到健身中心運動去!

今日我同Cindy又出動喇,由於唔使番工,所以咪盡量利用時間搵節目囉!今日,我就同佢去o左某健身中心,諗住用我係賴茄舞動派對拎番o黎o既十四天pass!!

我o地兩點鐘去到,諗住做完運動三點半o岩o岩好可以會Betty行街,點知入到去俾人sell o左好耐,搞o左成個鐘乜運動都無做到呢(我係第一次去呢d健身中心,雖然預o左俾人sell,但無諗過咁耐!!)!!!入到去,首先係填表登記,由於Cindy一早提醒,為免被無謂推銷電話騷擾,所以我全程用我ICQ號碼作為手機號碼o黎登記,填完後,職員就帶我o地參觀中心設施,再安排教練幫你度高磅重量脂肪,指出你的健康問題,目的,當然係令你更易參加中心的健身program啦!!!!再之後,職員就正式開始推銷,雖知職員都係打工搵食,但佢d'熱心'同'賣力',的確令人不勝其煩!!我同Cindy雖然一早唔諗住俾錢,但又唔好意思太絕咁拒絕,所以換o黎職員好有'誠意'咁將月費由$458減到$338,再由$338大幅下降到$169,下降幅度之多,神奇得o黎其實都有令我心郁郁!!!!不過,兩個人o既意志力總係強d,所以我o地最終都不為所動,好彩!!!

乜運動都無做咁走出健身中心後,我o地去o左會合Betty食Tea,我都好一排無見過Betty喇,佢o岩o岩去完雲南旅行,好期待下次大姐會Gathering睇佢同Karen d相!!!食完Tea我o地去o左睇化粧品同袋,嘻,其實我對名牌一向無乜認識同研究,所以我只係靜靜跟係佢o地後面學o野,嘻

!!!行完街我同Cindy再去健身中心,因為我o地帶晒衫,無理由出到o黎唔做o下運動!!!我o地玩o左個單車班,踩o左大半個鐘,都幾支力,我諗實消耗唔少卡路里,yeah!!!

另外...上文提到量脂肪,我都知自己脂肪實唔少...但估唔到量出o黎竟然佔咁大百分比...對一下國際標準表,我的比率竟到逹最嚴重,亦即"不可接受"的水平...oh my god!!!!!個健身教練仲健議我要減十至十五磅脂肪先達健康水平...點算呢...點先減到脂肪呢...