今日同媽咪細佬妹食完lunch後就出去IFC2 2nd in,我其實已經比見工時間早個半鐘出門口,點知塞車,嚇到我要打電話去講聲自己可能會遲到...不過好彩,最終我都準時到達!!!!今日有一男一女in我,個女o既好明顯係manager grade,一入o黎已經有令我窒息o既感覺,因為佢無乜笑容好cool!!!!成個interview就係呢位女o既主導,單刀直入,我無乜思考o既餘地,表現普普通通咋...相反,個男o既明顯林善d,我亦見到佢個樣好似好眼訓咁...如果我被請就係跟佢,都好d!!!!結果,我用三個鐘車程但只in o左十五分鐘,個女o既問晒佢想知o既o野就問個男有無補充,個男o既話無,之後女o既就對住我話"咁你番去等通知啦!"...個Interview完結之快你我有少少措手不及,因為我都係第一次Interview遇到唔問我"你有無咩想問?"o既interviewer!!!佢可能見我呆o左一呆,於是再一句"咁你番去等通知啦!",好似趕我走咁,真係咩信心都俾佢打沉晒...
In完,由於Karen同肥培拎o野俾我,所以我係IFC散步,睇見名店林立同周身名牌、化行靚粧、一個個名緩般o既OL同明顯屋企大把錢o既ABC,我又試深深感到"呢個地方不屬於我"喇...其實呢個念頭我記得我年多前係中環見工亦出現過,年半後我依然深切地存有同一個感覺,我諗,有時一份工作,工作性質故然重要,但公司環境同文化亦都要同自己性格相配先得,當人人"恨"可以打扮時髦咁係中環番工o既時候,我竟然有想"逃離"呢個地方o既感覺...都唔知係自己無大志定係安慰自己話自己純樸唔勢利好囉...
雖然我對中環有呢種感覺,但當然,我亦更期待份工有進一步消息啦,唯有再等、等、等啦!!!!希望順利吧!!!
我覺得我都唔適合係中環返工....
回覆刪除嘻,大家性格果然差唔多~
回覆刪除我以前都好羨慕d中環OL架，著d衫又fashion，著住對3吋豆0踭，0係扶手電梯上走動，簡直係神乎奇技。 我唔係呢type架喇，因為見到人來人往的中環街道，都覺得好辛苦。每次經過，都慶幸自己唔係0係呢度返工 。
回覆刪除其實人各有志啦,不能否認有人性格與中環呢個地方相配,甚至以中環高層作目標努力工作,達到理想,總之認清自己想點,搵份o岩自己性格o既工真係好總要,番工個心都會舒服d,無咁大壓力呢!!! 忽然諗起"地靈人傑"呢句說話,我唔"傑",所以都唔o岩係呢個咁"靈"o既地方...哈...
回覆刪除中環好ＯＬ ＦＥＥＬ啊，我從未個頭返過工， 亦都唔會考慮嘅地區， 不過， 我宜家係金鐘返工， 唉！ 咁又無理由為左唔想係個頭而唔做呢份工囉！！ 幾時先知請唔請啊？？
回覆刪除我之前都有試過係IFC 2nd-in, 可能因為我周時都有係IFC出入的關系，所以又唔覺得你講的感覺喎！ 個時覺得，可以做中環儷人的確有dd恨，所以我將我的expected salary調低左少少。不過好在佢地無請我咋(口硬)！我住九龍區每日都要過海番工，而中環食飯又出奇的貴，同而家九龍灣相比，真係天堂同地獄。只係你有無見到係IFC行beat的三隻狗仔？IFC的保安都幾嚴密架，你去過見工你都知道一、二架啦！而且仲有3隻狗仔"辣更"每憑lunch time就會比好多OL圍住架啦！
回覆刪除To 加莉: 咁又係,我雖然有感自己唔屬於中環,但份工請到,我當然會好開心咁接受啦,哈,我諗總會係公司搵到同我同類,都係唔屬於中環o既人吧...又或者我可能會被同化,變為中環OL都未定,哈哈哈,不過呢刻言之尚早喇,請先算!!!! 我都唔知幾時通知呀,因為個女o既最後無俾機會我問呢...所以我而家心中都充滿問號,只好無了期等,我估下星期無消息o既話就game over喇!!!
回覆刪除To 午夜飛行: 嘻,我住新界呢,所以我搵工,真係盡量少考慮要過海,除非係大公司或人工高啦,好似尋日我要用三個鐘來回,都真係幾辛苦同浪費時間o架!!!!!由於少出入中環區,所以感覺比較大吧!!! 我都有見到o個三隻狗仔呀,我第一次去唔見o架,尋日先見,佢o地好似我係電視見o個d搜爆炸品狗狗呀,的確幾可愛呢!!!!
回覆刪除