大掃除

尋晚十一點半一訓就今朝十點喇,好甜好滿足好幸福呀,哈!!!

今日可以輕輕鬆鬆陪屋企人食飯,食o左好耐無去過o既川滬!!之後一如過往陪我媽去食食送shopping,其實眨o下眼我都差唔多三四個星期無陪我媽行街喇,時間過得真快!!!!

番到屋企後我就好專心咁做我尋日提過o既事,就係...大掃除喇!!!!!

其實我都唔多記得幾時開始呢個習慣,總之每次考完試,做完功課,我就會執o野,抺呢樣o個樣,令每一個地方都整齊整潔!!!好似今日咁,我用o左幾個鐘時間抺方,連電線上o既塵都逃唔出我魔掌,一絲不苟咁,好大工程呢!!!!收拾完後有種好滿足o既感覺,唔知我呢個習慣算唔算係一個怪僻呢?