十一點多,首先陪我媽咪出沙田食雲南菜,間舖頭新出o左個香茜桂花魚片米線,睇見好多人叫,於是我o地都試o左,的確唔錯!!!之後我就出發去面試地點~灣仔!!!由於我預o左充足時間,距離面試時間還有五十分鐘已經抵達尖沙咀,所以我決定坐船,點知花了半個鐘有多先去到目的地,時間雖然o岩o岩好,但感覺好險!!!
上到接待處,坐了十五分鐘有多都無人理我,眼見越o黎越多西裝骨骨o既visitor來到reception,估計係公司的客戶被繳上來開大會吧!!!其中有兩位韓國男人,因為reception嬸嬸(她看來至少五十來歲了)正忙著,所以只好先坐在我旁邊等,正打算自學韓文的我自己有留心聽啦,但當然我係乜都聽唔明,哈哈...正係呢個時候,驚人o既事發生喇~~~reception嬸嬸用韓文問兩位找誰,來自那間公司(世界真少,呢兩位男士正正來自我尋日收到offer那公司!!!!),並指示他們要到的辨公室在那裡(我的程度足夠猜到呢類簡單問題o既大約意思o既...)!!!招待完兩位後,又有另一位男士進入reception,reception嬸嬸聽到男士說的口音,主動問佢係咪韓國人,然後雙方又進行簡單的對答,我大約猜到係大家互相打招呼,男士讚嬸嬸韓文好,嬸嬸謙虛說自己學了多久之類...待男士走了後,我忍唔住同嬸嬸傾計,讚佢好叻,傾談下發現佢學了韓文六年了,花了很多錢,所以每次遇到外國客人,佢都會盡量以學來的韓文同佢o地交流,不亦樂乎!!!!!除韓文外,佢還會日文,至於英文,普通話當然不能不會啦,因為公司常常需要接待外國客戶!!!!嘩,在我眼中職位似係小小的一個reception,原來都真的不簡單,很有臥虎藏龍o既感覺,佢終身學習o既積極態度好值得人學習!!!!
我都好想學 韓文 呢!!
回覆刪除係 ga, 行行出狀元, 最重要係自己有冇正面心態.
回覆刪除To mini Person 迷你人: 說得好呀,由於我讀書background太廣,科目亦冷門,我亦常常要抱住"行行出狀元"o既心態去勉勵自己呢!!!!! To Menu: 教你個方法認韓字,首先當然要有個表說明那韓文"字母"拼音是甚麼,我知你有睇韓劇,只要你下載相關OST,然後搵歌詞,對住練唱就可以好快記得d韓字點讀o架喇!我而家認得八成呢!!! 以下呢個網可以搵到好多韓歌歌詞o架,很好用: http://www.bugs.co.kr/
回覆刪除如果每日練習寫韓文, 就好似我o地幼稚園至小學時要寫 copybook 咁, 邊寫邊讀, 都對認字大有幫助的!
回覆刪除