購物狂

早幾日睇報紙見到有篇報道講一個從南美來港o既大學生對本港女生o既印像,文中提到佢覺得香港女人都係購物狂,簡直嚇怕佢...雖然我無睇"最愛女人購物狂",但無可否認,我都幾認同佢o既睇法...因為我今日又大出血喇!!!

早幾日先話自己買唔o岩船底涼鞋,今日終於睇中喇,其實間舖頭我間中都會經過,亦曾經留意有無心水鞋,但唔點解今日一家四口(我細佬番o左工!)先見到!!!!一試上腳覺得幾好睇,價錢又合理($300),所以買o左!!其實我從來未著過高踭鞋,唔知我應唔應付到呢對三吋高涼鞋呢?不過一諗起我可以同我honey拉近高度距離,感覺好似好得意呢!!!

============================================================

下午又努力搵工,寄o左三兩份咋,好少...硬係睇唔o岩咁...不過其中一份好高效率,因為我send email到收到對方電話只係大半小時,約o左聽朝in,呢份係我完o左學業後第一份見o既工,希望有個好開始!!!!