母親節快樂

今日係母親節,我家親朋戚友們除了在中國的大時大節聚餐外,母親節便是唯一一個也會聚餐的外國節日,所以今日出o左去一大班人食午飯,好熱鬧,但最衰今日屋企仲要整渠,我爸要留係屋企睇住d工人,出唔到o黎食飯,有少少美中不足!!!

今日係母親節,所以主角之一當然係我婆婆啦,由細到大咁耐,今日第一次見婆婆轉髮型,雖然佢自己唔多鍾意(因為唔係佢剪開頭髮個師傅剪!),但我就覺得呢頭清爽o既男仔頭白色短髮襯得我婆婆年青了,看起來亦精神了,對我來很有新鮮感,令呢位德高望重o既'母親'更可愛呢!!!!

夜晚由於屋企仲係混亂一片,所以只能食外賣KFC同美心o既朱古力鮮果脆蛋榚(呢個蛋榚我全家都好鍾意,真係超值得推介!),雖然因為工程關係,屋企已經兩星期無煮過飯,真係好掛住我媽煲o既靚湯,但無法啦,而且今日係母親節,俾媽咪放假係應該o既呢!!!!希望我媽年年母親節都開開心心啦!!!!