好想剪髮

今朝去o左唱lunch K,好耐無唱過喇,不過唱Ko個度成日播住我近排難得覺得難聽o既一首歌"愛與被愛",真係令我好心煩!!其實我唔知點解會覺得呢首歌咁討厭,可能係d詞o既關係,又"愛與被愛",又"跌落海","去到月台",而兩位唱手o既唱腔亦好九十年代...個腦不其然諗起張智霖許秋怡呢!!!!我妹第一次播我已經話"點解首歌咁老土o架,好難聽",估唔到K場會不斷播,唔通首歌好受而家d年青人歡迎???我d taste似乎跟唔貼而家新一代添...help!!!

唱完K後,我會合我honey,本來諗仲出去睇戲,但又落大雨,而且我o地本身無戲特別想睇,所以最後只係行o左陣就各自番屋企lu!!!!其間我Honey勾起我想去深圳剪髮o既念頭,因為佢話上面d飛髮舖會好有心機幫你按頭,我都想試o下唔使俾太貴,都有五星級享受o既剪髮服務!!!!我把頭髮而家應該係我出生以來最長o既時刻呢,好想把心一橫剪短五六吋呢!!!!