尋晚訓得唔好,可能個腦成日諗住今日點bargain啦,精神唔太好,頭重重,同媽咪lunch後就prepare今日interview!!!由於夜晚約o左好姊妹食飯,所以我提早十五分鐘到達,希望盡快完成interview,點知想快但結果得個慢,仲要由5:45等到6:35 Manager(上次Interview那女人)先現身,原來佢俾大老細捉住開會走唔開!!!!
場仗開始喇,首先我先禮後兵,多謝對方俾我offer,然後我就解譯我另一邊offer o既大約程況,由於另一份offer比較特別,為免佢很易有渠道得知此工作的待遇詳情,我沒有俾太深入o既資料Manager,只約略說那是一份比較back end及貼近business analysis o既工作!!!接下來,對方便連珠炮發咁"客觀"分析呢個offer o既發展及比另一個offer好o既地方!!!!工作發展方面,主要由web master => assistant online marketing manager => manager; 工作性質就主要係web update及propose可配合marketing program或做到marketing作用o既 website function/features/program; 此offer優勝之處係著重大方向, 行頭亦闊, 加上係大brand,所以比business analysis 只著重micro o既analysis更實際, 最後,對方指出兩份工性質有別,關鍵在我性格及career target上!!!被對方連珠炮發咁"客觀"分析後,我開始唔多識應對喇,因為佢o既分析當中有我未想到的要點,加上我為免說錯性格及career target而令自己失去此offer,所以我一時間未能提供另一份工作比此offer好而強而有力o既理由...整場仗中,我可以話係被對方牽住走...
由於我未能令對方認同我另一個offer較吸引,所以佢接住指出佢唔認為我會為大約$500 o既人工difference而reject呢個offer...但佢亦口頭上敷衍我話會相量o下...最後,我話我星期一俾答覆,佢話太遲,於是我答應了星期五lunch俾答覆...嗚...我好失敗呀,點解我唔話人o地俾好高人工我,而家咁坦白只講高幾百元,又無能力說服對方人o地offer條件比呢份好...我明明好用心prepare個interview o架嘛,咁都fight 唔到更好待遇,仲要比對方強更態度食住,我真係好stupid,好stupid!!!!!!
而家恨錯難返,怪只怪我一向唔多識同人bargain,唉...但今日interview後,我只有更肯定自己喜歡尋日那份工作性質,加上今日manager曾說過"欣賞我咁認真看待這offer,但而家唔係決定結婚嫁人,唔使效慮咁耐",令我心裡唔多好受,唉...anyway,我現正打算俾一個類似這樣o既答覆:
"如果salary可以加1K,我便accept offer"
唔知咁樣好唔好呢????
所以我昨天說要在 second interview 之前打一個比較表, 令思路清晰一點, 前晚我情願沒有足夠睡眠, 也不想到 second interview 時被 CEO 問到口啞, 因為 CEO 人生閱歷比我豐富, 佢一定有方法令我認為佢的 offer 比另一邊好, 否則都唔會兩日內 total 9 小時都仲冇乜 dead air 呢, 想起來其實有點恐怖, 其實可能他已經在 9 小時內了解我的優點及弱點, 日後被佢食住都唔出奇!!! 如果我係你的話, 會盡量在星期五前, 想出另一方的優勝之處, 唔好再 focus on 咩o野 target 同埋性格了, 否則又俾佢點 (不過我意思係, 你同佢再討論時, 唔好主動帶出呢個個 points, 但要 be prepared 如果佢再問起, 你要有答案). "如果salary可以加1K,我便accept offer" --> 我覺得唔會 work 了, 因為今日個勢, 佢佔上風. 仲有, 既然佢已經知道晒另一個 offer 係點, if I were you, 我情願話我有第三個 offer, 論發展的話, 條件跟這 "水泡" 差不多, 但論待遇就優勝得多 (待遇唔一定要係人工, 亦可以係教育津貼, etc.), 而且 offer 有更有系統o既 training, blah blah blah. 又或者咁, 如果冇o左呢個 "水泡" 唔會太心痛, 你可以博一博, 明日下午後同佢講你早上見另一間公司又有 offer, 所以唔好意思, 暫時明日早上的 offer 最理想, 要 reject 佢. 你 reject 佢, 可能佢反而問你咩原因, 到時你有機會再佔上風 (就好似我星期一 reject 了一個 offer, 都收到電話問我係唔係月薪問題, 我答只係 partly 的因素, 如果我答係唯一因素, 我估佢會內部商討, 給我更高待遇.) 冇法啦, 香港僱主真係習慣o左壓價的. 你要求幾多, 佢都會有壓價傾向! 有時都想老實o的, 但太老實又真係好易俾人 "蝦", 尤其是香港人, 所以我做了幾份工作後, remind 自己要 "在商言商", 不要再講 "人情味" 了, 因為即使自己對人有人情味, 別人未必會理解的!
回覆刪除我諗你想清楚, 個 "水泡" 係唔係等住來救命啦, 如果屋企等你養, 或者你有其他負擔, 就只好小心為上, 係唔係都做住先. 否則就等另一個 offer 兩星期後的 feedback. 不過, 你可以進取o的, 為另一間公司的申請, 準備多些表示誠意o既功夫. 其實, 某程度上, 我覺得 "水泡" 公司誠意唔係好好, 佢當面話相信你唔會為 500 蚊而 reject 佢, 其實佢預o左慳番呢 500 蚊. 我有朋友做高層的, 佢同我講, 對公司來講, 好多時係出得起, 只係佢願意與否. 就好似我的 offer, 原本另一個 candidate 要求 10k 月薪, 我另一邊 offer 20k 月薪, 這差距已經很遠, 當時我對這職位可以說是 "無知", 但我真的從未想過這職位, 只是對這公司的產品感興趣, 因此抱著一試無妨的心態, 希望可以先了解, 後考慮. CEO 都冇因為月薪問題, 即時要終止個 job interview, 佢唔係 focus on 月薪同我傾, 而係 focus on 發展方向同我傾, 仲有了解我長處. 後來佢加到 12k, 我話真係幾難接受, 因為我畢業後工作一年多, 已經有 13k, 我又去了留學, 回來後對自己有期望, 亦唔想俾少過出國前的家用俾屋企, 因為出國幾年屋企好吃力, 捱了很多苦. 雖然留學生算不上什麼, 但我肯定我在留學時, 不是死讀書 (我也不是靠學歷發揮所長的人, 我沒有名牌大學畢業證書), 但我有用心吸取更豐富的人生閱歷的, 工作只是人生的一部份, 但更豐富的人生觀, 對工作一定有正面幫助. 一個人的思維, 是無價的 (別人買不起, 偷不走, 取締不了), 因此我深信, 我回香港後, 被壓價是不合理的.
回覆刪除我都完成比較表了,但事實上,兩份工性質分別幾明顯,到而家呢個地步,我亦發覺自己對於失去已有offer的一份工變得越來越無所謂了,我覺得我唔應該再浪費時間去再bargain,所以我才有意以"如果salary可以加1K,我便accept offer"作我向此公司的回覆!!!!現階段,我想我應為另一份做更多準備,如你所說以已有offer為由使他們更快有所決定,所以我現在心目中有兩個想法:
回覆刪除1. 若已有offer的公司到頭來無revise我salary,我乾脆reject offer算了,佢有誠意留我,自然有下一步行動,若無誠意,那我都無所謂,反正我覺得我要找相類工作並非太難,只是此乃大公司而已!!
2. 若有salary revision,我爽快accept,然後邊等另一邊消息!!就算另一邊無offer,我可以俾自己時間觀察呢份工作的可取之處,不滿意便再搵其他工!!
本來無salary revision我也可accept offer然後邊等另一邊消息,但我認為若我要邊番工邊應付另一邊Interview,我可能損失好好prepare interview的時間與精神,不太值得!!!(聽落像在賭氣呢...但佢的誠意的確令我不太順氣呢!!!!)
我已經將我的比較表send 到你email了,有空看看吧!!!!million thanks!!!!!
另外我想補充說明一下我個性...我本身唔多識偽裝,朋友們都成日話我就算講大話都好易俾人睇穿,所以你或會睇得出我係呢幾日o既interview經歷中多選擇以隱瞞、不透露o既方法,而非誇大或說謊的方法來應對...唉,由於坦白過龍,加上呢次係我人生中第一次進行議價...所以...所以搞成咁, ,所以我性格本身適合做back-end/supporting o既工作,呢份工我apply時只為佢o既Brand name大而一試,Marketing 其實與我性格不合呢...
回覆刪除我都支持你用有無加價而決定呢~ 咁大間公司, 都唔爭果少少人工。以你的能力, 一定找到更好的!!!
回覆刪除多謝支持呀!!!! ^.^我會努力的!!!!
回覆刪除