆走寶,仲可能好傷心都似...
====================================
多得Cindy提醒我先知今日出我final semester o既成績!!!!我都唔知點解讀呢份part-time一d都唔在意d成績,我對上一個學期都係o係個成績出o左成個月後我先知有得check...o岩o岩見到我final project有B+,其實我覺得我做得麻麻(大家都知我只係臨尾衝,咁趕,好極有限!),所以幾喜出望外,反而我同group mate 做得好有心機,present時都俾lecturer 讚o既group project得B喎....
2006年5月24日 星期三
嘻嘻哈哈食咖喱
今晚出席人數係7人(大姐會有10人),無錯,又係7個,成日都係咁o既!!由於上次見面已經係三月初,所以大家都好一段時間無見,今晚個個又可以一齊吱吱喳喳嘻哈大笑,特別熱鬧,好開心呢!!!!今次見面大家都有追問我搵工情形,老實講,近排朋友/blog友都好熱心幫我,我真係好感動,覺得自己好似變o左電車男咁...哈哈,真係好多謝大家咁關心呢!!!!!其實除o左我,Betty,Clok,Cindy都正計劃或將會有新開始喇,睇見個個都更上一層樓,真係好喇,我都要加把勁!!!!
食完飯Betty同Karen就派佢o地去雲南旅行買o既手信俾大家,手信係一個富民族色彩o既掛飾,上面寫住d象形文字,(好似係來自世上(?)/中國(?)唯一仲保留象形文字o既民族o既),我抽到o個個寫住"天天開心",無錯,呢樣o野真係好重要,希望我都做到天天開心,哈!!!之後,Cindy同我o地玩o左個簡單o既九型人格測驗,聽聞幾準,但我o地玩o既係簡單version,經分析,我係九號人格:
第九型-和平追隨者（和平型）：和平型的人性顯得十分溫和，不喜歡與人起衝突，不自誇、不愛出風頭，個性淡薄。想要和人和諧相處，避開所有的衝突與緊張，希望事物能維持美好的現狀。忽視會讓自己不愉快的事物，並儘可能讓自己保持平穩、平靜。一般的和平型有以下特質：
溫和友善
忍耐、隨和
怕競爭
無法集中注意力，有時像夢遊
不到最後一分鐘不會完工
非常倚賴別人的提醒
注意力集中在細節、次要的事
對大多數事物沒有多大的興趣
不喜歡被人支配
絕不直接表達不滿，只是陽奉陰違
當有壓力時，會變得被動、倔強、頑固甚至憤怒地還擊
到他們發怒時，可能已是相隔了一段時間，他自己也可能無法確定真正的原因。
最後,我借我收到o既手信祝有睇我blog o既朋友們都"天天開心"啦!!!!
Career Path續篇2-打敗仗
尋晚訓得唔好,可能個腦成日諗住今日點bargain啦,精神唔太好,頭重重,同媽咪lunch後就prepare今日interview!!!由於夜晚約o左好姊妹食飯,所以我提早十五分鐘到達,希望盡快完成interview,點知想快但結果得個慢,仲要由5:45等到6:35 Manager(上次Interview那女人)先現身,原來佢俾大老細捉住開會走唔開!!!!
場仗開始喇,首先我先禮後兵,多謝對方俾我offer,然後我就解譯我另一邊offer o既大約程況,由於另一份offer比較特別,為免佢很易有渠道得知此工作的待遇詳情,我沒有俾太深入o既資料Manager,只約略說那是一份比較back end及貼近business analysis o既工作!!!接下來,對方便連珠炮發咁"客觀"分析呢個offer o既發展及比另一個offer好o既地方!!!!工作發展方面,主要由web master => assistant online marketing manager => manager; 工作性質就主要係web update及propose可配合marketing program或做到marketing作用o既 website function/features/program; 此offer優勝之處係著重大方向, 行頭亦闊, 加上係大brand,所以比business analysis 只著重micro o既analysis更實際, 最後,對方指出兩份工性質有別,關鍵在我性格及career target上!!!被對方連珠炮發咁"客觀"分析後,我開始唔多識應對喇,因為佢o既分析當中有我未想到的要點,加上我為免說錯性格及career target而令自己失去此offer,所以我一時間未能提供另一份工作比此offer好而強而有力o既理由...整場仗中,我可以話係被對方牽住走...
由於我未能令對方認同我另一個offer較吸引,所以佢接住指出佢唔認為我會為大約$500 o既人工difference而reject呢個offer...但佢亦口頭上敷衍我話會相量o下...最後,我話我星期一俾答覆,佢話太遲,於是我答應了星期五lunch俾答覆...嗚...我好失敗呀,點解我唔話人o地俾好高人工我,而家咁坦白只講高幾百元,又無能力說服對方人o地offer條件比呢份好...我明明好用心prepare個interview o架嘛,咁都fight 唔到更好待遇,仲要比對方強更態度食住,我真係好stupid,好stupid!!!!!!
而家恨錯難返,怪只怪我一向唔多識同人bargain,唉...但今日interview後,我只有更肯定自己喜歡尋日那份工作性質,加上今日manager曾說過"欣賞我咁認真看待這offer,但而家唔係決定結婚嫁人,唔使效慮咁耐",令我心裡唔多好受,唉...anyway,我現正打算俾一個類似這樣o既答覆:
"如果salary可以加1K,我便accept offer"
唔知咁樣好唔好呢????
2006年5月23日 星期二
Career Path續篇1-正傳
終於等到interview喇,頭一個鐘係填表及written test,份written test應該做得麻麻o地吧!!!!及後大半小時,HR小姐就同我以英語進行interview,英文說話能力我向來不足,都窒得好勁o下...不過我有信心其後的普通話應該可以為我的英文補番d分吧...!!!!由於尋晚睇到mini Person迷你人給我的寶貴意見,最後我把握了機會問了很多有關工作詳情o既問題,可能detail到HR招架不住吧...當然亦可能佢感到我對呢份工非常有誠意,所以佢即時安排我到位於附近大廈的office與manager進行更詳細o既2nd interview!!一in,就in o左接近兩小時,原來認真上來,見工的時間過得咁快!!!!份工大約係咁:
我apply o既職位原本係Assistant Technical Analyst,但原來公司覺得我background更適合佢o地正打算新請的職位,於是安排我面試,了解我對這新職位有否興趣!!我原先申請的職位比較technical,有點貼近我第二份工,即要寫一份functional specification給programmer, 興趣我依然有,但公司似乎覺得我computer background不太足夠及全面,所以如果我要堅持申請,我獲取錄的機會未必太高!!!至於新職位,其實比較少technical的東西,反而著重更前期的工作,好似business analysis及research,然後base on搵到o既資料design 一d I.T Solution,佢o地認為我曾做marketing,亦認為我的undergrad及master study對此職位有幫助!!而我自己就認為呢個係一個大挑戰,因為此職位講求business sense(此sense似乎有別平時講求賺錢,講求budget的那種,所以我唔討厭),呢方面我一向較弱(可以話無乜...),我有少少膽心自己能力足唔足夠!!!但另一方面,我深知analysis呢一part其實係成個design最重要一個範圍,呢點連我final project個supervisor亦有忠告過我,提醒我多注意及著重,不要只停留在technical 的層次,所以我覺得呢個新職位對我個人發展應該很有幫助!!!!!
我對此工興趣極大,但...問題來了,manager同我講新職位的job ad今日先post上網,由於可能還有更多人apply,所以要有進一步消息,最快要兩星期,甚至更耐...但我手頭上的offer卻急著要我下決定!!!今日我interview完後打去我有offer的公司,要求人工可否稍作調整,理由是我有另一間公司很有機會給我offer而對方待遇更好,結果HR認為我應當面同第二次見面的manager相討,所以安排聽日再見面,唉...聽朝要用心預備很多問題及excuse了!!!事實上此offer已經變為水泡了,但個水泡迫我快下決定,認真煩,怪只怪我要求加薪唔應該以有第二個Offer為excuse,扮晒自己二揀一都揀水泡,到時抱棄水泡,只會令我變得"無信用",處事唔成熟...而且,由於我未必有今日的offer,我始終可能要長期攬住呢個水泡,我聽日真係要打醒十二分精神,唔可以令對方對我印像變差...唉...進退兩難,help...
兩點interview,七點多才回到家,很累...連呢篇日記都打到一點...好誇,聽日仲要prepare interview,估唔到放假都可以咁忙...要訓番覺好先得!!!
P.S.我想特別鳴謝mini Person迷你人, 無佢o既提議及忠告,我今日未必識把握機會問咁多問題,你的見解真的對我很有幫助,多謝你呢!!!
Career Path續篇1-前傳
十一點多,首先陪我媽咪出沙田食雲南菜,間舖頭新出o左個香茜桂花魚片米線,睇見好多人叫,於是我o地都試o左,的確唔錯!!!之後我就出發去面試地點~灣仔!!!由於我預o左充足時間,距離面試時間還有五十分鐘已經抵達尖沙咀,所以我決定坐船,點知花了半個鐘有多先去到目的地,時間雖然o岩o岩好,但感覺好險!!!
上到接待處,坐了十五分鐘有多都無人理我,眼見越o黎越多西裝骨骨o既visitor來到reception,估計係公司的客戶被繳上來開大會吧!!!其中有兩位韓國男人,因為reception嬸嬸(她看來至少五十來歲了)正忙著,所以只好先坐在我旁邊等,正打算自學韓文的我自己有留心聽啦,但當然我係乜都聽唔明,哈哈...正係呢個時候,驚人o既事發生喇~~~reception嬸嬸用韓文問兩位找誰,來自那間公司(世界真少,呢兩位男士正正來自我尋日收到offer那公司!!!!),並指示他們要到的辨公室在那裡(我的程度足夠猜到呢類簡單問題o既大約意思o既...)!!!招待完兩位後,又有另一位男士進入reception,reception嬸嬸聽到男士說的口音,主動問佢係咪韓國人,然後雙方又進行簡單的對答,我大約猜到係大家互相打招呼,男士讚嬸嬸韓文好,嬸嬸謙虛說自己學了多久之類...待男士走了後,我忍唔住同嬸嬸傾計,讚佢好叻,傾談下發現佢學了韓文六年了,花了很多錢,所以每次遇到外國客人,佢都會盡量以學來的韓文同佢o地交流,不亦樂乎!!!!!除韓文外,佢還會日文,至於英文,普通話當然不能不會啦,因為公司常常需要接待外國客戶!!!!嘩,在我眼中職位似係小小的一個reception,原來都真的不簡單,很有臥虎藏龍o既感覺,佢終身學習o既積極態度好值得人學習!!!!
2006年5月22日 星期一
被出賣的遊戲
呢個遊戲名真係...
我唔想再玩喇...
遊戲規則：
被點名者，在自己blog上寫下答案，並加一個題目，然後把題目丟給另外2個人，但不可回傳，並且到這些人的留言版上留下："你被點名了。"這人在自己的blog引用欄裡注明是從哪一個blogger那裏傳來的題目，然後寫下答案，並另寫一個問題，再去貼另外一個人。比如你自己回答14個題目，你回答完了再加一個，被你點名的就要回答15個題目，如此繼續下去.
來自：仙廸
辛追 ＝＞ 多情 ＝＞ 和 ＝＞ 鷹 ＝＞ Charles ＝＞ vis ＝＞ Virginia＝＞ 婉君表妹 ＝＞cha cha => Winnie Anastasia ＝＞仙廸＝＞feonko
提問1：2006年，你的野心是什麼！
回答：搵份好工,清理推積如山的小事
提問2：如果你可以變成動漫/卡通裏的角色，你想變成誰，說出原因
回答：幻法雙子星入面o既友美,勾o下手指就可以移形換影,去旅行好方便
提問3：如果重新讓你選擇一次已經過完的這段人生，你會想從什麼時候開始？換句話說，你對自己什麼階段最後悔，想重新來過？
回答：中五選科的時侯，重選我會選Bio唔選Pure Maths
提問4：你最後一次發自內心的笑是什麼時候？
回答：唔知喎,同honey一齊時??
提問5：你睡前最後一個念頭是什麼？
回答：尋晚就一斷諗住點準備今日見工面試
提問6：另一半如果出軌的話，你會怎麼做？
回答：唔睬佢
提問7：你生命中最重要的到底是什麼？
回答：平凡咁過
提問8：如果世界即將滅亡，你會如何渡過生命的最後一天？
回答：同最愛o既人(家人,朋友,男友)食飯
提問9：如果世上只有一件物品能夠陪你入土,你會選擇什麼?
回答：人都死了,無所謂啦!
提問10：你的癖好是什麼,至少說出兩個
回答：沖完涼死都唔肯出街,鍾意執o野,乜都執一餐
提問11：你在想什麼?
回答：想待會見工面試順順利利
提問12：你最崇拜的人物是誰，為什麼？
回答：父母
提問13：給你許個願望。你會許什麼
回答：快d發達唔使做
提問14：你最近的怨念是什麼..
回答：無
提問15：有什麼好歌介紹麼?
回答：無
提問16：初吻在什麼情況下失去的？請詳述之。
回答：邊有咁易話你知呀!
問題１７：說出第一次夢遺感覺。(男性回答) ，說出第一次夢到與男生纏綿的感受。（女性回答）
回答： 嘩,呢條問題咁o架,我諗係人都會開心又怕羞啦
問題18：請說出一句您會向您所愛的人說的示愛說話（字數不得小於２０個中文字）。
回答：示愛...梗係等人同我示啦…
問題19: 您為何會選擇他／她做您的男／女朋友 或 您的丈夫／妻子呢？（冇原因？都要講一個原因）． 回答：因為他吸引了我的眼睛
問題20 : 如果你的愛人時常都有口臭,你會怎辦?
回答：迫佢成日食薄荷糖
問題21 : 要你埋一樣物件係一棵百年樹下,而它可以慢慢生長既,你會埋d乜野落去呢?
回答：橡樹,好似龍貓入面一樣,整個橡樹森林
問題22 : 如果比你重新選擇既，你想做男人定女人？(原因係咩？)
回答：曾諗過做男人，但而家都係覺得女人有得俾人鍚好d,而且唔好忘記香港女人地位越o黎越高,醒過好多男人,哈
問題23: 有乜o野係你一生人之中, 一定要完成ge夢想
回答：同鍾意o既人白頭到老
問題24：若果你可以將你身體其中一個部分改善，會改邊個部位？
回答：眼，唔要黑眼圈
問題25：你們夢想的婚禮會是怎樣?
回答：要係教堂入面行禮....(最衰我o地都唔係教徒...),婚紗相要到外地的陽光與海灘拍攝
問題26︰你希望幾多歲退休呀?
回答：只要有足夠米,我隨時可以退休
我的問題: 過得最難忘o既一個日子係點o架?
點名: Bess, Emily
2006年5月21日 星期日
Career Path上o既指路燈
早幾日睇mini Person 迷你人 的日記,得知佢technical writer o既路上已經得到三個offer了,作為跟她一樣,以usability 作career target o既我真替佢高興,因為佢幾個offer都跟她的理想很接近,而且亦有一定發展空間,好羡慕!!!!!!我睇佢日誌時,都吸收到唔少佢o既經驗之談,比較之下我的interview技巧真的有待改進,而且睇番自己,我而家apply o既工似乎跟user experience planner有出入,真想向她學習更多搵工技巧!!!!老實講,係佢身上彷彿好似睇到自己career path上o既指路燈呢!!!
今朝起床就收到我早前係IFC2見工那公司的offer,那HR詳細解譯了我獲得的salary package,計法有點複雜,大約如下:
Basic: $9,XXX
Lunch allowance: $XXX
Grade allowance: $XXX
Guarantee 13 months of basic salary
Performance bonus: 1 to 3 months of basic salary (base on Company annual income and my working performance)
Probation: 3 months (Medical and dental will be offered afterwards)
Sick leave: follow Labour Ordinance, will have paid sick leave only for more than 4 consecutive sick leaves (我其實唔多明呢點,唔知係咪即係無paid sick leave)
我答應o左對方聽日下午回覆,其實我對於那package不多滿意...因為個package入面o既lunch allowance唔知實情係咪真係入我袋呢,因為我個position係under marketing department,公事上同人食飯在所難免,真唔知度呢d飯錢係咪就係來自那筆lunch allowance而無得另外claim, 如果係,咁我o個筆數其實唔多secure呢...!!!!!而sick leave方面,似乎就似無paid sick leave喇,呢點真有點奇怪,或者大公司太多人乍病吧,真唔慣無paid sick leave...!!!!說到底,自問也是一個碩士畢業生,加上有一年工作經驗,這個offer的basic salary真令人不堪入目......
薪籌罷了,發展空間大的話也值吧!!!可惜我未能像mini Person 迷你人 那樣,找到與usability有關的工作,呢一份offer其實係一個under marketing department o既,負責manage香港區corporate website,包括daily updates及design能配合marketing program o既online ad(簡單的可以我自己做,如果係大型點o既online project就要分俾vendor做),另外亦可以initiate d新website function落個website,令website更全面!!!!雖然我本身對website design係有一定興趣,但由於職位低微,加上corporate website 既有一定format,工作上空間未必很大,亦不用期待我能得到專業的website usability design 訓練...大多只能學到website project o既workflow吧!!!另外,呢個職位係under marketing department, 跟我之前一份工極為相似,有了前一份工作的經驗,無錯我應該很快便上手,但亦因為有過往o既經驗,我認識到自己對marketing旳確興趣不大,亦沒有相關sense...所以,我真希望我能嘗試其它工種,特別係與computer science 關係密切o既工作!!!
至於前景,由於我見工時沒有機會發問,所以我都唔多清楚進升機會係點...但由於online marketing無疑只會得到更多公司重視,加上公司係知名國際品牌,相信對自己將來轉工有幫助,唯一缺點可能係o係大公司,創意可能受局限,反而不及小公司呢...
聽日我有另一份interview,係一間國際知名logistics公司(我唔sure,因為我對logistics 無認識,但佢網頁係咁講!),position係assistant Technical Analyst,工作性質著重e-business solution,prototype design及specification writing,照睇似乎係我可以design digital solution,然後俾programmer develop個system,這似乎更貼近usability,所以比較喜歡,唯獨我對logistics無認識,business analysis可能比較弱,明天的interview我似乎要加倍用心prepare了,亦要學mini Person 迷你人般查詢清楚工作詳情及發展,希望我快能像她一様順利吧!!!!
2006年5月20日 星期六
愛的大集合
參加者請複製以下兩項!(遊戲+規則)
●遊戲名稱：【愛的大集合】
●遊戲規則
1.必須發表一篇文章，把所有愛的問題都答出來
(問題請看指名你的那位朋友的網誌在複製過來寫就OK了)
2.寫完所有愛的問題後，自己加多一題，請點名５位的lucky朋友繼續串聯下去！
1 點我的人： mini Person 迷你人
2 寫出填寫日期吧： 21/5/2006
3 愛的食物︰ 薄荷朱古力/雪榚,我媽煲o既靚湯,橙汁,街邊小食,好多好多,無乜食物唔鍾意!!!
4 愛的音樂︰節奏明分,富節奏感o既,最好係中快版,唔太識欣賞慢歌,好像很悶似的!!
5 愛的地方︰大自然,屋企
6 愛的口頭禪︰"唔知呀!!"
7 愛的顏色︰綠色
8 愛的偶像︰비,王菲,小豬,草蜢,Jolin都唔錯
9 愛的甜食︰一時間諗唔到
10 愛的節目︰咩電視都鍾意睇,特別係日韓劇集,台灣綜藝節目
11 愛的書籍︰金庸武俠小說(我其實除金庸外,好似無乜睇書!)
12 愛的店︰無
13 愛的作家︰無, 我甚少看書
14 愛的唱作人︰無, 我認為好聽的就是了
15 愛的國家︰中國
16 愛的座右銘︰做事記緊要先苦後甜
17 愛的習慣︰update自家網頁,整wallpaper,收拾屋企/電腦檔案
18 愛的腔調︰有禮貌,不要說自以為是的說話
19 愛的是受還是攻︰嘻,看來被動的我似乎還會"攻"呢
20 愛的星座︰天蠍座,神秘莫測
21 愛的休閒︰在家裡休閒地邊亨住歌邊做自己喜歡的事
22 愛的個性︰率直, 不愛太高調的, 能夠保護我的
23 愛的女人︰媽咪細妹
24 愛的男人︰家中的是爸爸及細佬,家外是男友
25 愛的公仔︰龍貓, 麥嘜
26 愛的動作︰"Look"大雙眼??唔知呢
27 愛係點的︰甜密的,見少一刻都唔得,但又需要有私人空間的,真矛盾!!!
28 愛人地點對你︰真誠(我唔識分真心定假話,所以唔好騙我...我好易信人...)
29 愛的飲品︰橙汁,阿媽靚湯
30 愛的感覺︰幸福,甜蜜
31 愛的類型︰高大,最好有비的身形,很懂逗我笑o既
32 愛的朋友︰所有朋友
33 愛的承諾︰守信, 不要亂開空頭支票
35 愛的運動︰游泳,以前有打籃球呢
36 愛的人︰很多
37 愛的歌詞︰我聽歌很少留意歌詞!!!要數可能係"月亮下禱告"啦
38 愛的收藏品︰龍貓及天空之城精品,靚靚信封信紙
39 愛的工作︰工作...無乜...
40 愛的服飾︰Casual
41 愛的牌子︰無
42 愛的subject︰ 理科
43 愛的結果︰開心
44 愛的勇氣：唔明
45 愛的時間 : 自己獨處o既時間
46 愛的食肆：蔡潤記
47 愛的身材: 高大有肌肉,最好有비的身形
47 愛的人生: 有意義o既,對社會有貢獻o既,能廣為人欣賞o既
我的問題：愛的身體部位：雙眼
被點名的人: 仙廸, 落在我心的小雨, JOSIE, 午夜飛行, Menu
2006年5月19日 星期五
不屬於我o既地方
今日同媽咪細佬妹食完lunch後就出去IFC2 2nd in,我其實已經比見工時間早個半鐘出門口,點知塞車,嚇到我要打電話去講聲自己可能會遲到...不過好彩,最終我都準時到達!!!!今日有一男一女in我,個女o既好明顯係manager grade,一入o黎已經有令我窒息o既感覺,因為佢無乜笑容好cool!!!!成個interview就係呢位女o既主導,單刀直入,我無乜思考o既餘地,表現普普通通咋...相反,個男o既明顯林善d,我亦見到佢個樣好似好眼訓咁...如果我被請就係跟佢,都好d!!!!結果,我用三個鐘車程但只in o左十五分鐘,個女o既問晒佢想知o既o野就問個男有無補充,個男o既話無,之後女o既就對住我話"咁你番去等通知啦!"...個Interview完結之快你我有少少措手不及,因為我都係第一次Interview遇到唔問我"你有無咩想問?"o既interviewer!!!佢可能見我呆o左一呆,於是再一句"咁你番去等通知啦!",好似趕我走咁,真係咩信心都俾佢打沉晒...
In完,由於Karen同肥培拎o野俾我,所以我係IFC散步,睇見名店林立同周身名牌、化行靚粧、一個個名緩般o既OL同明顯屋企大把錢o既ABC,我又試深深感到"呢個地方不屬於我"喇...其實呢個念頭我記得我年多前係中環見工亦出現過,年半後我依然深切地存有同一個感覺,我諗,有時一份工作,工作性質故然重要,但公司環境同文化亦都要同自己性格相配先得,當人人"恨"可以打扮時髦咁係中環番工o既時候,我竟然有想"逃離"呢個地方o既感覺...都唔知係自己無大志定係安慰自己話自己純樸唔勢利好囉...
雖然我對中環有呢種感覺,但當然,我亦更期待份工有進一步消息啦,唯有再等、等、等啦!!!!希望順利吧!!!
2006年5月18日 星期四
2006年5月17日 星期三
到健身中心運動去!
我o地兩點鐘去到,諗住做完運動三點半o岩o岩好可以會Betty行街,點知入到去俾人sell o左好耐,搞o左成個鐘乜運動都無做到呢(我係第一次去呢d健身中心,雖然預o左俾人sell,但無諗過咁耐!!)!!!入到去,首先係填表登記,由於Cindy一早提醒,為免被無謂推銷電話騷擾,所以我全程用我ICQ號碼作為手機號碼o黎登記,填完後,職員就帶我o地參觀中心設施,再安排教練幫你度高磅重量脂肪,指出你的健康問題,目的,當然係令你更易參加中心的健身program啦!!!!再之後,職員就正式開始推銷,雖知職員都係打工搵食,但佢d'熱心'同'賣力',的確令人不勝其煩!!我同Cindy雖然一早唔諗住俾錢,但又唔好意思太絕咁拒絕,所以換o黎職員好有'誠意'咁將月費由$458減到$338,再由$338大幅下降到$169,下降幅度之多,神奇得o黎其實都有令我心郁郁!!!!不過,兩個人o既意志力總係強d,所以我o地最終都不為所動,好彩!!!
乜運動都無做咁走出健身中心後,我o地去o左會合Betty食Tea,我都好一排無見過Betty喇,佢o岩o岩去完雲南旅行,好期待下次大姐會Gathering睇佢同Karen d相!!!食完Tea我o地去o左睇化粧品同袋,嘻,其實我對名牌一向無乜認識同研究,所以我只係靜靜跟係佢o地後面學o野,嘻!!!行完街我同Cindy再去健身中心,因為我o地帶晒衫,無理由出到o黎唔做o下運動!!!我o地玩o左個單車班,踩o左大半個鐘,都幾支力,我諗實消耗唔少卡路里,yeah!!!
另外...上文提到量脂肪,我都知自己脂肪實唔少...但估唔到量出o黎竟然佔咁大百分比...對一下國際標準表,我的比率竟到逹最嚴重,亦即"不可接受"的水平...oh my god!!!!!個健身教練仲健議我要減十至十五磅脂肪先達健康水平...點算呢...點先減到脂肪呢...
2006年5月15日 星期一
三寸之差
一直以來我認為我的高度應算是中等,因為走在街上,高過我的人大有人在,矮小過我的人也不算少,由於人數相約,所以如果全香港女性高度分為十級,我認為我應該是5吧!!!今日目的地係銅鑼灣,一個人頭湧湧o既地方,結果,"高"了三寸後,我發現我真的看多了很多人頭頂呢!!!
三寸之差,看的東西分別竟然可以那麼大!!先說男士,以前同班同學裡,也沒有多少個男同學比我矮,今日加了三寸後,我發現我高過不少男士呢!!!在我眼中矮少了的男士,即時無咁'高大威猛',甚至變得'弱小'!!!最深刻時一名中年男士走過我面前,我竟然可以清楚地甩腑瞰佢頭頂上幾條撘過去地中海對岸的黑色大橋...感覺認真震憾!!!!至於女士呢,今日當然少了比我高的女士啦,走在街上真有沾沾自喜(也可以說是自欺欺人!)的感覺,想像自己是走在天橋上的模特兒,哈...很開心呢!!!當然啦,看見穿著平底鞋也比我高的女士,我只有驚嘆同羡慕啦!!!!!再細心留意,其實街上不少女士是穿了高跟鞋的,高度由一寸到三寸不等,忽然間,我想我對自己的高度評估可能要重新調整,十分入面,我可能有六至六點五都未定呢!!!當然,呢樣o野只能夠等所有人都赤腳走在街上才可以證實吧,哈哈哈!!!
"高"了三寸後,最開心係今日同Honey食午飯,並肩而行時跟他拉近距離的感覺,不用再仰望他望到頸都支力呢,哈!!!(仰望總還是要的,因為我Honey像비一樣高呢,但仰望幅度少了,當然無咁攰!)而且,我終於進一步了解到Honey眼中充滿頭頂的世界是如何了(雖則未夠高感受他撞到巴士車頂的感覺...)!!!
穿了幾小時高跟鞋,也不是想像中辛苦,但走不快真的不太方便,常常出現我心想走快,但腳步卻跟不上我心的情況...不過,感受了半天高高在上的感覺,認真開心又奇妙呢,哈!!!
2006年5月14日 星期日
母親節快樂
今日係母親節,所以主角之一當然係我婆婆啦,由細到大咁耐,今日第一次見婆婆轉髮型,雖然佢自己唔多鍾意(因為唔係佢剪開頭髮個師傅剪!),但我就覺得呢頭清爽o既男仔頭白色短髮襯得我婆婆年青了,看起來亦精神了,對我來很有新鮮感,令呢位德高望重o既'母親'更可愛呢!!!!
夜晚由於屋企仲係混亂一片,所以只能食外賣KFC同美心o既朱古力鮮果脆蛋榚(呢個蛋榚我全家都好鍾意,真係超值得推介!),雖然因為工程關係,屋企已經兩星期無煮過飯,真係好掛住我媽煲o既靚湯,但無法啦,而且今日係母親節,俾媽咪放假係應該o既呢!!!!希望我媽年年母親節都開開心心啦!!!!
2006年5月13日 星期六
2006年5月12日 星期五
化造天邊的...一舊雲
今朝去o左IFC2見工,第一次去咋,o個度好靚,雖然係遠d,但如果入到去做都唔錯!!回程時坐船,但行錯路,搞到好耐先番到屋企,同唔到爸媽食飯,只好食外賣,哈!!!!
今日依然天朗氣清,一朝起身外出,所以人都特別精神爽利,番到屋企望出窗,風景實在太靚喇,由於我張床造得較高,所以同窗口好接近,訓係床上望出去就係蔚藍色的天際,猶如置身天空之城中,真希望自己能夠化為當中的一舊雲,自在寫意,無牽無掛呢!!
訂閱：
文章 (Atom)